1 g krem tarkibida faol modda terbinafin gidroxlorid 10 mg mavjud. Yordamchi moddalari: tsetostearil spirti, oq vazelin, suyuq parafin, polisorbat 80, trolamin, benzil spirti, tozalangan suv.

Dorining ko‘zga tushishidan saqlanish kerak. Krem tasodifan ko‘zga tushganida, ularni darhol oqayotgan suv bilan yuvish zarur. Erbinol bilan davolashda qayta yuqtirish ehtimolini (kiyim-kechak, oyoq kiyimi orqali) oldini olish uchun umumiy gigiyena qoidalariga rioya qilish kerak. Preparat tarkibiga kiruvchi tsetostearil spirti mahalliy nojo‘ya ta’sirlarga (masalan, kontakt dermatitiga) olib kelishi mumkin. Gipersensitivlik reaksiyasi paydo bo‘lsa, davolashni to‘xtatish kerak. Avtomobil va boshqa mexanizmlarni boshqarish qobiliyatiga ta’siri Preparat avtomobil haydash va yuqori diqqatni talab qiluvchi ishlarni bajarish qobiliyatiga ta’sir qilmaydi. Homiladorlik va laktatsiya davrida qo‘llash Erbinolni homiladorlik davrida qo‘llash bo‘yicha klinik tajriba cheklanganligi sababli, preparatni faqat onaga kutilayotgan ijobiy ta’sir homila uchun potensial xavfdan ustun bo‘lsa, buyurish kerak. Terbinafin ko‘krak suti bilan ajraladi, shuning uchun preparatni buyurish zarur bo‘lsa, emizishni to‘xtatish kerak. Pediatriyada qo‘llash Ushbu preparatni 12 yoshgacha bo‘lgan bolalarda qo‘llash tavsiya etilmaydi. Bolalar ololmaydigan joyda saqlang va yaroqlilik muddati tugaganidan keyin ishlatmang. Erbinolni homiladorlik davrida qo‘llash bo‘yicha klinik tajriba cheklanganligi sababli, preparatni faqat onaga kutilayotgan ijobiy ta’sir homila uchun potensial xavfdan ustun bo‘lsa, buyurish kerak. Terbinafin ko‘krak suti bilan ajraladi, shuning uchun preparatni buyurish zarur bo‘lsa, emizishni to‘xtatish kerak.

Tashqi qo‘llashda preparat tezda teri dermal qatlami orqali o‘tadi va lipofil qattiq qatlamda to‘planadi. Terbinafin shuningdek, yog‘ bezlari sekretsiyasiga ham o‘tadi, bu esa soch follikulalari va tirnoqlarda yuqori konsentratsiyalarning hosil bo‘lishiga olib keladi. Dozaning 5% dan kamrog‘i so‘riladi, shuning uchun terbinafinning tizimli qon aylanishiga so‘rilishi ahamiyatsizdir. Terbinafin kimyoviy jihatdan allilamin bo‘lib, keng spektrli zamburug‘larga qarshi ta’sirga ega. Ta’sir mexanizmi zamburug‘ hujayra membranasida sterinlarning biosintezining erta bosqichini o‘ziga xos tarzda bostirish bilan bog‘liq. Bu ergosterin yetishmovchiligiga va hujayra ichida skvalen to‘planishiga olib keladi, bu zamburug‘ hujayralarining o‘limiga sabab bo‘ladi. Terbinafin ta’siri zamburug‘ hujayra membranalarida skvalenepoksidazani ingibitsiyalash orqali amalga oshiriladi. Ushbu ferment sitoxrom R450 tizimiga kirmaydi, shuning uchun Erbinol gormonlar yoki boshqa dori vositalarining metabolizmiga ta’sir qilmaydi. Terbinafin dermatofitlar, drojyeo‘xshash va mog‘or zamburug‘lar, ayrim dimorf zamburug‘larga ta’sir ko‘rsatadi. Past konsentratsiyalarda dermatofitlarga (Trychophyton rubrum, Trychophyton mentagrophytes, Trychophyton verrucosum, Trychophyton violaceum, Trychophyton tonsurans, Microsporum canis, Epidermophyton floccosum), mog‘or zamburug‘lariga (shu jumladan Aspergillus, Cladosporium, Scopulariopsis brevicaulis) nisbatan fungitsid faollikka ega. Candida turidagi drojye zamburug‘lariga (asosan Candida albicans) ta’siri zamburug‘ turiga qarab fungitsid yoki fungistatik bo‘lishi mumkin. Mahalliy qo‘llashda terbinafin Pityrosporum orbiculare (Malassezia furfur) – rangli temiratki qo‘zg‘atuvchisiga nisbatan ham faol hisoblanadi.