Tabletkani butun holda (chaynalmay) yutish va suv bilan ichish kerak. Maqsadga muvofiq asosiy ovqatlanish vaqtida qabul qilish tavsiya etiladi. Kattalarda D vitamini yetishmovchiligini davolash uchun 50 000 ME/hafta (1 tabletka) 6-8 hafta davomida, so‘ngra qo‘llab-quvvatlovchi davolash (ekvivalentda 1400-2000 ME/kun), ya'ni 1 tabletka 50 000 ME/oy. Qo‘llab-quvvatlovchi terapiya 25-(OH) D konsentratsiyasini nazorat qilish ostida keyingi 3-4 oy davomida maqsadli darajaga erishilganini tasdiqlash uchun olib boriladi. D vitamini yetishmovchiligi xavfi yuqori bo‘lgan ayrim bemor guruhlari yuqoriroq dozalarga muhtoj bo‘lishi mumkin, bunda 25-(OH) D konsentratsiyasini nazorat qilish zarur
institutsionalizatsiyalangan yoki gospitalizatsiyalangan shaxslar
qoramtir terililar
himoya kiyimi yoki doimiy quyoshdan himoyalovchi krem ishlatish tufayli yetarli quyosh nuri olmaydigan shaxslar
semizlikdan aziyat chekayotgan shaxslar
osteoporoz tashxisi qo‘yilgan shaxslar
hamroh dori vositalarini (masalan, antikonvulsantlar, glyukokortikoidlar) qabul qilayotgan shaxslar
malabsorbsiya, shu jumladan, ichakning yallig‘lanish kasalliklari va glyuten enteropatiyasi bilan og‘rigan shaxslar
D vitamini yetishmovchiligini davolashdan o‘tgan va qo‘llab-quvvatlovchi terapiyaga muhtoj shaxslar
Bolalar
Preparat bolalar va 18 yoshgacha bo‘lgan o‘smirlar uchun mo‘ljallanmagan. 

 Farmakokinetika Farmakokinetikasi vitamin D yaxshi o‘rganilgan.
Vitamin D yaxshi so‘riladi (ingichka ichakda) me’da-ichak traktidan o‘t ishtirokida (60-90%, gipovitaminozda - deyarli to‘liq). U jigarda gidroksillanadi va 25-gidroksikolekalsiferol hosil qiladi, so‘ngra buyraklarda yana gidroksillanib, faol metabolit 1,25-gidroksikolekalsiferol (kaltsitriol) hosil bo‘ladi. Ushbu metabolitlar qonda, plazmada va limfa tizimida maxsus alfa-globulin bilan bog‘langan holda aylanadi. Xilomikronlar va lipoproteinlar ko‘rinishida aylanadi.
Ko‘p miqdorda suyaklarda, kamroq miqdorda jigarda, mushaklarda, qonda, ingichka ichakda to‘planadi, ayniqsa yog‘ to‘qimasida uzoq saqlanadi. Kam miqdorda ona sutiga o‘tadi.
Vitamin D va uning metabolitlari organizmdan asosan o‘t va najas bilan, kam miqdorda buyraklar orqali chiqariladi. Kumulatsiyalanadi.
Qonda Ca2+ oshishi preparat qabul qilingandan so‘ng 12-24 soat ichida boshlanadi, terapevtik ta’siri 10-14 kun ichida kuzatiladi va 6 oygacha davom etadi.
Ba’zi bemor guruhlarida preparatning farmakokinetik xususiyatlari.
Buyrak funksiyasi buzilgan bemorlarda metabolik tozalanish tezligi sog‘lom ko‘ngillilarga nisbatan 57% ga kamaygan.
Malabsorbsiya sindromi bo‘lgan ko‘ngillilarda vitamin D so‘rilishi kamaygan va chiqarilishi tezlashgan.
Semizlikdan aziyat chekayotgan ko‘ngillilar quyoshda bo‘lishda organizmda vitamin D darajasini kamroq ushlab tura oladi, shu sababli yuqoriroq dozalarda buyurish talab etiladi. 

