1 tabletkada quyidagi faol moddalari mavjud: estradiol 1 mg (estradiol gemigidrat ko‘rinishida 1,03 mg) va didrogesteron 5 mg; yordamchi moddalari: laktosa monogidrat, gipromelloza, makkajo‘xori kraxmali, kremniy dioksid kolloid anhidrid, magniy stearat; plyonka qobig‘i Opadry OY-8734 to‘q sariq (gipromelloza, makrogol 400, titana dioksid (E171), temir oksid sariq (E172), temir oksid qizil (E172)).

Estrogen yetishmovchiligi bilan bog‘liq simptomlarni bartaraf etish uchun o‘rinbosar gormonal terapiya (ZGT) postmenopauza davridagi ayollarda oxirgi hayz ko‘rganidan kamida 6 oy o‘tgach. Postmenopauza davridagi ayollarda osteoporozning oldini olish, suyak sinish xavfi yuqori bo‘lganda, osteoporoz profilaktikasi uchun boshqa dori vositalarini qabul qilish mumkin bo‘lmaganda yoki ularga qarshi ko‘rsatmalar mavjud bo‘lsa.

- O'tmishda aniqlangan yoki gumon qilingan ko'krak bezi raki; - aniqlangan yoki gumon qilingan estrogenga bog'liq yomon sifatli o'smalar (masalan, endometriy raki); - aniqlangan yoki gumon qilingan progestagenga bog'liq yangi o'smalar (masalan, meningioma); - noma'lum kelib chiqishga ega vaginal qon ketishlar; - davolanmagan endometriy giperplaziyasi; - hozirda mavjud yoki o'tmishda bo'lgan venoz tromboemboliyalar (chuqur venalar trombozi, o'pka arteriyalari tromboemboliyasi); - aniqlangan trombofilik buzilishlar (masalan, protein S, protein C yoki antitrombin yetishmovchiligi); - faol yoki yaqinda bo'lgan arterial tromboembolik kasalliklar (masalan, stenokardiya, miokard infarkti); - o'tkir jigar kasalliklari, shuningdek, o'tmishda jigar kasalliklari bo'lgan hollarda, agar jigar funksiyasi ko'rsatkichlari normallashmagan bo'lsa; - porfiriya; - homiladorlik va laktatsiya davri; - bolalar yoshi; - faol moddalarga yoki preparatning har qanday yordamchi moddasiga ma'lum bo'lgan yuqori sezuvchanlik.

Og'iz orqali qabul qilish uchun. Estrogen doimiy ravishda qabul qilinadi. Progestagen esa 28 kunlik siklning oxirgi 14 kunida ketma-ket qo'shiladi. Davolash bir dona, tarkibida 1 yoki 2 mg estradiol bo'lgan tabletkani, kuniga 1 marta, 28 kunlik siklning dastlabki 14 kuni davomida har kuni qabul qilishdan boshlanadi; keyin esa navbatdagi 14 kun davomida har kuni 1 dona, tarkibida 1 yoki 2 mg estradiol va 10 mg didrogesteron bo'lgan tabletkani, 28 kunlik kalendar qadoqdagi ko'rsatmaga muvofiq, kuniga 1 marta qabul qilinadi. 28 kunlik sikl tugagach, darhol yangi sikl boshlanishi kerak. Femoston® preparatini qadoqlar orasida tanaffus qilmasdan qabul qilish lozim. Postmenopauzal simptomlarni boshlash va davom ettirish uchun minimal samarali dozalarda va minimal muddatda buyurish zarur. Odatda davolashni tarkibida 1 mg estradiol va 10 mg didrogesteron bo'lgan Femoston® preparatini qabul qilishdan boshlash tavsiya etiladi. Klinik javobga qarab dozalash individual tarzda tanlanishi mumkin. Boshqa doimiy ketma-ket yoki siklik davolashdan o'tayotgan bemorlar 28 kunlik davolash siklini tugatishlari, shundan so'ng Femoston® preparatini tanaffussiz qabul qilishlari mumkin. Doimiy kombinatsiyalangan terapiyadan o'tayotgan bemorlar Femoston bilan davolashni istalgan vaqtda boshlashlari mumkin. Agar doza qabul qilinmay qolsa, uni imkon qadar tezroq qabul qilish kerak. Agar 12 soatdan ko'proq vaqt o'tgan bo'lsa, davolash keyingi tabletkani qabul qilish bilan davom ettiriladi, o'tkazib yuborilgan tabletkani qabul qilmasdan. Bunday hollarda proyivnoy qon ketishi yoki qonli ajralmalar ehtimoli oshishi mumkin. Femoston® ovqat qabul qilishdan qat'i nazar qo'llanilishi mumkin.

