Dekvaliniya xlorid/dibukaina gidroxlorid - 0,25/0,03 mg 1 tabletada,

dekvaliniya xlorid/lidokaina gidroxlorid 1,25/1,0 mg 1 ml spreyi tarkibida.

Og'iz bo'shlig'i va halqumning infeksion-yallig'lanish kasalliklarining simptomatik mahalliy davolash, masalan, angina, faringit, tonzillit, stomatit, aftoz, glossit, gingivit, parazitar zamburug'lar (mikoz) keltirib chiqaradigan kasalliklar, operatsiyadan oldin va keyingi bemorga parvarish.

Preparatning har qanday komponentiga yuqori sezuvchanlik, amiddan tashkil topgan anesteziklarga (lidokaina gidroxlorid) ma'lum allergiya bo'lsa, to'rtlamchi ammoniy birikmalariga (benzalkoniya xlorid) allergiya bo'lsa; og'iz shilliq qavatining og'ir shikastlanishlari.

Tabletkalar og'iz bo'shlig'ida so'rilishi uchun mo'ljallangan.

Tabletkalarni asta-sekin, chaynalmay so'rish kerak. Davolash kursining davomiyligini shifokor individual ravishda belgilaydi.

Kattalar va 12 yoshdan katta bolalar uchun har 2 soatda 1 tadan tabletka buyuriladi, yallig'lanish simptomlari kamaygandan so'ng – har 4 soatda 1 tadan tabletka.

4 yoshdan katta bolalar uchun – har 3 soatda 1 tadan tabletka, yallig'lanish simptomlari kamaygandan so'ng – har 4 soatda 1 tadan tabletka.

 

Sprey og'iz bo'shlig'i va tomoqda purkash uchun mo'ljallangan.

Purkaluvchi aplikator uchini og'iz bo'shlig'iga kiritib, bosish kerak. Flakonni tik tutish lozim. Preparatning tavsiya etilgan sutkalik doza – 3-6 marta qo'llash, har safar 2 martadan purkash (bir purkash 0,1 ml preparatga to'g'ri keladi). Maksimal sutkalik doza 12 purkashni tashkil etadi.

Agar 3-4 kunlik davolash davomida yaxshilanish bo'lmasa, shifokorga murojaat qilish zarur.

Juda kam hollarda – toshma va qichishish bilan kechuvchi allergik reaksiyalar. Lidokaina gidroxlorid: juda kam hollarda – haddan tashqari dozalash yoki og'iz shilliq qavati shikastlanishi natijasida toksik reaksiyalar, gipersensitivlik reaksiyalari.

Dekvaliniya xlorid og'iz bo'shlig'i va tomoqning aralash infeksiyalarini keltirib chiqaruvchi mikroorganizmlarga bakteritsid va fungistatik ta'sir ko'rsatadi. U keng ta'sir doirasiga ega bo'lib, ko'pchilik gram-musbat va gram-manfiy bakteriyalarni, shuningdek, zamburug'lar, spiroxetalar va boshqa mikroorganizmlarni, laringofaringeal infeksiya qo'zg'atuvchilarini o'z ichiga oladi. Juda oz miqdorda so'riladi.

Dibukaina gidroxlorid og'iz bo'shlig'i va tomoqning yallig'lanish jarayonlari bilan kechadigan og'riq simptomini bartaraf etadi.

Lidokaina gidroxlorid amiddan tashkil topgan anestezik bo'lib, mahalliy qo'llanganda sezuvchanlik, shu jumladan og'riq sezuvchanligini kamaytiradi. Mahalliy qo'llangandan so'ng shilliq qavat orqali so'riladi. Anesteziya effekti taxminan 5 daqiqadan so'ng kuzatiladi. Lidokain jigarda transformatsiyalanadi. Asosiy metabolitlar, monoetilglicinksilidin (faol metabolit) va glicinksilidin, siydik bilan chiqariladi. Lidokainning 10% dan kamrog'i o'zgarmagan holda chiqariladi.

Preparat kariyes rivojlanishiga olib kelmaydi.

Dori tarkibida shakar bo'lmaganligi sababli, u qandli diabet bilan kasallangan bemorlarda qo'llash uchun yaroqlidir. Dori tarkibida sorbitol mavjud, shuning uchun uni fruktozani o'zlashtira olmaslik sindromi kabi kam uchraydigan irsiy kasalliklari bo'lgan bemorlarda qo'llash tavsiya etilmaydi.

Dorining homiladorlik davrida qo'llanilishi bo'yicha nazoratli tadqiqotlar o'tkazilmagan. Bunday holatlarda Debara va Debara-VM preparatini homiladorlik davrida shifokor bilan maslahatlashgan holda, davolash samarasi homila uchun mumkin bo'lgan xavfdan ustun bo'lsa, qo'llash mumkin. Faol moddalarning ko'krak suti orqali o'tishi bo'yicha klinik tadqiqotlar o'tkazilmagan. Preparatni laktatsiya davrida qo'llash tavsiya etilmaydi.

Debara preparati 4 yoshgacha bo'lgan bolalarga buyurilmaydi.

Debara-VM preparati 12 yoshgacha bo'lgan bolalarga buyurilmaydi.

Avtotransport vositalarini boshqarish va psixomotor reaksiyalar tezligini talab qiluvchi mexanizmlarni boshqarish qobiliyatiga ta'siri bo'yicha tadqiqotlar o'tkazilmagan. Biroq, preparat ushbu funksiyalarga salbiy ta'sir ko'rsatishi ehtimoli juda past.