1 tabletkada faol modda gliklazid 30 mg; yordamchi moddalari gipromelloza, laktaza monogidrat, kopovidon, kremniy dioksid kolloid anhidrid, magniy stearat.

Qandli diabet II turi glyukozani kamaytirish va nazorat qilish, agar glyukoza darajasini faqat dieta, jismoniy mashqlar yoki tana vaznini kamaytirish bilan normallashtirib bo‘lmasa. Qandli diabet II turi asoratlarining oldini olish makro- va mikrotomir asoratlari, xususan, yangi holatlar yoki nefropatiya yomonlashuvi xavfini kamaytirish.

Og'iz orqali qabul qilish uchun. Faqat kattalar uchun buyuriladi. Sutkalik doza 1 dan 4 tagacha tabletkani (kuniga 30 dan 120 mg gacha) tashkil qilishi mumkin. Sutkalik doza bir martalik tarzda nonushta vaqtida qabul qilinishi kerak. Tabletkalarni butun holda yutish lozim (ezmaslik va chaynash mumkin emas). Agar bemor tabletkani qabul qilishni unutgan bo‘lsa, keyingi kuni dozani oshirish kerak emas. Barcha qandli diabetga qarshi vositalar kabi, Diaglizid MR dozasini bemorning davolanishga individual javobiga (qonda glyukoza darajasi, glikozillangan gemoglobin HbAlc) qarab individual tanlash talab etiladi. Boshlang‘ich doza va doza tanlash. Tavsiya etiladigan boshlang‘ich doza kuniga 30 mg (1 tabletka) ni tashkil qiladi. Qonda glyukoza darajasi samarali nazorat qilinsa, davolash shu doza bilan davom ettirilishi mumkin. Qon glyukozasi nazoratini kuchaytirish zarur bo‘lsa, sutkalik doza ketma-ket 60 mg (2 tabletka), 90 mg (3 tabletka) yoki 120 mg (4 tabletka) gacha oshirilishi mumkin. Dozani oshirish bosqichma-bosqich, 1 oylik interval bilan tavsiya etiladi, faqat 2 haftalik davolash davomida qonda glyukoza darajasining kamayishi kuzatilmagan hollardan tashqari. Bunday hollarda dozani davolashning ikkinchi haftasi oxirida oshirish mumkin. Maksimal tavsiya etiladigan sutkalik doza – 120 mg (4 tabletka). 80 mg gliklazid saqlovchi preparatlardan Diaglizid MR 30 mg ga o‘tkazish, modifikatsiyalangan chiqarilishli 1 tabletka, 80 mg gliklazid saqlovchi 1 tabletkaga Diaglizid MR 30 mg 1 tabletkasi mos keladi. Diaglizid MR 30 mg ga o‘tkazishda qon ko‘rsatkichlarini diqqat bilan nazorat qilish zarur. Boshqa og‘iz orqali qabul qilinadigan qandli diabetga qarshi preparatlardan Diaglizid MR 30 mg ga o‘tkazish Diaglizid MR 30 mg ni boshqa og‘iz orqali qabul qilinadigan qandli diabetga qarshi preparat o‘rniga buyurish mumkin. Bunda oxirgi preparatning dozasi va yarim chiqarilish davrini hisobga olish kerak. O‘tish davri odatda talab qilinmaydi. Davolashni 30 mg dozadan boshlash va keyinchalik dozani tuzatish kerak (qarang «Boshlang‘ich doza va doza tanlash»). Diaglizid MR 30 mg dan uzoqroq yarim chiqarilish davriga ega sulfanilmochovina guruhiga mansub gipoglikemik preparatlardan o‘tkazishda, ikki preparatning umumiy ta’siri va gipoglikemiya rivojlanishining oldini olish uchun bir necha kunlik tanaffus zarur bo‘lishi mumkin. Diaglizid MR 30 mg bilan davolash kuniga 30 mg (1 tabletka) dozadan boshlanadi va keyinchalik yuqorida ko‘rsatilgan qoidalar asosida doza tuzatib boriladi. Boshqa qandli diabetga qarshi preparatlar bilan bir vaqtda qo‘llash Diaglizid MR 30 mg ni biguanidlar, alfa-glyukozidaza ingibitorlari va insulin bilan birga qo‘llash mumkin. Diaglizid MR 30 mg qabul qilayotgan bemorlarda qonda glyukoza darajasi yetarli nazorat qilinmasa, shifokor nazorati ostida insulin bilan bir vaqtda davolash boshlanishi mumkin. Keksalar (65 yoshdan katta) uchun Diaglizid MR 30 mg preparatini dozalash tartibi 65 yoshgacha bo‘lgan bemorlar uchun bo‘lgani kabi. Yengil va o‘rtacha darajadagi buyrak yetishmovchiligi bo‘lgan bemorlar uchun Diaglizid MR 30 mg preparatini dozalash tartibi buyrak funksiyasi normal bo‘lgan bemorlar uchun bo‘lgani kabi, biroq bemor diqqatli nazorat ostida bo‘lishi kerak. Gipoglikemiya rivojlanish xavfi yuqori bo‘lgan bemorlar uchun (qarang bo‘lim «

