Bitta ichakda eriydigan kapsula quyidagilarni o'z ichiga oladi faol modda: duloksetin gidroxlorid 33.679 mg yoki 67.358 mg (mos ravishda duloksetinga ekvivalent 30 mg yoki 60 mg), yordamchi modda: shakar-rafinad, gipromelloza, shakar, talk, gipromelloza ftalat, trietiltsitrat, 30 mg dozali jelatinli qobiq korpus: titan dioksid (E171), jelatin, qopqoq: indigokarmin (E132), titan dioksid (E171), jelatin, 60 mg dozali jelatinli qobiq: korpus: indigokarmin (E132), titan dioksid (E171), temir(III) oksid sariq (E172), jelatin, qopqoq: indigokarmin (E132), titan dioksid (E171), jelatin.

Kattalar: - katta depressiv buzilish (yoki klinik depressiya) - umumlashtirilgan tashvishli buzilish - diabetik periferik neyropatiyada og‘riq sindromi.

- preparat komponentlariga yuqori sezuvchanlik - antidepressantlar (neselektiv qaytarilmas monoaminooksidaza ingibitorlari) bilan bir vaqtda qo‘llash - jigar yetishmovchiligiga olib keladigan jigar kasalliklari - fluvoksamin, tsiprofloksasin, enoksatsin kabi preparatlar bilan bir vaqtda qo‘llash - og‘ir buyrak yetishmovchiligi - nazoratsiz arterial bosim oshishi va gipertonik kriz rivojlanish xavfi - homiladorlik va laktatsiya davri.

Faqat shifokor ko'rsatmasi bo'yicha qo'llanilsin! Katta depressiv buzilish (KDB): Drualiks preparatining tavsiya etilgan boshlang'ich va qo'llab-quvvatlovchi doza 60 mg kuniga 1 marta, maksimal sutkalik doza 120 mg gacha. Antidepressant ta'siri odatda davolash boshlanganidan 2 - 4 hafta o'tgach kuzatiladi, so'ng relapsning oldini olish uchun bir necha oy davomida uzoq muddatli davolash o'tkaziladi. Generalizatsiyalashgan tashvishli buzilish (GTB): boshlang'ich doza 30 mg kuniga bir marta. Yetarli javob bo'lmaganda, doza 60 mg gacha oshirilishi mumkin - bu ko'pchilik bemorlar uchun odatiy qo'llab-quvvatlovchi dozadir. Hamroh klinik depressiya mavjud bo'lsa, boshlang'ich va qo'llab-quvvatlovchi doza 60 mg kuniga bir marta. 60 mg dozaga yetarli javob bo'lmaganda, shifokor dozani 90 - 120 mg gacha oshirishi mumkin (klinik javob va o'zlashtirishga qarab). Davolashga javob olingandan so'ng relapsning oldini olish maqsadida davolashni bir necha oy davom ettirish tavsiya etiladi. Diabetik periferik neyropatiyada og'riq sindromi (DPN): boshlang'ich va qo'llab-quvvatlovchi doza 60 mg kuniga bir marta. 60 mg dozaga yetarli javob bo'lmaganda, shifokor kunlik 120 mg yuqoriroq doza buyurishi mumkin, bu teng qismlarga bo'linadi. Davolash samaradorligi preparatni 2 oy qabul qilgandan so'ng baholanadi. Keyinchalik shifokor tomonidan muntazam (kamida har uch oyda bir marta) holat nazorati o'tkaziladi. Diabet ko'pincha buyrak kasalliklari bilan asoratlanishi sababli, bunday hollarda davolash pastroq dozadan boshlanadi va keyin asta-sekin oshiriladi. Qo'llash usuli va yo'li Og'iz orqali qabul qilish uchun. Ovqat qabul qilishdan qat'i nazar qabul qilinadi. Kapsulalarni butun holda, chaynash va ezmasdan yutish kerak. Kapsulani ochish va uning tarkibini ovqat yoki suyuqliklar bilan aralashtirish mumkin emas.

