Quruqlik, teri tirnash xususiyati yoki gipersensibilizatsiya paydo bo‘lsa, preparatlarni qo‘llashni to‘xtatish kerak. Infeksiya qo‘shilganda mos terapiya buyurish zarur. Mahalliy GKS qo‘llanganda, ayniqsa bolalarda, tizimli GKS uchun xos bo‘lgan nojo‘ya ta’sirlar, jumladan, buyrak usti bezlari po‘stlog‘i funksiyasining susayishi rivojlanishi mumkin. GKS va salitsil kislotasining mahalliy qo‘llanganda tizimli so‘rilishi, okklyuzion bog‘lamlar qo‘llanganda, shuningdek, keng tana yuzalari davolansa, yuqoriroq bo‘ladi. Preparatlarni uzoq muddat qo‘llash rejalashtirilsa (ayniqsa bolalarda), mos ehtiyot choralarini ko‘rish zarur. Uzoq muddatli davolashda preparatlarni bekor qilish bosqichma-bosqich amalga oshirilishi kerak. Maz va loson oftalmologiyada qo‘llash uchun mo‘ljallanmagan. Ko‘zga va shilliq qavatlarga tushishidan saqlanish kerak. Losonni okklyuzion bog‘lam ostida qo‘llash mumkin emas. Preparatni ochiq yara yoki shikastlangan teriga surish mumkin emas. Pediatriyada qo‘llanishi Preparat 2 yoshdan boshlab bolalarda ehtiyotkorlik bilan qo‘llanishi mumkin. Bolalar mahalliy GKS qo‘llash natijasida gipotalamo-gipofizar-buzrak usti bezlari tizimi funksiyasining susayish xavfiga kattalarga nisbatan ko‘proq moyil, chunki ularda tana yuzasi va vazn nisbati yuqoriroq va, shunga mos ravishda, preparatning so‘rilishi oshadi. Mahalliy GKS olgan bolalarda gipotalamo-gipofizar-buzrak usti bezlari tizimi funksiyasining susayishi, Kushing sindromi, o‘sishda orqada qolish, tana vaznining yetarlicha oshmasligi, bosh ichki bosimining oshishi haqida xabarlar bo‘lgan. Bolalarda gipotalamo-gipofizar-buzrak usti bezlari tizimi funksiyasining susayishi plazmadagi kortizol darajasining pastligi va AKTG stimulyatsiyasiga javob yo‘qligi bilan aniqlanadi. Bosh ichki bosimining oshishi buloqchani bo‘rtib chiqishi, bosh og‘rig‘i, ko‘ruv nervi diskining ikki tomonlama shishishi bilan namoyon bo‘ladi. 

I trimesterda qo‘llash mumkin emas.

Shu sababli, homiladorlarda mahalliy kortikosteroidlarni qo‘llash xavfsizligi aniqlanmagan, bu preparatlarni buyurish faqat kutilayotgan foyda ona uchun aniq ravishda homila uchun potentsial xavfdan ustun bo‘lsa mumkin. Ushbu guruh preparatlarini homiladorlarga yuqori dozalarda, uzoq muddat va katta teri yuzalariga qo‘llash mumkin emas.

Hozirgi kunda GKS mahalliy qo‘llanganda tizimli so‘rilish natijasida ona sutiga o‘tishi mumkinligi aniqlanmagan, shuning uchun preparat buyurilganda emizishni to‘xtatish haqida qaror qabul qilish kerak.

Odatda preparat avtotransport vositalarini boshqarish yoki boshqa mexanizmlar bilan ishlashda reaksiya tezligiga ta’sir qilmaydi.