-
Tarkibi
ta’sir qiluvchi modda: mebhydrolin;
1 tabletka tarkibida 100% modda hisobida mebgidrolin 50 mg (0,05 g) yoki 100 mg (0,1 g);
yordamchi moddalari: laktosa monogidrat, kartoshka kraxmal, povidon, saxaroza, kalsiy stearat.
Asosiy fizik-kimyoviy xususiyatlari: dumaloq shakldagi, tekis yuzali, chiziqli va qirralari bor, oq yoki deyarli oq rangli tabletkalar.
-
Qo'llanilishi
Mavsumiy va allergik rinit, pollinoz, eshakemi, oziq-ovqat va dori allergiyasi, teri qichishishi bilan kechuvchi dermatitlar (ekzema, neyrodermit)ning oldini olish va davolash.
-
Qo'llash mumkin bo'lmagan holatlar
Preparat komponentlariga gipertuyg‘urlik. Oshqozon va o‘n ikki barmoqli ichak yarasi kasalligining zo‘rayish davri, ovqat hazm qilish yo‘llarining yallig‘lanish kasalliklari, pilorostenoz, prostata bezining gipertrofiyasi, yopiq burchakli glaukoma, epilepsiya, yurak ritmining buzilishi.
-
Qo'llash usuli
og'iz orqali, ovqatdan keyin, kattalar va 12 yoshdan oshgan bolalarga 100 – 200 mg 1 – 2 marta kuniga buyuriladi. Kattalar uchun maksimal dozalari: bir martalik – 300 mg, sutkalik – 600 mg.
5 – 12 yoshli bolalarga 50 mg 1 – 3 marta kuniga, 3 – 5 yoshli bolalarga 50 mg 1 – 2 marta kuniga buyuriladi. Davolash davomiyligini shifokor kasallik xususiyati, klinik effekti va preparatga toqat qilishiga qarab belgilaydi.
Bolalar. Preparatni 3 yoshdan katta bolalarga qo'llash mumkin.
-
Nojo´ya ta´sirlar
Ovqat hazm qilish tizimidan: oshqozon-ichak yo'llarining shilliq qavatlarining qizishi, bu ba'zan dispeptik hodisalar (qayt qilish, ko'ngil aynishi, epigastral sohada og'riq) bilan namoyon bo'ladi.
Markaziy nerv tizimidan: bosh aylanishi, paresteziya, ortiqcha charchoq, uyquchanlik, ko'rish qobiliyatining noaniqligi, reaktsiya tezligining sekinlashishi, tremor, bezovtalik (kechasi).
Boshqalar: og'izda quruqlik, siydik chiqarishdagi buzilishlar, allergik reaksiyalar. Juda kam hollarda granulositopeniya va agranulositoz paydo bo'lishi mumkin.
Bolalarda ba'zan paradoksal reaksiyalar kuzatiladi: ortiqcha hayajon, tremor, uyqu buzilishi, asabiylik.
-
Farmakologik xususiyatlari
Diazolin antigistamin preparatlariga kiradi, H1-gistamin retseptorlari blokatori hisoblanadi. Gistaminning bronxlar, ichaklarning silliq mushaklariga spazmogen ta’sirini, shuningdek, uning tomirlar o‘tkazuvchanligiga ta’sirini susaytiradi. Birinchi avlod antigistamin preparatlaridan (dimedrol, suprastin va boshqalar) farqli o‘laroq, aniq sedativ va uyqu keltiruvchi ta’sir ko‘rsatmaydi.
-
Maxsus ko'rsatmalar
Dori vositasini qo‘llash davrida alkogolli ichimliklar va etanol saqlovchi dori vositalarini iste’mol qilish tavsiya etilmaydi.
Dori vositasini og‘ir jigar va/yoki buyrak yetishmovchiligi bo‘lgan bemorlarga ehtiyotkorlik bilan qo‘llash kerak (dozani tuzatish va qabul qilishlar orasidagi intervalni oshirish talab qilinishi mumkin).
Dori vositasi tarkibida laktosa mavjud, shuning uchun galaktozani kamdan-kam uchraydigan irsiy intoleransiyasi, laktaza yetishmovchiligi yoki glyukoza-galaktoza malabsorbsiyasi sindromi bo‘lgan bemorlarga dori vositasini qo‘llash mumkin emas.
Agar sizda ayrim shakarlarni o‘zlashtira olmaslik aniqlangan bo‘lsa, ushbu dori vositasini qabul qilishdan oldin shifokor bilan maslahatlashing.
Dori vositasini qo‘llashda avtotransport boshqarish yoki diqqat va psixomotor reaksiyalar tezligini talab qiladigan boshqa mexanizmlar bilan ishlash tavsiya etilmaydi.
-
Dorilarning o'zaro ta'siri
Diazolin uyqu dorilari, sedativlar va markaziy asab tizimini bostiruvchi boshqa preparatlar, shuningdek, alkogolning ta'sirini kuchaytiradi.
-
Dozani oshirib yuborilishi
Preparatning dozasi oshirilganda, mos bo‘limda tavsiflangan nojo‘ya ta’sirlar xavfi oshadi. Bunday holda preparatni bekor qilish, zarur bo‘lsa umumiy detoksikatsiya tadbirlarini (oshqozonni yuvish, majburiy diurez) va simptomatik terapiya o‘tkazish kerak.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
