Bir vaqtda neyroleptiklar, antidepressantlar, MAO ingibitorlari, benzodiazepin hosilalari, etanol bilan qo‘llanganda, markaziy asab tizimiga tormozlovchi ta’sir kuchayadi. Bir vaqtda gepatotoksik ta’sirga ega vositalar bilan qo‘llanganda, gepatotoksik ta’sir kuchayishi mumkin. Bir vaqtda antiagregantlar (shu jumladan, atsetilsalitsil kislotasi) va antikoagulyantlar bilan qo‘llanganda ularning ta’siri kuchayadi. Bir vaqtda zidovudin bilan qo‘llanganda, qon plazmasida zidovudin konsentratsiyasi oshadi, bu esa uning toksikligini kuchaytiradi. Bir vaqtda karbamazepin bilan qo‘llanganda, karbamazepin ta’sirida jigar mikrosomal fermentlarining induktsiyasi natijasida valproat kislotasining metabolizm tezligi oshadi va natijada qon plazmasida valproat kislotasi konsentratsiyasi kamayadi. Valproat kislotasi karbamazepinning toksik ta’sirini kuchaytiradi. Bir vaqtda lamotrigin bilan qo‘llanganda, lamotriginning metabolizmi sekinlashadi va uning T1/2 oshadi. Bir vaqtda meflokhin bilan qo‘llanganda, qon plazmasida valproat kislotasining metabolizmi oshadi va tutqanoq rivojlanish xavfi ortadi. Bir vaqtda meropenem bilan qo‘llanganda, qon plazmasida valproat kislotasi konsentratsiyasi kamayishi mumkin; primidon bilan qo‘llanganda, qon plazmasida primidon konsentratsiyasi oshadi; salitsilatlar bilan qo‘llanganda, salitsilatlar valproat kislotasini plazma oqsillari bilan bog‘lanishidan siqib chiqarishi natijasida valproat kislotasining ta’siri kuchayishi mumkin. Bir vaqtda felbamat bilan qo‘llanganda, qon plazmasida valproat kislotasi konsentratsiyasi oshadi, bu esa toksik ta’sirlar (ko‘ngil aynishi, uyquchanlik, bosh og‘rig‘i, trombotsitlar sonining kamayishi, kognitiv buzilishlar) bilan namoyon bo‘ladi. Bir vaqtda fenitoin bilan qo‘llanganda, dastlabki bir necha hafta davomida natriy valproatining plazma oqsillari bilan bog‘lanishidan siqib chiqarilishi, jigar mikrosomal fermentlarining induktsiyasi va fenitoin metabolizmining tezlashishi hisobiga qon plazmasida umumiy fenitoin konsentratsiyasi kamayishi mumkin. Keyinchalik, valproat fenitoin metabolizmini ingibitsiyalab, natijada qon plazmasida fenitoin konsentratsiyasi oshadi. Fenitoin, ehtimol, jigar metabolizmining oshishi hisobiga, qon plazmasida valproat konsentratsiyasini kamaytiradi. Shuningdek, fenitoin jigar fermentlari induktori sifatida valproat kislotasining ikkilamchi, ammo gepatotoksik metabolitining hosil bo‘lishini oshirishi mumkin deb hisoblanadi. Bir vaqtda valproat kislotasi fenobarbitalni plazma oqsillari bilan bog‘lanishidan siqib chiqaradi, natijada uning qon plazmasidagi konsentratsiyasi oshadi. Fenobarbital valproat kislotasining metabolizm tezligini oshiradi, bu esa uning qon plazmasidagi konsentratsiyasini kamaytiradi. Valproat kislotasi bilan birga qo‘llanganda fluvoksamin va fluoksetin ta’sirining kuchayishi haqida xabarlar mavjud. Fluoksetin bilan birga qo‘llanganda, ba’zi bemorlarda qon plazmasida valproat kislotasi konsentratsiyasining oshishi yoki kamayishi kuzatilgan. Bir vaqtda simetidin, eritromitsin bilan qo‘llanganda, jigar metabolizmining pasayishi hisobiga plazmada valproat kislotasi konsentratsiyasi oshishi mumkin.

Siptomlar: koma mushak gipotoniyasi, giporefleksiya, mioz, nafas olishning susayishi, metabolik atsidoz; miya shishi bilan bog‘liq bosh ichki gipertenziya holatlari qayd etilgan. Simptomlar o‘zgaruvchan bo‘lishi mumkin, valproat kislotasining juda yuqori plazmadagi konsentratsiyalarida tutqanoq xurujlari rivojlanishi haqida xabar berilgan. Katta dozada haddan tashqari qabul qilinganda o‘lim holati mumkin, biroq odatda prognoz qulay. Davolash: statsionarda - oshqozonni yuvish, bu liiofilizat yoki v/v yuborish uchun eritma flakonining ichidagi modda qabul qilingandan keyin 10-12 soat davomida samarali; yurak-qon tomir va nafas olish tizimlarining funksional holatini monitoring qilish va tuzatish, samarali diurezni ta’minlash. Ayrim hollarda nalokson muvaffaqiyatli qo‘llanilgan. Juda og‘ir hollarda katta dozada zaharlanishda gemodializ va gemoperfuziya samarali bo‘lgan.