Bir draje quyidagilarni o'z ichiga oladi:  

Faol modda - mebhidrolin 100% quruq modda hisobida –0,05 g yoki 0,1 g,  

Yordamchi moddalar: shakar, kraxmal siropi, talk, sariq mum, kungaboqar yog'i.  

Mavsumiy va allergik rinit, pollinoz, toshma, oziq-ovqat va dori allergiyasi, teri qichishishi bilan kechadigan dermatitlar (ekzema, neyrodermatit)ning oldini olish va davolash.

Preparat komponentlariga gipertuyg‘urlik. Oshqozon va o‘n ikki barmoqli ichak yarasi kasalligining zo‘rayish davri, ovqat hazm qilish yo‘llarining yallig‘lanish kasalliklari, pilorostenoz, prostata bezining gipertrofiyasi, yopiq burchakli glaukoma, epilepsiya, yurak ritmining buzilishi.

Diazolin og'iz orqali, ovqatdan keyin, kattalar va 12 yoshdan oshgan bolalarga 0,1-0,2 g 1-2 marta kuniga buyuriladi. Kattalar uchun maksimal dozalari: bir martalik – 0,3 g, sutkalik – 0,6 g. 5-12 yoshli bolalarga 0,05 g 1-3 marta kuniga, 3-5 yoshli bolalarga 0,05 g 1-2 marta kuniga buyuriladi. Davolash davomiyligini shifokor kasallik xususiyati, klinik effekti va preparatga toqat qilishiga qarab belgilaydi.

Ovqat hazm qilish tizimidan: oshqozon-ichak yo'llarining shilliq qavatlarining qizishi, bu ba'zan dispeptik hodisalar (qayt qilish, ko'ngil aynishi, epigastral sohada og'riq) bilan namoyon bo'ladi. Markaziy nerv tizimidan: bosh aylanishi, paresteziya, ortiqcha charchoq, uyquchanlik, ko'rish qobiliyatining noaniqligi, reaktsiya tezligining sekinlashishi, tremor, bezovtalik (kechasi). Boshqalar: og'izda quruqlik, siydik chiqarishdagi buzilishlar, allergik reaksiyalar. Juda kamdan-kam hollarda granulositopeniya va agranulositoz paydo bo'lishi mumkin. Bolalarda ba'zan paradoksal reaksiyalar kuzatiladi: ortiqcha hayajon, tremor, uyqu buzilishi, asabiylik.

Diazolinni og'ir jigar va/yoki buyrak yetishmovchiligi bo'lgan bemorlarga ehtiyotkorlik bilan buyuriladi (dozani tuzatish va qabul qilish oralig'ini oshirish mumkin).  Diazolinni davolash davomida alkogol ichimliklarini iste'mol qilish tavsiya etilmaydi.  Pediatriyada qo'llanishi  Preparat 0,05 g dozada 3 yoshdan oshgan bolalarga buyuriladi.  Preparat 0,1 g dozada kattalarga va 12 yoshdan oshgan bolalarga buyuriladi.  Dori vositasining transport vositalarini boshqarish yoki potentsial xavfli mexanizmlarni boshqarish qobiliyatiga ta'siri xususiyatlari  Preparatni qo'llashda avtomobil boshqarish va diqqatni talab qiladigan boshqa potentsial xavfli faoliyat bilan shug'ullanish tavsiya etilmaydi.

Dori vositasining ortiqcha dozasi bilan yon ta'sirlar xavfi oshadi, bu mos bo'limda ta'riflangan.  

Davolash: dori vositasini to'xtatish, zarur bo'lsa umumiy detoksikatsiya tadbirlarini o'tkazish (oshqozonni yuvish, majburiy diurez), simptomatik terapiya.