Gliklazid va boshqa sul'fanilmochevina hosilalarini qo'llash tajribasiga asoslanib, quyida ko'rsatilgan nojo'ya ta'sirlar kuzatilishi mumkin. Gipoglikemiya. Boshqa sul'fanilmochevina preparatlari kabi, gliklazid qabul qilish ham, ayniqsa, ovqatlanish tartibsiz bo'lsa va ovqat qabul qilinmasa, gipoglikemiya rivojlanishiga olib kelishi mumkin. Gipoglikemiya paydo bo'lishi quyidagi xarakterli simptomlar bilan kechishi mumkin: bosh og'rig'i, kuchli ochlik hissi, ko'ngil aynishi, qusish, charchoq, uyqu buzilishi, qo'zg'aluvchanlik, tajovuzkorlik, diqqat va reaksiya buzilishi, depressiya, bezovtalik, ko'rish va nutq buzilishi, afaziya, tremor, parezlar, sezuvchanlik buzilishi, bosh aylanishi, holsizlik hissi, o'z-o'zini nazorat qilishni yo'qotish, deliriya, tutqanoq, yuzaki nafas olish, bradikardiya, uyquchanlik va hushdan ketish, bu esa komaga va o'limga olib kelishi mumkin. Bundan tashqari, adrenergik tizim tomonidan quyidagi buzilishlar kuzatilishi mumkin: terlash, yopishqoq ter, xavotir hissi, taxikardiya, arterial gipertenziya, kuchli yurak urishi, ko'krak sohasida og'riq, aritmiya. Odatda gipoglikemiya simptomlari uglevodlar (shakar) qabul qilingandan so'ng yo'qoladi. Bu holatda shakar o'rnini bosuvchi vositalarni qabul qilish samarali bo'lmaydi. Boshqa sul'fanilmochevina preparatlarini qo'llash tajribasi shuni ko'rsatadiki, dastlab ko'rilgan choralar samarali bo'lgan taqdirda ham, gipoglikemiya qayta paydo bo'lishi mumkin. Agar gipoglikemiya epizodi og'ir yoki uzoq davom etsa va bemorning holati vaqtincha shakar qabul qilish orqali nazorat ostiga olingan bo'lsa, shoshilinch tibbiy yordam yoki hatto shifoxonaga yotqizish zarur. Ovqat hazm qilish tizimi tomonidan: qorin og'rig'i, ko'ngil aynishi, qusish, dispepsiya, diareya va qabziyat. Preparatni nonushta vaqtida qabul qilish bo'yicha tavsiyalarga rioya qilish bu simptomlarning paydo bo'lishini oldini olish yoki kamaytirishga yordam beradi. Kamdan-kam hollarda quyidagi nojo'ya ta'sirlar kuzatiladi: teri va teri osti to'qimalari tomonidan: toshma, qichishish, eshakemi, eritema, makulopapulyoz toshmalar, buloz toshmalar. Qon va limfa tizimi tomonidan (kamdan-kam hollarda): anemiya, trombotsitopeniya, leykopeiya, granulositopeniya. Odatda bu holatlar davolash to'xtatilgandan so'ng yo'qoladi. Gepatobiliar tizimi tomonidan: jigar fermentlari (ALT, AST, shilali fosfataza) darajasining oshishi, gepatit (yakka-yakka hollarda). Xolestatik sariqlik paydo bo'lsa, preparat bilan davolashni to'xtatish kerak. Ko'rsatilgan nojo'ya ta'sirlar odatda preparat to'xtatilgandan so'ng yo'qoladi. Ko'rish organlari tomonidan: ko'rishning vaqtinchalik buzilishi, ayniqsa davolash boshida, qondagi glyukoza darajasining o'zgarishi tufayli paydo bo'lishi mumkin. Sul'fanilmochevina preparatlarini qo'llashda kuzatilishi mumkin bo'lgan buzilishlar: eritrotsitopeniya, agranulotsitoz, gemolitik anemiya, pansitopeniya va allergik vaskulitlar holatlari. Sul'fanilmochevina preparatlarini qo'llashda jigar fermentlari darajasining oshishi va hatto jigar faoliyatining buzilishi (masalan, xolestaz va sariqlik bilan) va gepatitlar holatlari ham tasvirlangan, ular bu preparatlar to'xtatilgandan so'ng kamaygan yoki yakka-yakka hollarda hayot uchun xavfli jigar yetishmovchiligiga olib kelgan. ADVANCE tadqiqoti davomida jiddiy nojo'ya reaksiyalar monitoringi o'tkazilgan. II tip qandli diabet bilan og'rigan va glikemiya intensiv nazorati strategiyasi bo'yicha davolangan bemorlar guruhida ilgari tasvirlanmagan nojo'ya reaksiyalar aniqlanmagan. Bir nechta bemorlarda og'ir gipoglikemiya kuzatilgan. Gipoglikemiya epizodlarining aksariyati insulinterapiya bilan birga davolanayotgan bemorlarda kuzatilgan.

• qisman trombotsitlarning agregatsiyasi va adgeziyasini ingibitsiya qiladi, trombotsitlarning faollik markerlari (β-tromboglobulin, tromboksan V2) miqdorini kamaytiradi;
• qon tomir endoteliyasining fibrinolitik faolligiga ta'sir qiladi (tPA faolligini oshiradi).