Eraton ratsioniga qo‘shimcha sifatida tavsiya etilishi mumkin, organizmda kalsiy va fosfor almashinuvini tartibga solish, suyak va biriktiruvchi to‘qima tuzilishini mustahkamlash, immun tizimini qo‘llab-quvvatlash uchun. Organizmda kalsiy, fosfor, sink, D3 va K2 vitaminlari yetishmovchiligini to‘ldiradi.

1 tabletka tarkibida: Faol moddalari: Elementar kalsiy - 500 mg. Vitamin D3 (xolekalsiferol) - 5 mkg. Sink oksidi (10 mg sof sink ekvivalenti) - 12,5 mg. Vitamin K2 (menaxinon) - 50 mkg.

Quyidagilar uchun tavsiya etilishi mumkin: har xil kelib chiqishli osteoporozning oldini olish va kompleks terapiyasi uchun: yoshga bog'liq, ayollarda menopauza davrida (tabiiy va jarrohlik), senil, idiopatik, steroid, shuningdek uzoq muddatli immobilizatsiya bilan bog'liq va uning asoratlari (suyak sinishlari va boshqalar); tish va periodontal kasalliklarning oldini olish va kompleks terapiyasi uchun; kalsiy va sink, D3 va K2 vitaminlarini yetarli iste'mol qilmaslikda; qo'shimcha kalsiy, D3 vitamini qabul qilish talab qilinadigan holatlarda (travmatik sinishlarni yaxshiroq konsolidatsiyalash uchun, homiladorlik davrida, yetarli ovqatlanmaslikda).

Kalsiy va/yoki vitamin D3 yetishmovchiligini oldini olish va kompleks davolash: kattalar va 12 yoshdan katta bolalarga - kuniga 2 marta 1 tadan tabletka, 5 yoshdan 12 yoshgacha bo‘lgan bolalarga - ovqatdan keyin kuniga 1 tadan tabletka. Osteoporoz va uning asoratlari (suyak sinishlari) kompleks terapiyasida: (kattalar) - ovqatdan keyin kuniga 2-3 marta 1 tadan tabletka.

Kalsiy suyak to‘qimasining shakllanishi va suyak zichligini saqlash uchun zarur, shuningdek, nerv impulslarini uzatish jarayonlarida, mushaklarning qisqarishida, miokard faoliyatida ishtirok etadi va qon ivishining tartibga solinishida muhim rol o‘ynaydi. Xolekalsiferol (vitamin D3) organizm tomonidan kalsiy va fosforning o‘zlashtirilishida ishtirok etadi. Bu suyak to‘qimasini mustahkamlash, osteoporoz, raxit va osteomalatsiya rivojlanish xavfini kamaytirish uchun juda muhimdir. Organizmning infeksiyalarga chidamliligini oshirishga va organizmda serotonin darajasini oshirishga yordam beradi (bu nerv tizimi faoliyatida katta rol o‘ynaydi va kayfiyat hamda ish qobiliyatini yaxshilashga yordam beradi). Vitamin D3 organizmdagi almashinuv jarayonlarini tartibga soladi, lipid va uglevod almashinuvini normallashtiradi (shu jumladan, qondagi lipid profilini normallashtirishga yordam beradi). Kalsiy va vitamin D3 qo‘llanilishi paratireoid gormoni ishlab chiqarilishini oshishiga to‘sqinlik qiladi, bu esa suyak rezorbsiyasining kuchayishiga turtki bo‘luvchi stimulyator hisoblanadi. Sink biriktiruvchi, suyak va tog‘ay to‘qimalari tuzilishini tiklashda ishtirok etadi. Sink kollagen matritsasi (kollagen to‘ri) sinteziga yordam beradi, bu esa kalsiyni suyak to‘qimasida ushlab turadi va uning yuvilib ketishiga yo‘l qo‘ymaydi. Suyak o‘sish zonalariga rag‘batlantiruvchi ta’sir ko‘rsatadi. Immun tizimining to‘g‘ri ishlashi uchun zarur bo‘lgan muhim mikroelementlardan biri bo‘lib, virusli kasalliklar kechishini yengillashtiradi. Yog‘ kislotalari almashinuvida ishtirok etadi, bu esa gormonal salomatlik holatiga sezilarli ijobiy ta’sir ko‘rsatadi, erkaklar reproduktiv tizimi salomatligini mustahkamlashga yordam beradi, prostata beziga ijobiy ta’sir ko‘rsatadi. Kuchli antioksidant sifatida organizmni erkin radikallarning zararli ta’siridan himoya qiladi, terining regeneratsiyasi va tiklanish jarayonida faol ishtirok etadi; yog‘ bezlari faoliyatini tartibga soladi. Kollagen va keratin sintezini kuchaytirish hisobiga soch va tirnoq o‘sishiga ijobiy ta’sir ko‘rsatadi. Vitamin K2 (menaxinon) osteokalsin (suyak matritsasining nokollagen oqsili) faollashuvini ta’minlaydi, bu esa kalsiyning qon zardobida bog‘lanishiga va uni suyak to‘qimasiga kiritilishiga yordam beradi. Bu suyakning mustahkamligini ta’minlaydi. Yurak-qon tomir tizimiga ijobiy ta’sir ko‘rsatadi, kalsiy kristallarining tomir devorlarida to‘planishini oldini oladi, shu bilan kalsinoz xavfini kamaytiradi va arteriyalarning moslashuvchanligi hamda elastikligini oshiradi. Kalsiy va vitamin D3 o‘zlashtirilishini yaxshilaydi, kalsiyning tomirlar, buyraklar va bo‘g‘imlarda to‘planishini oldini oladi.

Anoreksiya, chanqoq, poliuriya, ishtahaning pasayishi, holsizlik, ko‘ngil aynishi, qusish, giperkaltsiuriya, giperklatsemiya.