Bitta tabletkada faol modda - 115,4 mg doksitsiklin xiklat (100 mg doksitsiklinga ekvivalent) yordamchi moddalari: mikrokristallik sellyuloza, natriy kraxmal glikolyat (A turi), laktosa monogidrat, makkajo‘xori kraxmali, kolloid kremniy dioksid suvdan holi, gidrogenizatsiyalangan kastor yog‘i, magniy stearat

Preparatga sezgir mikroorganizmlar tomonidan chaqirilgan infeksion-yallig‘lanish kasalliklari: - nafas yo‘llari infeksiyalari, jumladan, faringit, o‘tkir bronxit, surunkali obstruktiv o‘pka kasalligining zo‘rayishi, traxeit, bronxopnevmoniya, doleva pnevmoniya, ambulator pnevmoniya, o‘pka abstsessi, plevra empiyemasi; LOR-organlar infeksiyalari, jumladan, otit, sinusit, tonzillit; siydik-jinsiy tizim infeksiyalari: tsistit, pielonefrit, bakterial prostatit, uretrit, uretrotsistit, urogenital mikoplazmoz, o‘tkir orxiepididimit; endometrit, endotservitsit va salpingoofiorit kombinasiyalangan terapiya tarkibida; shu jumladan, jinsiy yo‘l bilan yuqadigan infeksiyalar: urogenital xlamidioz, penitsillinlarni o‘zlashtira olmaydigan bemorlarda sifilis, asoratsiz gonoreya (muqobil terapiya sifatida), qovurg‘a granulomasi, venerik limfogranulomatoz; - me’da-ichak trakti va o‘t yo‘llari infeksiyalari (xolera, yersinioz, xoletsistit, xolangit, gastroenterokolit, bacillyar va amebali dizenteriya, "sayohatchilar diareyasi"); teri va yumshoq to‘qimalar infeksiyalari (hayvon chaqishi natijasidagi yara infeksiyalari jumladan), og‘ir akne kasalligi (kombinasiyalangan terapiya tarkibida); - boshqa kasalliklar: frambesiya, legionellez, turli lokalizatsiyadagi xlamidioz (jumladan, prostatit va proktit), rickettsioz, Q isitmasi, Skalist tog‘lar dog‘li isitmasi, tif (jumladan, toshmali, ixcham qaytalanadigan), Laym kasalligi (I bosqich - erythema migrans), tulyaremiya, vabo, aktinomikoz, bezgak; ko‘z infeksion kasalliklari, kombinasiyalangan terapiya tarkibida – traxoma; leptospiroz, psittakoz, ornitroz, sibir yara (jumladan, o‘pka shakli), bartonellez, granulositar ehrlichioz; ko‘kyo‘tal, brutsellez, osteomielit; sepsis, subakut septik endokardit, peritonit; operatsiyadan keyingi yiringli asoratlarning profilaktikasi; Plasmodium falciparum tomonidan chaqirilgan bezgak, qisqa muddatli sayohatlarda (4 oydan kam) xloroxin va/yoki pirimetamin-sulfadoksinga chidamli shtammlar tarqalgan hududlarda.

-tetratsiklinlarga va preparatning har qanday komponentiga yuqori sezuvchanlik -bolalar yoshi (8 yoshgacha) -homiladorlik va laktatsiya davri -porfiriya -leykopeniya -og‘ir jigar va\yoki buyrak yetishmovchiligi

