1 dona qizil rangli draje (vitaminlar) tarkibida faol moddalardan retinol palmitat (vitamin A) konsentrat, sintetik, yog‘li shakl (1,7 mioME/g) 2,94 mg, kolekalsiferol (vitamin D3) 0,20 mg konsentrat, yog‘li shakl (1 mioME/g), askorbin kislotasi (vitamin S) 60,00 mg, tiamin mononitrat (vitamin V1) 1,00 mg, riboflavin (vitamin V2) 1,20 mg, piridoksin gidroxlorid (vitamin V6) 2,00 mg, sianokobalamin 0,1% mannitolda 3,00 mg (bu 3 mkg vitamin V12 ga to‘g‘ri keladi), nikotinamid (vitamin PP) 13,00 mg, foliy kislotasi 0,40 mg, kalsiy pantotenat (vitamin V5) 5,00 mg, α-tokoferol asetat (vitamin E) 10,00 mg; yordamchi moddalardan laktoza monogidrat, apelsin moyi 05073, polisorbat 80, glitserol, tozalangan kastor yog‘i, sorbitol, dekstroza (glyukoza) suyuq, (quruq modda), penogasitel 1510, magniy stearat, bo‘yoq Opalyuks AS-F-2833G (bo‘yoq punsoviy Ponsso 4R E124 + bo‘yoq quyosh botishi sariq E110), kapol 600 farma, saxaroza. 1 dona ko‘k rangli draje (mineral) tarkibida faol moddalardan kalsiy gidroforfat digidrat 64,50 mg (bu kalsiy Ca2+ 15 mg va fosfor P5+ 12 mg ga to‘g‘ri keladi), temir fumarat 30,30 mg (bu temir Fe2 10 mg ga to‘g‘ri keladi), mis sulfat pentagidrat (bu mis Cu2+ 1 mg ga to‘g‘ri keladi) 4,00 mg, rux sulfat gepagidrat (bu rux Zn2+ 3 mg ga to‘g‘ri keladi) 13,30 mg, magniy laktat digidrat 200,00 mg (bu magniy Mg2+ 20 mg ga to‘g‘ri keladi), marganes sulfat monogidrat 3,10 mg (bu marganes Mn2+ 1 mg ga to‘g‘ri keladi), natriy molibdat digidrat 0,22 mg (bu marganes Mo6+ 0,1 mg ga to‘g‘ri keladi), yordamchi moddalardan laktoza monogidrat, apelsin moyi 05073, polisorbat 80, glitserol, tozalangan kastor yog‘i, sorbitol, dekstroza (glyukoza) suyuq, (quruq modda), penogasitel 1510, magniy stearat, suyuq parafin, povidon, bo‘yoq Opalyuks AS-20912 (bo‘yoq indigokarmin E132), kapol 600 farma, saxaroza.

Profilaktik vosita sifatida quyidagi holatlarda, vitaminlar va minerallarga ehtiyoj oshganida: - jismoniy yuklama oshganida, shu jumladan faol sport bilan shug'ullanish davrida; - homiladorlik va laktatsiya davrida; - noturg'un, yetarli bo'lmagan yoki bir xil ovqatlanishda.

Preparat komponentlariga yuqori sezuvchanlik.

Preparatni ertalabki nonushtadan keyin og‘iz orqali qabul qilish tavsiya etiladi. Kattalar va 10 yoshdan katta bolalarga kuniga 1 dona qizil rangli va 1 dona ko‘k rangli draje. Draje butunligicha yutiladi, oz miqdorda suv bilan popish kerak. Preparatni qabul qilish kursi 20 kun. Preparatni qabul qilish kursi tanaffusdan so‘ng (1-3 oy) yoki shifokor tavsiyasiga ko‘ra takrorlanishi mumkin.

Mumkin: allergik reaktsiyalar, shu jumladan astmatik komponent bilan gipertashqi reaktsiyalar.