Juda tez-tez - bosh og‘rig‘i, uyquchanlik - ko‘ngil aynishi, og‘iz qurishi. Tez-tez - uyqusizlik, qo‘zg‘aluvchanlik, jinsiy maylning pasayishi, xavotir/bezovtalik, patologik orgazm, patologik tushlar - ishtahaning pasayishi, qabziyat, suyuq ich ketish, qorin og‘rig‘i, qusish, yuqori qorin sohasida og‘riq yoki noqulaylik, ichakda gaz to‘planishining oshishi - bosh aylanishi, letargiya, tremor, paresteziya, esnash, hushdan ketish, charchoq, vazn yo‘qotish, quloqda shovqin - kuchli yurak urishi, arterial bosimning oshishi, yuzga qon quyilishi, ko‘rishning xiralashishi - terlashning oshishi, toshma - mushak-skelet og‘rig‘i, mushak spazmi - dizuriya, pollakiuriya - erkaklarda jinsiy funksiyaning buzilishi, eyakulyatsiya buzilishi, eyakulyatsiyaning kechikishi. Kamdan-kam - qonda shakar miqdorining oshishi (ayniqsa qandli diabetli bemorlarda) - suitsidal fikrlar, uyqu buzilishi, tish g‘ijirlatish, orientatsiya buzilishi, apatiya - mushaklarda qaltirash, mushaklarning qattiqligi, harakat bezovtaligi, asabiylik, diqqatning buzilishi, ta'm sezishning buzilishi, turli mushak guruhlarida ixtiyorsiz harakatlar, bezovta oyoq sindromi, yomon uyqu, mushaklarning qisilishi - qorachiqning kengayishi, ko‘rishning buzilishi - vertigo, quloq og‘rig‘i, hiqildoq yallig‘lanishi - yurak urishining tezlashishi, yurak ritmining buzilishi (asosan fibrillyatsion aritmiya) - hushdan ketish, qon bosimining oshishi, qon bosimining pasayishi, o‘tirgan yoki yotgan holatdan tik turganda, periferik qon aylanishining buzilishi (sovuq qo‘l-oyoq) - tomoqda siqilish hissi, burundan qon ketishi - me’da-ichak qon ketishi, qusish va diareya bilan kechuvchi me’da-ichak kasalligi, qorin dam bo‘lishi, gastrit, ovqatni yutishda qiyinchilik - gepatit, jigar fermentlari (ALT, AST, shilali fosfataza) darajasining oshishi, jigarni o‘tkir shikastlanishi - tungi terlash, tezda paydo bo‘ladigan kuchli qichishadigan, tekis ko‘tarilgan och pushti pufakchalar (urtikariya) bilan kechuvchi dermatit, allergenlar yoki tirnash xususiyati beruvchi moddalardan kelib chiqqan terining o‘tkir yallig‘lanishi, sovuq ter, quyosh nurlari ta’sirida teri reaksiyasi, ko‘karishlarga moyillikning oshishi - siyishni ushlab turish, siyishni boshlashda qiyinchilik, tungi siyish, tez-tez siyish, siydik chiqishining kamayishi - ginekologik qon ketish, hayz siklining buzilishi, jinsiy funksiyaning buzilishi, moyaklarda og‘riq - ko‘krakda og‘riq, patologik sezgilar, sovuqni his qilish, chanqoq, sovuq va titroqni his qilish (zaxlik), holsizlik, issiqlik hissi, yurishning buzilishi - vazn ortishi, qonda kreatinfosfokinaza darajasining oshishi, qonda kaliy darajasining oshishi. Kam hollarda - tez rivojlanadigan og‘ir allergik reaksiya, hayot uchun xavfli (anafilaktik reaksiya), yuqori sezuvchanlik - suvsizlanish, qonda natriy darajasining pasayishi, antidiuretik gormon sekretsiyasi buzilishi sindromi, siydikning patologik hidi - suitsidal xatti-harakat, qo‘zg‘alishdan tushkunlikka keskin o‘tishlar bilan kechuvchi og‘riqli ruhiy holat (maniya), odam «ovozlarni eshitadigan» holatlar (gallyutsinatsiyalar), tajovuz va g‘azab - serotoninni sindromi, tutqanoq, psixomotor bezovtalik, harakat va nevrologik buzilishlar kompleksi (ekstrapiramidal simptomlar), chaynash mushaklarining spazmi - ko‘z ichki bosimining oshishi (glaukoma), qalqonsimon bez kasalligi, uning gormonlari ishlab chiqarilishi pasayishi bilan (gipotireoz), gipertonik kriz - stomatit, qonli najas, og‘izdan yoqimsiz hid, yo‘g‘on ichakning yallig‘lanishi va uzoq davom etuvchi suyuq najas (mikroskopik kolit), jigar yetishmovchiligi, sariq kasallik - teri va shilliq qavatlarda toshmalar bilan kechuvchi o‘tkir toksik-allergik kasallik (Stivens-Djonson sindromi), angionevrotik shish - menopauza simptomlari, erkaklarda va emizish davridan tashqari ayollarda sut ajralishi, qonda prolaktin gormoni darajasining oshishi, tug‘ruqdan keyingi qon ketish - qonda xolesterin darajasining oshishi - o‘pka kasalligi, yallig‘lanish va uning tuzilishining buzilishi bilan kechuvchi (interstitsial o‘pka kasalligi), o‘pkada eozinofillar to‘planishi bilan kechuvchi kasallik (eozinofilik pnevmoniya). Juda kamdan-kam - teri qon tomirlarining devori yallig‘lanishi (teri vaskuliti).