Doksilan dozası infeksiya ogʻirligiga va mikroorganizmlarning preparatga sezuvchanligiga bogʻliq. 100 mg tabletkalarni kunduzgi vaqtda, ovqat vaqtida, yetarli miqdorda suyuqlik bilan qabul qilish kerak. Kattalar va tana vazni 50 kg dan ortiq boʻlgan bolalarga davolashning birinchi kunida 200 mg kuniga bir marta yoki 2 marta, keyingi kunlarda infeksiya klinik kechishining ogʻirligiga qarab 100-200 mg kuniga buyuriladi. 8 yoshdan katta, tana vazni 50 kg dan kam boʻlgan bolalarga davolashning birinchi kunida kunlik doza 4 mg/kg bir marta, keyingi kunlarda infeksiya klinik kechishining ogʻirligiga qarab 2-4 mg/kg kuniga buyuriladi. Davolash davomiyligi kasallik kechishiga bogʻliq va shifokor tomonidan belgilanadi. Oʻrtacha davolash davomiyligi 5-21 kunni tashkil etadi. Bakteriologik jihatdan tasdiqlangan β-gemolitik streptokokk sababli yuzaga kelgan infeksiyani doksisiklin bilan davolashda, kechikkan asoratlar, masalan, revmatik isitma yoki glomerulonefritning oldini olish uchun davolash davomiyligi kamida 10 kunni tashkil etadi. Maxsus kasalliklarda • Laym kasalligi I-bosqich: 200 mg har kuni 10-20 kun davomida. • Ayollarda oʻtkir gonokokk infeksiyasi: 200 mg har kuni kamida 7 kun davomida. • Chlamydia Trachomatis yoki Neisseria gonoreya sababli oʻtkir orxoepididimit: 200 mg har kuni kamida 10 kun davomida • Birlamchi va ikkilamchi sifilis: 300 mg har kuni kamida 10 kun davomida • Sibiryacha yara profilaktikasi va davolash: Kattalar: 100 mg kuniga ikki marta 60 kun davomida. Tana vazni 45 kg gacha boʻlgan bolalar: 2,2 mg/kg tana vazniga kuniga ikki marta 60 kun davomida. 8 yoshdan katta, tana vazni 50 kg dan ortiq boʻlgan bolalarga – 200 mg gacha • Gonoreya: asoratsiz gonokokk uretritni davolashda ayollarga doxilan oʻrtacha 5 kun davomida 200 mg kuniga, erkaklarga esa 2-4 kun davomida 200-300 mg kuniga buyuriladi. Maksimal kunlik doza – 300 mg.