Klinik tadqiqotlarda, estradiol/didrogesteron qabul qilgan bemorlarda eng ko‘p quyidagi nojo‘ya reaksiyalar haqida xabar berilgan: bosh og‘rig‘i, qorin og‘rig‘i, ko‘krak bezlarida og‘riq/sezgirlik, bel og‘rig‘i. Klinik tadqiqotlarda (n=4929) quyidagi nojo‘ya reaksiyalar bemorlarda quyidagi tez-tezlikda kuzatilgan: juda tez-tez >1/10, tez-tez 1/100, lekin <1/10, kamdan-kam 1/1000, lekin <1/100, noyob 1/10000, <1/1000. Infeksiyalar va invaziyalar tez-tez – vaginal kandidoz. Yaxshi sifatli, yomon sifatli va aniqlanmagan yangi o‘simtalar kamdan-kam – leyomioma o‘lchamining kattalashuvi. Immun tizimi buzilishlari kamdan-kam – gipersensitivlik reaksiyalari. Psixika buzilishlari tez-tez – depressiya, asabiylik; kamdan-kam – libido o‘zgarishlari. Markaziy asab tizimi buzilishlari juda tez-tez – bosh og‘rig‘i; tez-tez – migren, bosh aylanishi. Yurak tomonidan buzilishlar noyob – miokard infarkti. Tomirlar tomonidan buzilishlar kamdan-kam – venoz tromboemboliyalar*. Ovqat hazm qilish tizimi tomonidan buzilishlar juda tez-tez – qorin og‘rig‘i; tez-tez – ko‘ngil aynishi, qusish, meteorizm. Jigar va o‘t yo‘llari tomonidan buzilishlar kamdan-kam – jigar funksiyasi buzilishi, ba’zan asteniy, holsizlik, sariqlik va qorin og‘rig‘i bilan kechishi mumkin, o‘t pufagi kasalliklari. Teri va teri osti to‘qimalari tomonidan buzilishlar tez-tez – allergik teri reaksiyalari (to‘shma, eshakemi, qichishish); noyob – angionevrotik shish, tomirli purpura. Skelet-mushak va biriktiruvchi to‘qima tomonidan buzilishlar juda tez-tez – bel og‘rig‘i. Jinsiy a’zolar va ko‘krak bezi tomonidan buzilishlar juda tez-tez – ko‘krak bezlarida og‘riq/sezgirlik; tez-tez – hayz sikli buzilishlari (shu jumladan postmenopauzada qonli ajralmalar, metroragiya, oligo/amenoreya, noturg‘un hayz, dismenoreya), tos sohasida og‘riq, servikal ajralmalar; kamdan-kam – ko‘krak bezlarining kattalashuvi, premenstrual sindrom. Umumiy buzilishlar va yuborish joyidagi buzilishlar tez-tez – asthenik holatlar (asteniya, charchoq, holsizlik), periferik shishlar. Laborator va instrumental tekshiruv natijalariga ta’siri tez-tez – vazn ortishi; kamdan-kam – vazn kamayishi. * – quyidagi ma’lumotga qarang. Ko‘krak bezi saratoni xavfi Kombinatsiyalangan estrogen-progesteron terapiyasini 5 yildan ortiq qabul qilgan ayollarda ko‘krak bezi saratonini aniqlash xavfi 2 barobargacha oshgani haqida xabar berilgan. Faqat estrogenli terapiya qabul qilgan ayollarda xavfning oshishi, estrogen va progesteron kombinatsiyasini qabul qilgan ayollarga nisbatan ancha past. Xavf darajasi davolash davomiyligiga bog‘liq.