Bolalar: preparat bolalar va 18 yoshgacha bo‘lgan o‘smirlarga qo‘llash tajribasi yetarli emasligi sababli kontrendikatsiyalangan. Qariyalar: faqat yoshga bog‘liq doza tuzatish o‘tkazilmaydi, biroq xavfsizlik bo‘yicha ma’lumotlar cheklanganligi sababli, Drualiks preparatini 120 mg kunlik dozada klinik depressiya yoki GTRda qo‘llashda ehtiyotkorlik zarur. Jigar yetishmovchiligi bo‘lgan bemorlar: jigar yetishmovchiligi bo‘lgan kasalliklarda qo‘llash tavsiya etilmaydi. Buyrak yetishmovchiligi bo‘lgan bemorlar: yengil va o‘rtacha darajadagi buyrak yetishmovchiligida doza tuzatish talab qilinmaydi, og‘ir buyrak yetishmovchiligida Drualiks preparatini qo‘llash tavsiya etilmaydi. Psixik buzilishlar va epileptik tutqanoq: Drualiks preparatini ilgari psixik buzilishlar va/yoki epileptik tutqanoqlari bo‘lgan bemorlarda ehtiyotkorlik bilan qo‘llash kerak. Qorachiq kengayishi: Drualiks qabul qilishda qorachiq kengayishi mumkinligi sababli, ko‘z ichki bosimi oshgan yoki yopiq burchakli glaukoma rivojlanish xavfi bo‘lgan bemorlarda ehtiyotkorlik zarur. Qon bosimi va yurak urish tezligiga ta’siri: ba’zi bemorlarda duloksetin qabul qilish natijasida qon bosimi sezilarli oshishi (hatto gipertonik kriz holatlari qayd etilgan), ayniqsa ilgari qon bosimi oshganlarda. Qon bosimi va/yoki yurak kasalliklari bo‘lgan bemorlarga bu ko‘rsatkichlarni nazorat qilish tavsiya etiladi, ayniqsa davolashning birinchi oyida. Agar Drualiks qabul qilish boshlanganidan so‘ng doimiy qon bosimi oshishi kuzatilsa, shifokorga murojaat qilish zarur, chunki doza kamaytirish yoki preparatni bosqichma-bosqich bekor qilish talab qilinishi mumkin. Qon bosimi nazorat qilinmaydigan darajada oshsa, preparat bekor qilinadi. Og‘ir buyrak funksiyasi buzilishi: preparat chiqarilish tezligi buzilishi sababli, og‘ir buyrak yetishmovchiligida (gemodializ bilan) Drualiks tayinlash tavsiya etilmaydi. Serotonin sindromi: serotonin sindromi – hayot uchun xavfli bo‘lgan holat rivojlanishi, boshqa psixotrop vositalar bilan birga yoki Drualiks preparatini qo‘llashda mumkin. Serotonin sindromi simptomlariga quyidagilar kiradi: psixik holat o‘zgarishi (masalan, qo‘zg‘alish, gallyutsinatsiyalar, hushdan ketish), vegetativ asab tizimi beqarorligi (masalan, yurak urish tezlashishi, beqaror qon bosimi, tana harorati oshishi), neyromushak buzilishlari (masalan, reflekslar oshishi, harakatlarni muvofiqlashtirish buzilishi) va/yoki me’da-ichak simptomlari (masalan, ko‘ngil aynishi, qusish, suyuq ich ketish). Agar shifokor Drualiksni yuqorida sanab o‘tilgan preparatlar bilan birga qo‘llashni klinik jihatdan asosli deb hisoblasa, ayniqsa davolash boshida yoki doza oshirilganda, bemor holatini diqqat bilan nazorat qilish zarur. Drualiksni psixik buzilishlarni davolash uchun mo‘ljallangan preparatlar bilan birga qo‘llash tavsiya etilmaydi. Serotonin sindromi rivojlangan taqdirda, Drualiks va barcha birga qo‘llanilayotgan antipsixotik preparatlarni darhol to‘xtatish va zudlik bilan shifokorga murojaat qilish kerak. Zveroboy: zveroboy o‘z ichiga olgan o‘simlik preparatlari bilan birga qo‘llanganda nojo‘ya ta’sirlar rivojlanishi mumkin. Katta depressiv buzilish va generalizatsiyalashgan tashvishli buzilish: depressiv holat o‘z joniga qasd qilish fikrlari, o‘ziga zarar yetkazish