Tez-tez ( > 1/100 dan < 1/10 gacha) - ko'ngil aynishi, qizib ketish, qusish, anoreksiya, meteorizm, diareya - bosh og'rig'i, bosh aylanishi, vestibulyar buzilishlar Kamdan-kam ( > 1/1 000 dan < 1/100 gacha) - glossit, disfagiya, faringit, ovoz bo'g'ilishi, yutishda qiyinchilik - fotosensibilizatsiya (terining quyosh nurlanishida: qizarish, shish, pufakchalar hosil bo'lishi, teri rangining o'zgarishi) - makulopapulyoz va eritematoz toshma - allergik reaksiyalar, generalizatsiyalashgan ekzantema, eritema, toshma (krapivnitsa), Kvinke shishi, anafilaksiya, anafilaktoid purpura, tizimli qizil volchanka kuchayishi, teri qichishishi, ko'p shaklli ekssudativ eritema, qaytuvchan mahalliy teri, shilliq qavatlar yoki bo'g'imlarning shishi (angionevrotik shish), astma, anafilaktik shok, jinsiy a'zolar va tananing boshqa qismlarida doimiy dori toshmasi, isitma, bosh og'rig'i va bo'g'im og'rig'i bilan kechuvchi serum kasalligiga o'xshash reaksiya - perikardit - osteogenez sekinlashuvi, bolalarda tishlarning normal rivojlanishining buzilishi - qon ivishining buzilishi va gematuriya - teri va shilliq qavatlarning kandidozi (ayniqsa, jinsiy a'zolar va og'iz, ichak shilliq qavatlari), og'iz va halqum shilliq qavatining yallig'lanishi (stomatit, glossit), ayollarda tashqi jinsiy a'zolar va qin shilliq qavatining o'tkir yallig'lanishi (vulvovaginit), shuningdek, anal sohada qichishish (Pruritus ani) Juda kam ( > 1/10 000 dan < 1/1 000 gacha) - bosh og'rig'i, ko'ngil aynishi, qusish va ko'rishning buzilishi bilan namoyon bo'ladigan bosh ichki bosimining oshishi, ko'z nervi diskining shishi natijasida - tirnoqlarda o'zgarishlar bilan fototoksik reaksiyalar – tirnoqning tirnoq to'shagidan ajralishi va tirnoq plastinkasining rangining o'zgarishi - leyopeniya, leyotsitoz, trombotsitopeniya, anemiya, limfotsitopeniya, limfadenopatiya, atipik limfotsitlar va granulotsitlarning toksik donadorligi - jigar zararlanishi, pankreatit - nefrotoksik zararlanishlar, buyrak funksiyasining mavjud buzilishlarining kuchayishi, interstitsial nefrite, o'tkir buyrak yetishmovchiligi, anuriya - og'ir o'tkir gipersensitivlik simptomlari, masalan, yuz shishi, tilning shishishi, ichki halqum shishi nafas yo'llarining torayishi bilan, yurak urishining tezlashuvi, nafas qisishi (dispnoe), arterial bosimning pasayishi shok va yurak to'xtashigacha - eksfoliativ dermatit, Layell sindromi - paresteziya, taxikardiya, mialgiya, artralgiya, bezovtalik, qo'rquv holati - hid va ta'm sezishning buzilishi yoki yo'qolishi Juda juda kam (< 1/10 000) - enterokolit, soxta membranoz kolit - rektal va/yoki genital sohada yallig'lanish - preparatning anti-anabolik ta'siri natijasida siydikda qoldiq azotning oshishi - yaqin ko'ra olmaslik, miopiya - epileptik tutqanoq

Farmakokinetika Tez va deyarli to‘liq me’da-ichak yo‘llarida so‘riladi. So‘rilish deyarli ovqat qabul qilishga bog‘liq emas. Doksitsiklin qonni plazmasida bir martalik doza qabul qilingandan keyin 15-45 daqiqa ichida aniqlanadi. Maksimal konsentratsiyaga 1,5-3 soat ichida erishiladi. Plazma oqsillari bilan bog‘lanishi 80-95% ni tashkil etadi. Tana to‘qimalari va suyuqliklarida taqsimlanadi. Doksitsiklinning yarim chiqarilish davri 16-18 soatni tashkil etadi. O‘zgarmagan holda siydik (40%) va najas bilan chiqariladi. Farmakodinamikasi Doksilan - keng ta’sir doirasiga ega bo‘lgan yarim sintetik tetratsiklinlar guruhi antibiotigi, bakteriyostatik ta’sir ko‘rsatadi, patogenlarning oqsil sintezini bostirish hisobiga. Gram-musbat mikroorganizmlarga nisbatan faol: aerob kokklar - Staphylococcus spp. (shu jumladan, penitsillinaza ishlab chiqaruvchi), Streptococcus spp. (shu jumladan S. pneumoniae), aerob sporali bakteriyalar - Bacillus anthracis, aerob sporasiz bakteriyalar - Listeria monocytogenes, anaerob sporali bakteriyalar - Clostridium spp. Shuningdek, gram-manfiy mikroorganizmlarga nisbatan ham faol: aerob kokklar - Neisseria gonorrhoeae, Neisseria meningitidis, aerob bakteriyalar - Escherichia coli, Shigella spp., Salmonella spp., Enterobacter spp., Klebsiella spp., Brucella spp., Haemophilus influenzae, Bordetella pertussis. Preparat shuningdek Klebsiella spp., Treponema spp., Mycoplasma spp. va Chlamydia spp. ga nisbatan ham faol.