Estradiol Faol komponent 17β-estradiol kimyoviy va biologik jihatdan insonning endogen estradioliga o‘xshashdir. Estradiol menopauzadagi ayollarda estrogenlar ishlab chiqarilishi yo‘qolishini o‘rnini bosadi va menopauza simptomlarini yengillashtiradi. Estrogenlar menopauza yoki ooforektomiyadan keyin suyak to‘qimasi massasining yo‘qolishini oldini oladi. Didrogesteron Didrogesteron - bu og‘iz orqali qabul qilinganda faol bo‘lgan progestagen bo‘lib, uning ta’siri parenteral yuboriladigan progesteron ta’siriga o‘xshashdir. Estrogenlar endometriy o‘sishini stimulyatsiya qilgani sababli, faqat estrogenlar bilan monoterapiya endometriy gipertrofiyasi va endometriy saratoni xavfini oshiradi. Terapiyaga progestagen qo‘shilishi bachadon saqlangan ayollarda estrogenlar bilan induktsiyalangan endometriy gipertrofiyasi xavfini sezilarli darajada kamaytiradi. Klinik tadqiqotlar ma’lumotlari Estrogen yetishmovchiligi simptomlarini kamaytirish va qon ketish profilini yaxshilash Menopauza bilan bog‘liq simptomlarni kamaytirish preparatni qo‘llashning dastlabki bir necha haftasida erishildi. Femoston® preparatini (2 mg estradiol va 10 mg didrogesteron) qo‘llagan ayollarning 89%ida muntazam hayzga o‘xshash reaksiyalar (o‘rtacha 5 kun davom etadigan bekor qilish qon ketishlari) kuzatildi. Hayz ko‘rish odatda siklning o‘rtacha 28-kunida boshlanardi. Dastlabki 3 oy davolashda ayollarning taxminan 22%ida bachadon ichki qon ketishlari va/yoki qonli ajralmalar, 10-12-oylarda esa 19%ida kuzatildi. Amenoreya (qon ketish yoki qonli ajralmalar yo‘qligi) birinchi yil davolashda sikllarning 12%ida kuzatildi. Klimaks bilan bog‘liq shikoyatlarni kamaytirish davolashning dastlabki haftalarida erishildi. Osteoporozning oldini olish Menopauzada estrogen yetishmovchiligi suyak to‘qimasi almashinuvi oshishi va suyak massasining kamayishi bilan bog‘liq. Estrogenlarning suyak to‘qimasi mineral zichligiga ta’siri doza bog‘liqdir. Estrogenlarning himoya ta’siri faqat ularni qo‘llash davrida saqlanadi. O‘rnini bosuvchi gormonal terapiya (OGT) to‘xtatilgandan so‘ng suyak massasining kamayish tezligi ushbu terapiyani olmagan ayollarnikiga teng bo‘ladi. WHI (Women Health Initiative) tadqiqoti va tadqiqotlar meta-tahlili ma’lumotlari shuni ko‘rsatadiki, asosan sog‘lom ayollarda o‘tkazilgan OGT, monoterapiya yoki progestagen bilan kombinatsiyada, son, umurtqa va osteoporoz natijasida yuzaga keladigan boshqa turdagi sinishlar xavfini kamaytiradi. OGT, shuningdek, suyak zichligi past va/yoki osteoporoz tashxisi qo‘yilgan ayollarda sinishlarning oldini olishi mumkin, biroq bu boradagi ma’lumotlar cheklangan. Femoston® (2 mg estradiol va 10 mg didrogesteron) qabul qilgan ayollarda umurtqa pastki qismida MZST 6,7%±3,9% ga oshdi. Femoston 2/10 bilan davolashda umurtqa pastki qismida MZST 94,5% ayollarda oshdi yoki o‘zgarmadi. Femoston® son suyagi MZSTga ham ta’sir ko‘rsatdi. Femoston 2/10 bilan 2 yil davolashdan so‘ng son bo‘yni MZST 2,6%±5,0% ga (o‘rtacha qiymat±standart og‘ish), vertikal sohada 4,6%±5,0% ga (o‘rtacha qiymat±standart og‘ish) va Uord uchburchagida 4,1%±7,4% ga (o‘rtacha qiymat±standart og‘ish) oshdi. Femoston 2/10 bilan davolashdan so‘ng son suyagining uchta sohasida MZST 71-88% ayollarda oshdi yoki o‘zgarmadi.