va o‘z joniga qasd qilishga urinish xavfi oshishi bilan kechishi mumkin. Bu xavf uzoq vaqt saqlanib qolishi mumkin, ahvol sezilarli yaxshilanishigacha, bu esa davolashning dastlabki bir necha haftasida yuz bermasligi mumkin. Amaliyotda o‘z joniga qasd qilish xavfi sog‘ayishning dastlabki bosqichlarida ham oshishi qayd etilgan. Duloksetin bilan davolanadigan boshqa psixik buzilishlar: klinik depressiyani davolashda bo‘lgani kabi, bu holatlar ham jiddiy depressiv buzilishlar va o‘z joniga qasd qilish xavfi bilan kechishi mumkin. Agar davolash boshlanishidan oldin sizda o‘z joniga qasd qilishga urinishlar yoki tez-tez o‘z joniga qasd qilish fikrlari bo‘lgan bo‘lsa, bu haqda davolovchi shifokorga xabar berish zarur, chunki bu sizning xavfsizligingiz uchun muhim va shifokorga kasallikni davolash taktikasi va Drualiks qo‘llash imkoniyatini to‘g‘ri tanlashga yordam beradi. O‘z joniga qasd qilish xavfi yuqori bo‘lgan bemorlar duloksetin qabul qilganda diqqatli nazorat ostida bo‘lishi kerak (shifokor va parvarish qiluvchilar tomonidan), ayniqsa davolashning dastlabki bosqichlarida va doza o‘zgartirilganda. Holat yomonlashuvi, o‘z joniga qasd qilish fikrlari yoki xatti-harakatlari, shuningdek boshqa g‘ayrioddiy xatti-harakatlar paydo bo‘lishida darhol shifokorga murojaat qilish zarur. Diabetik periferik neyropatiyada og‘riq sindromi: duloksetin bilan davolash davrida, ayniqsa davolash boshida yoki darhol to‘xtatilgandan so‘ng, o‘z joniga qasd qilish fikrlari va xatti-harakatlari bo‘yicha alohida holatlar qayd etilgan. Qon ketishi: antipsixotik preparatlar, jumladan Drualiks qabul qilinganda qon ketish xavfi oshishi mumkin. Ko‘karishlar, gematomalar, terida nuqtali qon quyilishlar (petexiyalar), burundan qon ketishi, purpura, me’da-ichak qon ketishi va hayot uchun xavfli boshqa qon ketishlar qayd etilgan. Bu holatlar ko‘proq qon ivishiga ta’sir qiluvchi va/yoki trombotsit xususiyatlariga ta’sir qiluvchi preparatlarni (masalan, NPVP, atsetilsalitsil kislotasi, varfarin) qabul qiluvchi va qon ketishga moyilligi bo‘lgan bemorlarda uchraydi. Giponatriemiya: duloksetin o‘z ichiga olgan preparatlar tayinlanganda, qonda natriy miqdori kamayishi haqida xabar berilgan, ko‘proq qariyalarda, ayniqsa suv-elektrolit muvozanati buzilishi bilan birga yoki suv-elektrolit muvozanati buzilishi normallashganidan so‘ng. Drualiks preparatini giponatriemiya rivojlanish xavfi yuqori bo‘lganlarda, qariyalarda, jigar sirrozi, suvsizlanish yoki diuretiklar bilan birga qo‘llashda ehtiyotkorlik zarur. Harakatli bezovtalik/psixomotor qo‘zg‘alish: duloksetin bilan davolashning dastlabki haftalarida doimiy harakat qilish ehtiyoji bilan kechuvchi yoqimsiz bezovtalik, ko‘pincha tinch turish yoki o‘tirishning imkoni bo‘lmasligi rivojlanishi mumkin. Bu haqda shifokorga xabar berish zarur, chunki bunday hollarda preparat dozasini oshirish tavsiya etilmaydi. Duloksetin o‘z ichiga olgan boshqa preparatlar: bir vaqtning o‘zida bir nechta duloksetin o‘z ichiga olgan preparatlarni qo‘llashdan saqlanish kerak. Gepatit/jigar fermentlari darajasining oshishi: jigar shikastlanishi, jumladan jigar fermentlari darajasining sezilarli oshishi (me’yordan 10 baravar yuqori), gepatit va sariqlik rivojlanishi holatlari haqida xabar berilgan. Ularning aksariyati