Faol modda: vismut trikaliya ditsitrat 304,6 mg; Yordamchi modda: makkajo'xori kraxmali - 70,6 mg, povidon K30 - 17,7 mg, kaliy poliakrilat - 23,6 mg, makrogol 6000 - 6 mg, magniy stearat - 2 mg

surunkali gastrit va gastroduodenit zo‘rayish bosqichida, shu jumladan Helicobacter pylori bilan bog‘liq; me’da va o‘n ikki barmoqli ichak yarasi zo‘rayish bosqichida, shu jumladan Helicobacter pylori bilan bog‘liq; asosan diareya simptomlari bilan kechuvchi ichakning irritatsion sindromi; me’da-ichak tizimining organik kasalliklari bilan bog‘liq bo‘lmagan funksional dispepsiya.

Gipersensitivlik; buyrak funksiyasining yaqqol buzilishi.

Og‘iz orqali, oz miqdorda suv bilan ichiladi. Kattalar va 12 yoshdan katta bolalarga — ovqatdan 30 daqiqa oldin va kechasi 1 tadan 4 mahal yoki ovqatdan 30 daqiqa oldin 2 tadan 2 mahal. 8 yoshdan 12 yoshgacha bo‘lgan bolalarga — ovqatdan 30 daqiqa oldin 1 tadan 2 mahal. 4 yoshdan 8 yoshgacha bo‘lgan bolalarga — 8 mg/kg/sutka dozada; sutkalik doza 2 marta qabul qilishga bo‘linadi. Ovqatdan 30 daqiqa oldin qabul qilinadi. Davolash kursining davomiyligi — 4–8 hafta. Keyingi 8 hafta davomida vismut saqlovchi preparatlarni qo‘llash mumkin emas. Helicobacter pylori ni eradikatsiya qilish uchun De-Nol® ni antihelikobakter faollikka ega boshqa antibakterial vositalar bilan birga qo‘llash maqsadga muvofiq.

Ovqat hazm qilish tizimi tomonidan: ko'ngil aynishi, qusish, ich ketishining ko'payishi, qabziyat paydo bo'lishi mumkin. Bu holatlar sog'liq uchun xavfli emas va vaqtinchalikdir. Allergik reaksiyalar: teri toshmasi, teri qichishishi.

Yaraga qarshi preparat, Helicobacter pylori ga nisbatan bakterisid faollikka ega. Shuningdek, yallig‘lanishga qarshi va bog‘lovchi ta’sirga ega. Me’da kislotali muhitida erimaydigan vismut oksixlorid va sitrat cho‘kadi, shuningdek, oqsilli substrat bilan xelat birikmalari hosil bo‘lib, yaralar va eroziya yuzasida himoya plyonkasi shakllanadi. Prostaglandin E sintezini, shilliq va gidrokarbonat sekretsiyasini oshirib, tsitoprotektor mexanizmlarining faolligini rag‘batlantiradi, me’da-ichak shilliq qavatining pepsin, xlorid kislota, fermentlar va o‘t kislotalari tuzlariga nisbatan chidamliligini oshiradi. Defekt sohasida epidermal o‘sish omilining to‘planishiga olib keladi. Pepsin va pepsinogen faolligini pasaytiradi.

Preparatni 8 haftadan ortiq qo‘llash tavsiya etilmaydi. Shuningdek, davolash davomida kattalar va bolalar uchun belgilangan sutkalik dozalardan oshirish tavsiya etilmaydi. De-Nol® bilan davolash davrida boshqa vismut saqlovchi preparatlarni qo‘llash mumkin emas. Preparat bilan tavsiya etilgan dozada kursli davolash tugagandan so‘ng, faol moddaning plazmadagi konsentratsiyasi 3–58 mkg/l dan oshmaydi, intoksikatsiya esa faqat 100 mkg/l dan yuqori konsentratsiyada kuzatiladi. De-Nol® qo‘llanganda vismut sulfid hosil bo‘lishi natijasida najasning to‘q rangga bo‘yalishi mumkin. Ba’zan tilning biroz qorayishi kuzatiladi.

Belgilari (tavsiya etilgan dozadan ortiq uzoq muddat qabul qilinganda): buyrak funksiyasining buzilishi. Bu belgilar De-Nol® bekor qilinganda to‘liq qaytadi. Davolash: me’dani yuvish, faollashtirilgan ko‘mir va tuzli ich ketkazuvchi vositalarni buyurish. Keyingi davolash simptomatik bo‘lishi kerak. Agar buyrak funksiyasi buzilishi va plazmada vismut darajasi yuqori bo‘lsa, kompleks hosil qiluvchilar — dimerkaptoyantar va dimerkaptopropansulfon kislotalarini qo‘llash. Buyrak funksiyasi jiddiy buzilganda gemodializ ko‘rsatiladi.