Duovit® – bu 11 ta vitamin va 8 ta mineral kompleksini o‘z ichiga olgan kombinatsiyalashgan preparatdir. Vitaminlar va minerallar metabolik jarayonlarning muhim omillari bo‘lib, ular organizmning normal o‘sishi va rivojlanishi, sog‘liqni saqlash va mustahkamlash uchun zarurdir. Vitamin A organizmning antioksidant himoyasi komponenti bo‘lib, hujayra membranalari tarkibiga kiradi, hujayra o‘sishini tartibga soladi, teri va shilliq qavatlarning himoya funksiyasi uchun zarur, ko‘rishning fotokimyoviy aktida ishtirok etadi, hujayraviy immunitet reaksiyalarini rag‘batlantiradi. Vitamin D3 organizmda kalsiy va fosfor muvozanatini saqlashda muhim rol o‘ynaydi. Uning yetishmovchiligida suyak to‘qimasida kalsiy miqdori kamayadi (osteoporoz). Vitamin PP to‘qimalarda metabolik jarayonlarni faollashtiradi, regeneratsiya jarayonlarini yaxshilaydi, steroid gormonlar sintezida ishtirok etadi. Pantoten kislotasi oqsil almashinuvida, yog‘ kislotalari va xolesterin sintezida, energiya almashinuvda ishtirok etadi, ichak biozenozining muhim komponenti bo‘lgan bifidobakteriyalar o‘sishini qo‘llab-quvvatlaydi. Vitamin B1 asab tizimining normal faoliyat yuritishiga yordam beradi, uglevod almashinuvini ta’minlaydi. Vitamin B2 to‘qimalar, shu jumladan teri hujayralari regeneratsiyasi jarayonlarini qo‘llab-quvvatlaydi. Vitamin B6 oqsil, uglevod va yog‘ almashinuvini tartibga solishda, gemoglobin hamda qalqonsimon bez gormonlari hosil bo‘lishida ishtirok etadi, suyaklar, tishlar, milklarning tuzilishi va funksiyasini saqlashga yordam beradi. Vitamin B12 gemopoez jarayonlarida ishtirok etadi, asab tizimining normal faoliyatini ta’minlaydi. Foliy kislotasi nuklein kislotalar va oqsillar biosintezida, gemopoezda nihoyatda muhim rol o‘ynaydi. Vitamin E tabiiy antioksidant bo‘lib, nuklein kislotalar va gemoglobin sintezini nazorat qiladi, organizmning immun himoya kuchlarini mustahkamlashga yordam beradi. Vitamin C asosiy antioksidant vitamin bo‘lib, ichakdan temir so‘rilishida ishtirok etadi, biriktiruvchi to‘qima almashinuvini tartibga soladi, tomirlar o‘tkazuvchanligini normallashtiradi, toksinlarni zararsizlantirishda faol ishtirok etadi. Vitamin C organizmning infeksiyalarga chidamliligini oshiradi, yallig‘lanish reaksiyalarini kamaytiradi. Kalsiy suyak to‘qimasining shakllanishi, qon ivishi, asab impulslarini o‘tkazish, skelet va silliq mushaklarning qisqarishi, yurakning normal ishlashida ishtirok etadi. Shuningdek, u temir so‘rilishiga yordam beradi. Magniy mushak va suyak to‘qimalarining shakllanishida, shuningdek, oqsil sintezida ishtirok etadi. Temir gemoglobin molekulasining bir qismi bo‘lib, organizmda kislorod tashishda ishtirok etadi va anemiya rivojlanishining oldini oladi. Fosfor kalsiy bilan birga suyak va tishlarning shakllanishida, shuningdek, energiya almashinuvi jarayonlarida ishtirok etadi. Marganes suyaklarning mineralizatsiyasiga yordam beradi. Mis eritrotsitlarning normal funksiyasi va temir almashinuvi uchun zarur. Rux to‘qimalar regeneratsiyasi uchun zarur, ayrim gormonlar, jumladan insulin tarkibiga kiradi. Vitamin-mineral kompleksining yaxshi o‘zlashtirilishi va asosiy komponentlarning faolligini saqlash uchun vitaminlar va minerallar turli rangdagi drajelerde ajratilgan. Vitaminlar qizil rangli drajede, minerallar esa ko‘k rangli drajede mavjud.

Siydikning sariq rangga bo‘yalishi mumkin – bu mutlaqo zararsiz va preparatda riboflavin mavjudligi bilan izohlanadi. Duovit® ni tarkibida vitaminlar va minerallar bo‘lgan boshqa preparatlar bilan birga qabul qilish tavsiya etilmaydi. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.