Maxsus ko'rsatmalar
Erbinolni surunkali yoki o‘tkir jigar kasalliklari bo‘lgan bemorlarga buyurish tavsiya etilmaydi. Buyurishdan oldin jigar kasalliklari tarixi baholanishi kerak. Jigar kasalliklari bo‘lgan yoki bo‘lmagan bemorlarda gepatotoksiklik rivojlanish xavfi mavjud. Bemor quyidagi simptomlar paydo bo‘lsa, darhol shifokorga murojaat qilish zarurligi haqida ogohlantirilishi kerak: sababsiz uzoq davom etuvchi ko‘ngil aynishi, charchoq hissi, qusish, ishtahaning yo‘qligi, sariqlik, o‘ng qovurg‘a ostida og‘riq, siydikning to‘q rangga kirishi yoki najasning och rangga aylanishi. Bunday simptomlar paydo bo‘lsa, preparatni qabul qilishni darhol to‘xtatish va jigar funksiyasini tekshirish (ALT, AST faolligini aniqlash) zarur.
Agar bemor anamnezida psoriaz bo‘lsa, Erbinolni ehtiyotkorlik bilan buyurish kerak, chunki kasallikning zo‘rayish holatlari haqida ma’lumotlar mavjud.
Homiladorlik va laktatsiya davrida qo‘llash
Erbinolni homiladorlik davrida qo‘llash bo‘yicha klinik tajriba cheklanganligi sababli, preparat faqat onaga kutilayotgan ijobiy ta’sir homila uchun potensial xavfdan ustun bo‘lsa buyurilishi kerak.
Terbinafin ko‘krak suti bilan ajraladi, shuning uchun preparatni buyurish zarur bo‘lsa, emizishni to‘xtatish kerak.
Pediatriyada qo‘llash
Ushbu preparatni 12 yoshgacha bo‘lgan bolalarda qo‘llash tavsiya etilmaydi.
Preparatni bolalar ololmaydigan joyda saqlash va yaroqlilik muddati tugaganidan so‘ng ishlatmaslik kerak.
Avtotransport boshqarish va mexanizmlarni boshqarish qobiliyatiga ta’siri
Preparat avtotransport boshqarish, shuningdek, yuqori diqqatni talab qiladigan ishlarni bajarish qobiliyatiga ta’sir qilmaydi.
Dozani oshirib yuborish
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
