-
Tarkibi
Faol modda: dimetilsulfoksid;
1 flakon 50 ml yoki 100 ml dimetilsulfoksidni o'z ichiga oladi.
-
Qo'llanilishi
Tayanch-harakat apparatining yallig'lanish kasalliklarining kompleks terapiyasida: revmatoid artrit, Bekhterev kasalligi, deformatsiyalovchi osteoartroz (periartikulyar to'qimalarning zararlanishi mavjud bo'lsa); artropatiya, paylarning cho'zilishi, lat yeyish, travmatik infiltratlar, o'tkir va surunkali osteomiyelitlar, streptodermiya, yiringli yaralar, abstsesslar. Shuningdek, teri-plastik jarrohlikda, ko'chirilgan teri auto- va gomotransplantantlarini tutib qolishda, shuningdek teri gomotransplantantlarini konservatsiya qilishda qo'llaniladi.
-
Qo'llash mumkin bo'lmagan holatlar
Preparatga yuqori sezuvchanlik. Yurak-qon tomir yetishmovchiligi, yaqqol ateroskleroz, stenokardiya, buyrak yoki jigar funksiyasining buzilishi, insult, miokard infarkti, komatoz holatlar, glaukoma, katarakta.
-
Qo'llash usuli
Suvli eritmalar ko‘rinishida (30-50 % konsentratsiyada) kompresslar, tamponlar uchun qo‘llaniladi. Dimeksid eritmasi bilan namlangan gazli salfetkalar zararlangan joylarga, atrofidagi sog‘lom teri sohalarini ham qamrab olgan holda, kuniga 1 marta 20-30 daqiqa davomida qo‘yiladi. Salfetka ustiga polietilen plyonka va paxta yoki zig‘ir mato qo‘yiladi. Diffuz streptodermiyalarda Dimeksid® preparatining 40-90 % eritmasi bilan kompresslar tavsiya etiladi. Teri yiringli kasalliklarida 40 % eritma qo‘llaniladi. Teri-plastik jarrohlikda 10-20 % preparat eritmasi bilan bog‘lovlar ko‘chirib o‘tkazilgan teri auto- va gomotransplantatlari ustiga bevosita operatsiyadan so‘ng va keyingi operatsiyadan keyingi kunlarda transplantatning barqaror tutib ketishigacha qo‘llaniladi. Teri gomotransplantatlarini saqlash uchun konservant sifatida dimeksidning 5 % eritmasi Ringer eritmasida qo‘llaniladi.
-
Nojo´ya ta´sirlar
Dimetilsulfoksid odatda yaxshi o‘zlashtiriladi, biroq ba’zi bemorlarda quyidagilar bo‘lishi mumkin: Immun tizimi tomonidan: allergik reaksiyalar, shu jumladan dermatitlar, teri toshmasi, angionevrotik shish, qichishish, kuydirish, terining giperemiyasi, eritema, terining qurishi. Ovqat hazm qilish tizimi tomonidan: ko‘ngil aynishi, qusish, diareya. Markaziy va periferik asab tizimi tomonidan: bosh og‘rig‘i, bosh aylanishi, uyqusizlik, adinamiya. Nafas olish organlari tomonidan: bronxospazm.
-
Farmakologik xususiyatlari
Dimetilsulfoksid biologik membranalar, shu jumladan teri to'siqlari orqali o'tish xususiyatiga ega bo'lib, shu tarzda o'ziga xos ta'sirlarini namoyon qiladi, ularga yallig'lanishga qarshi, isitmani tushiruvchi, analgetik, antiseptik, o'rtacha fibrinolitik ta'sirlar kiradi. Preparat dori vositalarining butun teri va shilliq qavatlar orqali o'tishini kuchaytiradi (transport qilish qobiliyati).
-
Maxsus ko'rsatmalar
Shikastlangan teriga va allergiya belgilari bo'lgan teriga surtilmasin. Yuz terisiga surtilmasin. Dimexidni qo'llashdan oldin sezuvchanlik testi o'tkazish zarur. Buning uchun Dimexid® ni paxta tamponi yordamida, Dimexidga namlangan holda teriga surtiladi. Dimexid surtilgandan so'ng terining keskin qizarishi va qichishishi preparatga individual yuqori sezuvchanlikni ko'rsatadi. Keksalar preparatni shifokor bilan oldindan maslahatlashgandan so'ng qo'llashlari kerak. Preparatning shilliq qavatlarga va ko'zga tushishiga yo'l qo'ymaslik kerak. Preparat tasodifan ko'zga tushganda, ularni darhol oqayotgan suv bilan yuvish kerak. 18 °S va undan past haroratda dimetilsulfoksid kristallanishi mumkin, bu preparat sifatiga ta'sir qilmaydi. Kristallarni eritish uchun preparat flakonini suv hammomida (suv harorati taxminan 60 °S) ehtiyotkorlik bilan isitish kerak. Dori vositasini qo'llash qoidalarini buzmaslik kerak, bu sog'liqqa zarar yetkazishi mumkin. Markaziy asab tizimiga ta'sirini, xususan bosh aylanishi ehtimolini hisobga olgan holda ehtiyotkorlik bilan qo'llash kerak.
Preparat homiladorlik davrida qo'llash uchun kontraindikatsiyalangan. Dimetilsulfoksid bilan davolash vaqtida emizishni to'xtatish kerak.
Transport vositalarini yoki boshqa mexanizmlarni boshqarishda reaksiya tezligiga ta'sir qilish qobiliyati
Markaziy asab tizimiga ta'sirini, xususan bosh aylanishi ehtimolini hisobga olgan holda ehtiyotkorlik bilan qo'llash kerak.
-
Dozani oshirib yuborilishi
Preparatning ortiqcha dozasiga allergik reaktsiyalar (qichish, shish) va nojo'ya ta'sirlarning kuchayishi sabab bo'lishi mumkin, bu esa qo'llashni to'xtatishni va simptomatik terapiyani o'tkazishni talab qiladi.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
