ta’sir qiluvchi modda: mebgidrolin; 1 draje tarkibida 100 % quruq modda hisobiga mebgidrolin 50 mg (0,05 g) yoki 100 mg (0,1 g) mavjud; yordamchi moddalari: saxaroza, kraxmal patrakasi, talk, sariq mum, kungaboqar yog‘i.

Mavsumiy va allergik rinit, pollinoz, toshma, oziq-ovqat va dori allergiyasi, teri qichishishi bilan kechadigan dermatitlar (ekzema, neyrodermatit)ning oldini olish va davolash.

Preparat komponentlariga gipersensitivlik. Oshqozon va o'n ikki barmoqli ichak yara kasalligi zo‘rayish davrida, ovqat hazm qilish yo‘llarining yallig‘lanish kasalliklari, pilorostenoz, prostata bezining gipertrofiyasi, yopiq burchakli glaukoma, epilepsiya, yurak ritmi buzilishlari.

ichkariga, ovqatdan keyin, kattalar va 12 yoshdan oshgan bolalarga 100 – 200 mg 1 – 2 marta kuniga buyuriladi. Kattalar uchun maksimal dozalari: bir martalik – 300 mg, sutkalik – 600 mg. 5 – 12 yoshli bolalarga 50 mg 1 – 3 marta kuniga, 3 – 5 yoshli bolalarga 50 mg 1 – 2 marta kuniga buyuriladi. Davolash davomiyligini shifokor kasallik xususiyati, klinik effekti va preparatga toqat qilishiga qarab belgilaydi. Bolalar. Preparatni 3 yoshdan katta bolalarga qo‘llash.

Ovqat hazm qilish tizimidan: oshqozon-ichak yo'llarining shilliq qavatlarining qizishi, bu ba'zan dispeptik hodisalar (qayt qilish, ko'ngil aynishi, epigastral sohada og'riq) bilan namoyon bo'ladi. Markaziy nerv tizimidan: bosh aylanishi, paresteziya, ortiqcha charchoq, uyquchanlik, ko'rish qobiliyatining noaniqligi, reaktsiya tezligining sekinlashishi, tremor, bezovtalik (kechasi). Boshqalar: og'izda quruqlik, siydik chiqarishdagi buzilishlar, allergik reaksiyalar. Juda kamdan-kam hollarda granulositopeniya va agranulositoz paydo bo'lishi mumkin. Bolalarda ba'zan paradoksal reaksiyalar kuzatiladi: ortiqcha hayajon, tremor, uyqu buzilishi, asabiylik.

Farmakodinamikasi. Mebgidrolin antigistamin preparatlar guruhiga kiradi, gistaminning Hl-retseptorlarining blokatori hisoblanadi. Mebgidrolin gistaminning bronxlar, ichaklarning silliq mushaklariga nisbatan spazmogen ta’sirini, shuningdek, uning tomirlar o‘tkazuvchanligiga ta’sirini susaytiradi. Birinchi avlod antigistamin preparatlaridan (dimeedrol, suprastin) farqli o‘laroq, sedativ va uyqu keltiruvchi ta’siri kamroq ifodalangan. Kam ifodalangan m-xolinobloklovchi va anesteziyalovchi xususiyatlarga ega. Farmakokinetikasi. Ovqat hazm qilish yo‘llaridan tez so‘riladi. Biokiraolishligi 40 – 60 % oralig‘ida. Terapevtik ta’siri 15 – 30 daqiqadan so‘ng rivojlanadi, maksimal ta’siri 1 – 2 soatdan keyin kuzatiladi. Ta’sir davomiyligi 2 kungacha yetishi mumkin. Preparat deyarli gematoensefalik to‘siqdan o‘tmaydi, jigarda metillanish yo‘li bilan metabolizatsiyalanadi, jigar fermentlarini induktsiyalaydi, organizmdan buyraklar orqali chiqariladi.

Diazolin® uyqu keltiruvchi, sedativ va markaziy asab tizimini susaytiruvchi boshqa preparatlarning, shuningdek, spirtli ichimliklarning ta’sirini kuchaytiradi.

Diazolin® og‘ir jigar va/yoki buyrak yetishmovchiligida ehtiyotkorlik bilan buyuriladi (dozani tuzatish va qabul qilishlar orasidagi intervalni oshirish mumkin). Diazolin® bilan davolanish vaqtida spirtli ichimliklar va etanol saqlovchi dori vositalarini qabul qilish tavsiya etilmaydi. Agar sizda ayrim shakarlarga nisbatan intolerantlik aniqlangan bo‘lsa, ushbu preparatni qabul qilishdan oldin shifokor bilan maslahatlashing. Homiladorlik yoki emizish davrida qo‘llanilishi. Homiladorlik yoki emizish davrida preparatni qo‘llash mumkin emas. Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati. Preparatni qo‘llashda avtotransport boshqarish va diqqatni jamlashni talab qiluvchi boshqa potensial xavfli faoliyat turlari bilan shug‘ullanish tavsiya etilmaydi.

Preparatning dozasi oshirib yuborilganda, mos bo‘limda tavsiflangan nojo‘ya reaksiyalar xavfi ortadi. Bunday holatda preparat bekor qilinadi, zarur bo‘lsa umumiy detoksikatsiya tadbirlari (oshqozonni yuvish, majburiy diurez) va simptomatik terapiya o‘tkaziladi.