 Ion almashuvchi smolalar, masalan, xolestriamin, kolestipol gidroxlorid, orlistat yoki laksatif vositalar, masalan, parafin moyi bilan bir vaqtda qabul qilish vitamin D ning me’da-ichakdan so‘rilishini kamaytirishi mumkin. Kalsiyning so‘rilishi natriy sulfatning og‘iz orqali qo‘llanilishi yoki magniy sulfatning parenteral qo‘llanilishi bilan kamayishi mumkin.
Glyukokortikoidlarni bir vaqtda qo‘llash vitamin D ning ta’sirini kamaytirishi mumkin.
Antikonvulsant preparatlar (masalan, fenitoin), gidantoin, primidon yoki barbituratlar (va, ehtimol, jigar fermentlarini induktsiyalovchi boshqa vositalar) bilan bir vaqtda qo‘llash vitamin D ning metabolik inaktivatsiyasi hisobiga ta’sirini kamaytirishi mumkin.
Digitalis saqlovchi preparatlar yoki boshqa yurak glikozidlari bilan davolash holatlarida vitamin D ni bir vaqtda qo‘llash yurak glikozidlarining toksikligi (aritmiyalar) xavfini oshirishi mumkin. Qattiq shifokor nazorati, shuningdek, kerak bo‘lsa, qonda kalsiy kontsentratsiyasi va EKG monitoringi zarur.
Sitotoksik agent aktinomitsin va imidazol zamburug‘larga qarshi vositalar vitamin D bilan o‘zaro ta’sirda bo‘lib, buyrak fermenti 25-gidroksivitamin D-1-gidroksilaza ta’sirida 25-gidroksivitamin D ning 1,25-digidroksivitamin D ga aylanishini inhibitsiya qiladi.
Tiazidli diuretiklar siydik bilan kalsiy chiqarilishini kamaytiradi. Ko‘p miqdorda vitamin D ni diuretiklar bilan birga qabul qilish organizmda kalsiy ortiqchaligiga olib kelishi mumkin. Tiazidli diuretiklar bilan bir vaqtda davolash holatlarida, ular siydik bilan kalsiy chiqarilishini kamaytirganligi sababli, qonda kalsiy kontsentratsiyasini monitoring qilish tavsiya etiladi.
D gipervitaminozida giperkalsemiyani kamaytirish uchun fosfat eritmalarini qo‘llash metastatik kalsinoz xavfi tufayli tavsiya etilmaydi. 

 Giperkaltsiyemiyani oldini olish uchun davolash shifokor nazorati ostida o'tkazilishi kerak. Vitamin D dozasini tanlashda uning boshqa manbalardan (ovqat mahsulotlari, BAD va quyosh nurlanishidan) qabul qilinish miqdorini hisobga olish zarur. Dozalash individual tarzda tanlanadi.
Yetarli suyuqlik qabul qilinishini ta'minlash zarur.
Farmakologik dozadagi vitamin D qabul qilayotgan barcha bemorlarda har bir qusish holatida plazmadagi kaltsiy kontsentratsiyasini muntazam tekshirish kerak.
Vitamin D buyrak funksiyasi buzilgan va buyrak toshlari bo'lgan bemorlarga ehtiyotkorlik bilan qo'llanilishi kerak. Vitamin D va buyrak toshlari o'rtasidagi bog'liqlik bo'yicha yetarli dalillar yo'q, biroq xavf mavjud, ayniqsa kaltsiy bilan birga qo'llanganda. Kaltsiy qo'shimchalari shifokor nazorati ostida qo'llanilishi va kaltsiy hamda fosfat darajalari nazorat qilinishi kerak. Yumshoq to'qimalarda kalsinoz xavfi ham hisobga olinishi lozim.
Yurak kasalliklari yoki arterioskleroz bilan yuqori giperkaltsiyemiya xavfi bo'lgan bemorlarga, shuningdek yurak-qon tomir kasalliklari terapiyasini olayotgan shaxslarga ehtiyotkorlik bilan qo'llash kerak.  D - Vit Lamira transport vositalarini boshqarish va mexanizmlar bilan ishlash qobiliyatiga ta'sir qilmaydi.