1 ml eritmada faol modda sifatida 0,2 mg dekametoksin mavjud; Yordamchi moddalari natriy xlorid, in'ektsiya uchun suv.

Teri va yumshoq to‘qimalarning yiringli bakterial va zamburug‘li kasalliklari, mikrob ekzema, yiringli-yallig‘lanishli yumshoq to‘qimalar zararlanishlari (absesslar, karbunkullar, flegmonalar, furunkullar, yiringli yaralar, panaritsiylar); stomatologik kasalliklar (stomatitlar, yara-nekrotik gingivit, distrofik-yallig‘lanishli parodontozning I - II darajasi zo‘rayish bosqichida). Shuningdek, o‘pka absessi, bronxoektatik kasallik, o‘pkaning kistoz gipoplaziyasi, asoratli yiringlanish, surunkali bronxitning zo‘rayish bosqichida, surunkali tonzillit, angina, stafilokokk va difteriya tayoqchasi tashuvchiligida, yara koliti, parapraktitda qo‘llaniladi. Ginekologik amaliyotda – qin shilliq qavatining kandidozi, mikroblar sababli jinsiy a’zolar yallig‘lanish kasalliklari, tug‘ruq yo‘llarini tug‘ruqdan oldin sanitariya qilish, tug‘ruqdan keyingi endometritni davolash uchun. Tibbiy xodimlarning qo‘l terisini va rezina qo‘lqoplarni bemorlarni ko‘rikdan o‘tkazish va tibbiy manipulyatsiyalar hamda kichik jarrohlik aralashuvlari vaqtida gigiyenik dezinfeksiya qilish, tibbiy asbob-uskunalar va metall, rezina, polimer materiallar va shishadan tayyorlangan diagnostik uskunalarni sterilizatsiyadan oldin dezinfeksiya qilish uchun.

Preparat tarkibiy qismlariga individual yuqori sezuvchanlik.

Terining yiringli va zamburug‘li shikastlanishlarida, yiringli yaralarda eritma yuvish, kompresslar ko‘rinishida qo‘llaniladi. Proktit va yarali kolitni davolash uchun iliq eritma 50-100 ml hajmda 2 marta kuniga klizma tarzida to‘liq o‘tkir yallig‘lanish belgilari yo‘qolguncha yuboriladi. Surunkali paraproktitda, fistulalarda, Dekasan® bilan har kuni 3-4 kun davomida yuviladi. Kattalarda pufakni yuvish uchun dekametoksin eritmasi oldindan 17 marta tozalangan suv bilan suyultirilgandan so‘ng 500-600 ml dozada (davolash kursi uchun 7-20 marta yuvish) qo‘llaniladi. Og‘iz bo‘shlig‘i shilliq qavatining shikastlanishlari 25-50 ml eritma bilan 10-15 daqiqa davomida aplikatsiya yoki chayish (100-150 ml) orqali davolanadi. Parodontozning I-II darajali distrofiya-yallig‘lanish shakli zo‘rayish bosqichida patologik cho‘ntaklarni iliq eritma bilan irrigatsiya qilish (50-70 ml) yoki milkka aplikatsiya qilish orqali yallig‘lanish belgilari so‘nmaguncha davolanadi. Og‘iz bo‘shlig‘i shilliq qavati kandidozi, yarali-nekrotik gingivitli bemorlarga og‘iz bo‘shlig‘ini chayish (100-150 ml) 4 marta kuniga 5-10 kun davomida buyuriladi. Bodomsimon bezlar kandidozi, surunkali tonzillitni davolash bodomsimon bezlar lakunalarini yuvish (har bir yuvish uchun 50-75 ml) orqali amalga oshiriladi. Stafilokokk, difteriya tayoqchasi tashuvchilarini sanitariya qilish eritma bilan tomoqni chayish, lakunalarni yuvish, burun-halqum va bodomsimon bezlarni purkash orqali amalga oshiriladi. Lakunalar 3-5 marta kun ora yuviladi. O‘pka abstsessi, bronxoektatik kasallik, o‘pkaning kistoz gipoplaziyasi, yiringlanish bilan asoratlangan, surunkali bronxit zo‘rayish bosqichida Dekasan® endobronxial tarzda - mikrotraxeostoma orqali 25-50 ml 1-2 marta kuniga; transnazal kateter orqali 5-10 ml 1 marta kuniga; - ultratovushli inhalyatsiya usuli bilan 5-10 ml 1-2 marta kuniga; - traxeobronxial daraxtni yuvish yordamida 100 ml hajmda yuboriladi. Davolash davomiyligi - 2-4 hafta. Vaginal shilliq qavatining mikrob va zamburug‘li trixomonadli shikastlanishlarini davolash uchun Dekasan® 38 0S gacha isitilgan preparat bilan (50-100 ml) kuniga 3 marta yuvish tarzida qo‘llaniladi. Xuddi shu tarzda tug‘ruq yo‘llarini tug‘ruqdan oldin bir marta sanitariya qilish amalga oshiriladi. Tug‘ruqdan keyingi endometritni davolash bachadon bo‘shlig‘ini iliq preparat bilan (150-200 ml) 2 marta kuniga yuvish orqali amalga oshiriladi. Qo‘l terisi va rezina qo‘lqoplarni dezinfeksiya qilish uchun 5-10 ml preparat oldindan yuvilgan yuzaga surtib, dezinfeksiya qilinadigan butun yuzaga bir tekis taqsimlanadi, 5 daqiqa davomida qoldiriladi. Tozalangan tibbiy asboblar, zagubniklar, trubkalar va jihozlar eritmaga 30 daqiqa davomida botirish orqali dezinfeksiya qilinadi.

