Bir vaqtda qo'llanganda drotaverin levodopaning antiparkinson ta'sirini susaytirishi mumkin. Papaverin, bendazol va boshqa spazmolitiklarning (shu jumladan, M-xolinoblokatorlar) ta'sirini kuchaytiradi, tritsiklik antidepressantlar, xinin va novokainamid tomonidan chaqiriladigan arterial bosimning pasayishini kuchaytiradi. Fenobarbital drotaverinning spazmolitik ta'sirini oshiradi. Morfinning spazmogen faolligini kamaytiradi.

 

Sintomlari: yuqori dozalarda atrioventrikulyar o'tkazuvchanlikni buzadi, yurak mushaklarining qo'zg'aluvchanligini pasaytiradi.
Quyidagilarni chaqirishi mumkin:
- yurak to'xtashi va nafas markazi falajini;
- kardiyotoksik ta'sir, yaqqol sinus bradikardiyasi, SA blokadasi III daraja rivojlanishi va ektopik ritmlarning paydo bo'lishi: AV birikmasidan ritm, polimorf qorinchali ekstrasistoliya, shuningdek, ularning fonida qorinchalarning titrashi va fibrillyatsiyasiga o'tish;
- markaziy asab tizimining (MAT) yaqqol tormozlanishi, hushyorlikning buzilishi, yengil sopordan III darajali komagacha, o'choqli nevrologik simptomatikasiz.
Dozani oshirib yuborishda bemorlar diqqatli tibbiy nazorat ostida bo'lishi va ularga simptomatik terapiya hamda asosiy tana funksiyalarini qo'llab-quvvatlashga qaratilgan davolash o'tkazilishi kerak.

 

Me'da va 12 barmoqli ichak yara kasalligini davolashda boshqa yara kasalligiga qarshi dori vositalari bilan birga qabul qilinadi.

To'g'ridan-to'g'ri silliq mushaklarga ta'siri tufayli, M-xolinoblokatorlar guruhi dori vositalari (yopiq burchakli glaukoma, prostata bezining gipertrofiyasi) kontraindikatsiya qilingan hollarda spazmolitik sifatida qo'llanilishi mumkin.

6 yoshdan 12 yoshgacha bo'lgan bolalarda preparatni qo'llash faqat ko'rsatmalar bo'yicha va shifokor tayinlovi bilan, chunki ushbu bemorlar guruhida drotaverinni qo'llash yetarlicha o'rganilmagan.

Tabletkalar tarkibida laktoza mavjud, shuning uchun preparat laktozani o'zlashtira olmaslik, laktaza yetishmovchiligi, glyukoza-galaktoza malabsorbsiyasi sindromi bo'lgan bemorlarga buyurilmaydi.