davolashning birinchi oyida rivojlangan. Drualiks va jigar shikastlanishiga olib kelishi mumkin bo‘lgan preparatlar bilan birga qo‘llashda ehtiyotkorlik zarur. Jinsiy funksiyaning buzilishi: psixotrop preparatlar jinsiy funksiyaning buzilishi simptomlarini chaqirishi mumkin, ba’zan bu simptomlar preparat to‘xtatilganidan keyin ham saqlanib qolishi mumkin. Saxaroza: Drualiks qattiq ichakda eriydigan kapsulalari saxaroz o‘z ichiga oladi, Duloksetin 30 mg kapsulada – 30,515 mg, Duloksetin 60 mg kapsulada – 61,029 mg. Drualiks preparatini fruktozani o‘zlashtira olmaslik, glyukoza/galaktoza so‘rilishining buzilishi yoki organizmda saxaraza/izomaltaza yetishmovchiligi bilan bog‘liq kam uchraydigan irsiy kasalliklarda qabul qilish tavsiya etilmaydi. Terapiyani to‘xtatish: davolashni to‘xtatishda bekor qilish sindromi tez-tez uchraydi, ayniqsa preparatni to‘satdan to‘xtatganda. Sindrom rivojlanish xavfi davolash davomiyligi, doza va doza kamaytirish davri davomiyligiga bog‘liq bo‘lishi mumkin. Odatda, bekor qilish simptomlari yengil yoki o‘rtacha darajada bo‘ladi; biroq ba’zan ular og‘ir shaklda namoyon bo‘lishi mumkin. Simptomlar odatda davolash to‘xtatilganidan keyingi dastlabki kunlarda, kamroq hollarda preparatni navbatdagi qabul qilish o‘tkazib yuborilganda paydo bo‘ladi. Umuman, ular o‘z-o‘zidan o‘tib ketadi va odatda 2 hafta davomida yo‘qoladi, ba’zan esa uzoq davom etishi mumkin (2-3 oy yoki undan ko‘proq). Preparatni bekor qilish kamida 2 hafta davomida, doza bosqichma-bosqich kamaytirilgan holda, organizmning umumiy holatini hisobga olgan holda o‘tkazilishi kerak. Qariyalar: qariyalarda maksimal dozalarni tayinlashda ehtiyotkorlik zarur. 18 yoshgacha bo‘lgan bolalar va o‘smirlar: o‘z joniga qasd qilish xatti-harakatlari va dushmanlik ko‘proq uchrashi, shuningdek uzoq muddatli xavfsizlik ma’lumotlari yo‘qligi sababli, duloksetin 18 yoshgacha bo‘lgan bolalarga tayinlanmaydi. Homiladorlik: qo‘llash tajribasi yo‘qligi sababli, Drualiks preparatini homilador ayollarga qo‘llash tavsiya etilmaydi. Ushbu guruh preparatlarini homiladorlik davrida, ayniqsa kech muddatlarda qo‘llash, yangi tug‘ilgan chaqaloqlarda o‘pka qarshiligining o‘tkinchi oshishi, shuningdek tug‘ruqdan keyingi dastlabki kunlarda bekor qilish sindromi (qon bosimi pasayishi, ixtiyorsiz, tez-tez, ritmik tebranuvchi harakatlar, umumiy yoki ayrim tana qismlarining tebranishi, asab-reflektor qo‘zg‘aluvchanlik sindromi, emizishda qiyinchilik, og‘ir nafas yetishmovchiligi sindromi – respirator distress-sindrom, tutqanoqlar) rivojlanish xavfini oshiradi. Davolash davrida ayollar homilador bo‘lsa yoki homiladorlikni rejalashtirayotgan bo‘lsa, bu haqda shifokorga xabar berishlari kerak. Emizish: duloksetin ona sutida kichik miqdorda ajraladi (onadagi konsentratsiyaning taxminan 0,14%), biroq xavfsizlik bo‘yicha ma’lumotlar yo‘qligi sababli, Drualiks preparatini emizish davrida qo‘llash tavsiya etilmaydi. Preparatning transport vositalarini yoki potentsial xavfli mexanizmlarni boshqarish qobiliyatiga ta’sirining o‘ziga xos xususiyatlari Agar Drualiks preparatini qabul qilish sedativ ta’sir va bosh aylanishi bilan kechsa, transport vositalarini yoki harakatlanuvchi mexanizmlarni boshqarish kabi potentsial xavfli ishlarni bajarishdan saqlanish kerak.

