Qattiq jelatin kapsulalar, o‘lchami 0, mat, korpusi och yashil rangda, qopqog‘i karamel rangida, bir hil sariq-jigarrang va oq zarrachali kukun saqlaydi, saqlash jarayonida konglomeratlar hosil bo‘lishi mumkin Engilen - birlashtirilgan o‘simlik mahsuloti bo‘lib, uning ta’siri komponentlarining umumiy harakati bilan belgilanadi Flavonoid silibinin, dog‘li silymarinda mavjud, gepatoprotektor va antitoksik ta’sir ko‘rsatadi. Gepatotsitlar membranalari bilan o‘zaro ta’sir qiladi va ularni barqarorlashtiradi, transaminazalarning yo‘qolishini oldini oladi; erkin radikallarni bog‘laydi, lipidlarning peroksid oksidlanish jarayonlarini ingibitsiya qiladi, hujayra tuzilmalarining buzilishini oldini oladi (bunda malon dialdegid hosil bo‘lishi va kislorod yutilishi kamayadi). Qator gepatotoksik moddalarning hujayraga kirib borishiga to‘sqinlik qiladi. RNK-polimerazani rag‘batlantirib, oqsillar va fosfolipidlar biosintezini oshiradi va shikastlangan gepatotsitlarning regeneratsiyasini tezlashtiradi. Jigarni alkogolli zararlanishlarida atsetaldegid ishlab chiqarilishini bloklaydi va erkin radikallarni bog‘laydi, gepatotsitlarda detoksikatsiya jarayonlariga yordam beruvchi glutation zaxiralarini saqlaydi. Kurkumin - uzun kurkuma faol moddasidir - xoleretik va xolekinetik xolagog, yallig‘lanishga qarshi ta’sir ko‘rsatadi, o‘tning xolesterin bilan to‘yinganligini kamaytiradi, Staphylococcus aureus, Salmonella spp., Mycobacterium tuberculosis ga nisbatan bakteritsid va bakteriostatik faollikka ega. Ekin artishok ekstrakti xolagog xususiyatlarga ega, bu undagi flavonoidlar, tsinarin va kofeilxin kislotalari mavjudligi bilan bog‘liq, diuretik ta’siri esa organizmdan ekzogen toksinlar va metabolizmning toksik mahsulotlarini chiqarishga yordam beradi. Qon zardobidagi mochevina darajasini kamaytirishga yordam beradi, gepatotsitlarning koenzimlar ishlab chiqarish qobiliyatini oshiradi, bu xolesterin, lipidlar va keton tanachalari almashinuvini yaxshilaydi. Antibiotikoterapiya bilan birga buyrak va jigar parenximasiga detoksikatsion vosita sifatida ta’sir qiladi. Ichakda ortiqcha gaz hosil bo‘lishiga to‘sqinlik qiladi. Artishokda mavjud bo‘lgan minerallar va mikroelementlar: kaltsiy, kaliy, magniy, temir, askorbin kislotasi, shuningdek, karotin, B va B1 vitaminlari, inulin almashinuv jarayonlarini normallashtirishga yordam beradi.

Kapsula tarkibi Faol moddalari: Dog‘li silymarin mevalarining quruq ekstrakti 140 mg; Uzun kurkuma ildizpoyasining quruq ekstrakti 25 mg. Ekin artishok barglarining quruq ekstrakti 200 mg. Yordamchi moddalari: mikrokristallik silifikatsiyalangan tsellyuloza, kolloid kremniy dioksidi suvdan holi, magniy stearati. Kapsula qobig‘i tarkibi: titan dioksidi, karamel bo‘yoq jeli, xlorofillinlarning mis kompleksi, jelatin.

Ushbu mahsulotni noto'g'ri ovqatlanishda (shu jumladan turli dietalarda, shuningdek, ko'p miqdorda yog'li va/yoki uglevodli ovqat iste'mol qilinganda), dori vositalarini qabul qilganda (ularning aksariyati ma'lum darajada jigar tomonidan neytrallanadi), alkogolli ichimliklarni iste'mol qilganda (shu jumladan - epizodik ravishda), zaharlanishdan so'ng (shu jumladan dori vositalarining dozasi oshib ketganda), jigar sohasida noqulaylik, og'irlik hissi paydo bo'lganda va, bundan tashqari, bemor jigar kasalliklarini boshdan kechirganidan so'ng, semizlikda qabul qilish tavsiya etiladi.

Engilen ichga, ovqatdan oldin, oz miqdorda suyuqlik bilan qabul qilinadi. Kattalar va 12 yoshdan katta bolalarga - 1-2 kapsuladan kuniga 2-3 marta. 6 yoshdan 12 yoshgacha bo'lgan bolalarga - 1 kapsuladan kuniga 1-2 marta. Qabul qilish davomiyligi 2-3 hafta. Qayta qabul qilish zaruriyatini shifokor individual ravishda belgilaydi.

O't tosh kasalligida qo'llash faqat shifokor tavsiyasiga binoan mumkin