Bitta tubik-tomizgich uchun: Faol modda: Deksametazon natriy fosfati – 0,1 g. Yordamchi moddalari: bor kislotasi, natriy tetraborat 10-suvli, dinatriy edetat, benzalkoniy xlorid, in'ektsiya uchun suv. Chiqarilish shakli 5 ml dan flakonlarda. 1 flakon va qo'llash bo'yicha yo'riqnoma karton qutiga joylanadi.

O‘tkir va surunkali allergik va yallig‘lanish jarayonlari: ko‘zning old qismi yallig‘lanishlari (kon’yunktivit, keratokon’yunktivit, chuqur keratit epiteliy shikastlanishisiz, irit, iridotsiklit, episklerit, sklerit va boshqa turli genezli uveitlar), ko‘zning orqa qismi yallig‘lanishlari (xorioidit, xorioretinit, ko‘ruv nervi nevriti), simpatik uveit; ko‘z jarohatlari va jarrohlik amaliyotlaridan keyingi yallig‘lanish hodisalarini oldini olish va davolash; ko‘zning termik va kimyoviy kuyiklarida kech davr.

Kattalar va 12 yoshdan oshgan bolalarda tomchi tomizish tezligi va davolash davomiyligi kasallik og'irligi va davolashga javob xarakteriga bog'liq. Og'ir yallig'lanish jarayonlarida davolashga qoniqarli javob olinmaguncha har 30-60 daqiqada kon'yunktival qopchaga 1-2 tomchi deksametazon tomizish talab etiladi. Olib borilayotgan terapiyaga ijobiy reaksiya bo'lsa, dozani har 4 soatda 1 tomchigacha kamaytirish tavsiya etiladi. Surunkali holatlarda bir necha hafta davomida kuniga 2 marta 1-2 tomchi tomiziladi. Preparatni qo'llashning maksimal davomiyligi 4 haftani tashkil etadi. Operatsiyadan keyingi va travmadan keyingi davrlarda preparat quyidagi hollarda qo'llaniladi: qiyshiq ko'z, to'r pardani ajralishi, katarakta ekstraksiyasi bo'yicha operatsiyalardan so'ng 8-kundan boshlab va jarohat paydo bo'lganidan boshlab 1-2 tomchi 2-4 marta kuniga 2-4 hafta davomida; antiglokomatoz filtrlovchi operatsiyada – operatsiya kuni yoki undan keyingi kuni. 6 yoshdan 12 yoshgacha bo'lgan bolalarda allergik va yallig'lanish holatlarida 1 tomchidan kuniga 2-3 marta 7-10 kun davomida tomiziladi, zarur bo'lsa, davolash davom ettiriladi (10-kuni qorin pardasi holatini nazorat qilgandan so'ng). Tubik-tomizgichdan foydalanish bo'yicha tavsiyalar: dori vositasini qo'llashdan oldin tubik-tomizgichdan himoya qopqog'ini olib tashlang, qaychi yordamida korpus bo'ynining membranasini, rezbali qismini shikastlamasdan, kesib oling. Tubik-tomizgich korpusini dori vositasi bilan pastga bo'ynini qaratib aylantiring va yumshoq harakat bilan tubik-tomizgich korpusiga bosib, uni pipetka sifatida ishlating. Tubik-tomizgich ichidagisi ifloslanmasligi uchun ochiq uchini ko'zga yoki boshqa yuzaga tekkizmang. Har qanday sababga ko'ra dori vositasi tomchisi kon'yunktival qopchadan darhol chiqib ketsa, tomizishni yana bir marta takrorlash kerak. Shifokor tomonidan buyurilgan yoki tibbiy qo'llanma ko'rsatmasida ko'rsatilgan dori vositasi dozasini qo'llagandan so'ng, tubik-tomizgich korpusini rezbali qismini yuqoriga qaratib aylantiring va himoya qopqog'ini burab yoping.

Tomizilgandan so‘ng darhol qisqa muddatli kuydiruvchi his, ko‘zdan yosh oqishi, kon’yunktiva giperemiyasi, ta’m sezish buzilishi mumkin. Allergik reaksiyalar kuzatilishi mumkin. Ko‘z tomchilari uzoq muddat (3 haftadan ortiq) qo‘llanilganda, ko‘z ichki bosimi oshishi, ko‘z nervi shikastlanishi bilan glaukoma rivojlanishi, ko‘rish o‘tkirligi pasayishi va ko‘rish maydonlari yo‘qolishi, shuningdek, orqa subkapsulyar katarakta shakllanishi, shuningdek, qorin parda yupqalashuvi va perforatsiyasi mumkin; juda kam hollarda - gerpetik va bakterial infeksiya tarqalishi. Deksametazon yoki benzalkoniya xloridiga (konservant) yuqori sezuvchanligi bo‘lgan bemorlarda - allergik kon’yunktivit va blefarit.

Deksametazon – sintetik ftorlangan glyukokortikosteroid, yallig‘lanishga qarshi, allergiyaga qarshi, immunodepressiv ta’sir ko‘rsatadi, antiekssudativ va antifibroblastogen xususiyatlarga ega, deyarli mineralokortikosteroid ta’sir ko‘rsatmaydi. Deksametazon yallig‘lanish reaksiyalarining rivojlanishida ishtirok etuvchi oqsillar genlarining ekspressiyasini ingibitsiya qiladi. Eozinofillar va tuk hujayralardan yallig‘lanish mediatorlarining ajralib chiqishiga to‘sqinlik qiladi. Gialuronidaza, kollagenaza va proteazalar faolligini susaytiradi. Fibroblastlar faolligini va kollagen hosil bo‘lishini bostiradi. Kapillyarlarning o‘tkazuvchanligini kamaytiradi, hujayra membranalarini barqarorlashtiradi, limfotsitlar va makrofaglardan sitokinlar ajralib chiqishini susaytiradi.