So‘rilish: Sut, sut mahsulotlari, alyuminiy, kalsiy, magniy saqlovchi antatsidlar, shuningdek, temir tuzlari va vismut preparatlari doksitsiklin so‘rilishini kamaytirishi mumkin, shuning uchun ularni bir vaqtda qabul qilish tavsiya etilmaydi. Anionitlar (xolestiramin, xolestipol) doksilan qabul qilingandan 2 soat o‘tib qabul qilinishi kerak, chunki ular doksitsiklin so‘rilishini yomonlashtirishi mumkin. Metabolizm: Karbamazepin, fenitoin, barbituratlar, primidon yoki rifampitsin kabi ferment-induktsiyalovchi preparatlarni uzoq muddat qabul qilish doksitsiklinning jigar metabolizmini tezlashtirishi va plazmadagi konsentratsiyasini kamaytirishi mumkin. Xuddi shu narsa surunkali alkogolizmga ham taalluqlidir. Doksitsiklin peroral qandli diabetga qarshi preparatlarning gipoglikemik ta’sirini kuchaytirishi mumkin. Tetratsiklinlarni og‘iz orqali qabul qilinadigan kontratseptivlar bilan birga qo‘llash ularning kontratseptiv samaradorligini kamaytirishi mumkin. Tetratsiklinlar sekale-alkaloidlarning jigar metabolizmini ingibitsiya qilishi mumkin, ayrim hollarda tomir spazmlari va gipoperfuziya bilan ergotizm kuzatilishi mumkin. Doksitsiklin boshqa potentsial gepato- va nefrotoksik moddalar bilan birga qo‘llanmasligi kerak, chunki ular buyraklarga salbiy ta’sir ko‘rsatishi mumkin. Bakteriostatik antibiotiklar beta-laktam antibiotiklarning bakteritsid ta’sirini to‘sqinlik qilishi mumkinligi sababli, ularni birga qabul qilish foydali emas. Doksitsiklinni metotreksat bilan birga qo‘llash uning toksikligini oshirishi mumkin. Doksitsiklin immunosupressiv ta’sirga ega bo‘lgan siklosporinning toksik ta’sirini kuchaytirishi mumkin. Tetratsiklinlarni birga qabul qilish digitoksin so‘rilishini kamaytirishi mumkin. Neyromushakli ingibitsiya depolyarizatsiyalovchi bo‘lmagan miorelaksantlar (masalan, tubokurarin va gallamin) bilan kuchayishi mumkin. Teofillin va tetratsiklinlarni birga qo‘llash oshqozon-ichak nojo‘ya ta’sirlarining tez-tez uchrashiga olib kelishi mumkin. Doksitsiklin siydikdagi oqsil, shakar va urobilinogen tahlilini, shuningdek, siydikda katexolaminlarni aniqlashni soxtalashtirishi mumkin. Akne davolashdan oldin, davolash vaqtida yoki undan keyin izotretinoin bilan birga doksitsiklinni qo‘llash mumkin emas, chunki bu vositalar kamdan-kam hollarda qaytariluvchi bosh ichki bosimining oshishiga (soxta miya o‘smalari) olib kelishi mumkin. Koagulyatsiya: Tetratsiklinlar plazma protrombin faolligini susaytiradi va antikoagulyantlar faolligini oshiradi. Antikoagulyantlarni birga qo‘llashda ularning dozasini kamaytirish talab qilinishi mumkin.

Siptomlari: preparatning nojo‘ya ta’sirlarining kuchayishi, kuchli dozani oshirib yuborish jigar shikastlanishiga olib keladi, bu pankreatit bilan kechishi, protrombin vaqtining uzayishi mumkin. Davolash: preparatni dozani oshirib yuborishda me’da yuvish o‘tkazish kerak. Preparatni qabul qilgandan keyin dastlabki 6 soat ichida faollashtirilgan ko‘mir qo‘llash va simptomatik terapiya ko‘rsatilgan. Peritoneal dializ va gemodializ samarasiz.