Ayrim hollarda individual yuqori sezuvchanlik mumkin. Bunday shaxslarda preparat qo‘llangandan so‘ng terida toshma, kuydiruvchi hissi, qurish, qichishish va boshqa mahalliy allergik reaksiyalar, endobronxial yuborilganda ko‘krak orqasida issiqlik hissi paydo bo‘lishi mumkin, bu protsedura tugaganidan 20-30 daqiqa o‘tib o‘z-o‘zidan o‘tib ketadi.

Dekasan® antimikrob, zamburug‘larga qarshi ta’sir ko‘rsatadi va mikrob hujayrasining sitoplazmatik membranasida (SPM) to‘planadi hamda membrana lipidlarining fosfatid guruhlari bilan birikadi, mikroorganizmlarning SPM o‘tkazuvchanligini buzadi. Dekametoksin stafilokokklar, streptokokklar, difteriya va sinyegnoy tayoqchasi, kapsulali bakteriyalar va droj, drojga o‘xshash zamburug‘lar, epidermofitiya, trixofitiya, mikrosporiya, eritrazma qo‘zg‘atuvchilari, ayrim mog‘or zamburug‘lari (aspergillus, penitsillinlar)ga nisbatan fungitsid ta’sir, trixomonadalar, lyambliyalar uchun protistotsid ta’sir, viruslarga nisbatan virusotsid ta’sir ko‘rsatadi. Antibiotiklarga chidamli mikroorganizmlarga nisbatan yuqori faollikka ega. Dekametoksinga chidamli shakllar uzoq muddat qo‘llanganda sekin rivojlanadi va preparatning samarali konsentratsiyalaridan oshmaydi. Bakteriostatik (fungistatik) konsentratsiyalari uning bakteritsid (fungitsid), virusotsid, protistotsid konsentratsiyalari bilan o‘xshashdir. Preparat bilan davolash jarayonida antibiotiklarga chidamli mikroorganizmlarning antibiotiklarga sezuvchanligi oshadi. Preparat deyarli shilliq qavatlar, butun teri va yara yuzasi orqali so‘rilmaydi.

Dekametoksin Dekasan® tarkibida qo'llaniladigan konsentratsiyada toksik ta'sir ko'rsatmaydi. Dekasan® ni uzoq muddat qo'llash hech qanday toksik reaksiyalarni keltirib chiqarmaydi. Preparatni qo'llashdan oldin 38°S gacha isitish ta'sir samaradorligini oshiradi. Yallig'lanish hodisalari va teri tirnash xususiyati bo'lsa, preparat distillangan suvda 1:1 yoki 1:2 nisbatda suyultiriladi. Homiladorlik yoki emizish davrida qo'llash. Homiladorlik yoki emizish davrida qo'llash bo'yicha ogohlantirishlar mavjud emas. Bolalar. Bolalarda qo'llash tajribasi mavjud emas. Avtotransport boshqarish yoki boshqa mexanizmlar bilan ishlashda reaksiya tezligiga ta'sir qilish qobiliyati. Avtotransport boshqarish yoki boshqa mexanizmlar bilan ishlashda reaksiya tezligiga ta'sir qilish bo'yicha ogohlantirishlar mavjud emas. Preparatni yaroqlilik muddati tugaganidan keyin qo'llash mumkin emas va bolalar uchun yetib bo'lmaydigan joyda saqlash lozim.

 

Farmatsevtik: dekametoksin kationli yuza-aktiv modda bo‘lib, u sovun va boshqa anion birikmalari bilan mos kelmaydi.

Farmakodinamik: dekametoksin antibiotiklarga chidamli mikroorganizmlarning antibiotiklarga sezuvchanligini oshiradi.