Antidepressantlar (monoaminooksidaza ingibitorlari): hayot uchun xavfli toksik holat (serotonin sindromi) rivojlanish xavfi tufayli Drualiks preparatini antidepressantlar bilan bir vaqtda yoki ularni bekor qilgandan keyin dastlabki 14 kun ichida birga qo‘llash tavsiya etilmaydi. Antidepressantlarni qo‘llashni boshlashdan oldin kamida 5 kun o‘tishi kerak. Drualiks preparatini moklobemid kabi antidepressant bilan birga qo‘llash tavsiya etilmaydi. Fluvoksamin: duloksetin ta’sirini kuchaytirishi mumkin. Markaziy asab tizimiga (MAT) ta’sir qiluvchi dori vositalari: ma’lumotlarning yetarli emasligi sababli, MATga ta’sir qiluvchi moddalar (shu jumladan, spirtli ichimliklar) va dori vositalari (benzodiazepinlar, morfinomimetiklar, antipsixotiklar, fenobarbital, uyqu ta’siriga ega allergiyaga qarshi preparatlar) bilan birga qo‘llashda ehtiyotkorlik zarur. Serotoninergik vositalar: kamdan-kam hollarda, SSRI, SNRI serotoninergik preparatlar bilan birga qo‘llangan bemorlarda serotonin sindromi rivojlanishi haqida xabar berilgan. Drualiks preparatini serotoninergik preparatlar, masalan, SSRI, SNRI, trisiklik antidepressantlar (masalan, klomipramin yoki amitriptilin), MAOIng (masalan, moklobemid yoki linezolid), zveroboy (Hypericumperforatum), triptanlar, tramadol, petidin va triptofan bilan birga buyurishda ehtiyotkorlik zarur. Teofillin: duloksetin (kuniga 2 marta 60 mg) bilan birga qo‘llanganda teofillin ta’siriga sezilarli ta’sir ko‘rsatilmagan. CYP2D6 tomonidan metabolizmlanadigan dori vositalari: duloksetinni dezipramin yoki tolterodin bilan birga qo‘llashda doza tuzatish talab qilinmaydi. Drualiks preparatini shizofreniyani davolash uchun preparat (risperidon), antidepressantlar (masalan, nortiptilin, amitriptilin va imipramin) bilan birga buyurishda ehtiyotkorlik zarur, ayniqsa, davolovchi doza toksik dozadan juda oz farq qiladigan hollarda, bu flekainid, propafenon va metoprolol kabi preparatlarga xosdir. Og‘iz orqali qabul qilinadigan kontratseptivlar va boshqa steroid preparatlar: duloksetin ta’siriga ta’sir qilmaydi, odam ishtirokida tadqiqotlar o‘tkazilmagan. Qon ivishiga ta’sir qiluvchi va qon hujayralari xususiyatlariga ta’sir qiluvchi preparatlar: varfarin bilan birga qo‘llanganda (ayniqsa, qo‘llash boshida yoki Drualiks preparatini bekor qilgandan so‘ng) qon ketish xavfi oshishi, qon ketuvchanlik kuchayishi mumkin. Me’dada xlorid kislotasi ishlab chiqarilishini neytrallovchi va kamaytiruvchi dori vositalari: alyuminiy yoki magniy saqlovchi preparatlar yoki famotidin bilan birga buyurilganda duloksetin 40 mg dozasi ta’siriga sezilarli ta’sir ko‘rsatilmagan. Chekish: chekuvchilarda duloksetin ta’siri susayishi mumkin.