-
Tarkibi
Faol modda: glaucin gidrobromid;
1 qoplangan tabletkada glaucin gidrobromid 10 mg yoki 40 mg mavjud;
Yordamchi moddalari: bug‘doy kraxmali, saxaroza, jelatin, mikrokristallik tsellyuloza, talk, stearin kislotasi;
Qoplama: Jelatin, titan dioksid (E 171), saxaroza, akatsiya, talk, makrogol 6000, glitserin, 10 mg uchun: Opalyuks pushti AS-24825 (saxaroza, tozalangan suv, titan dioksid (E 171), karmin (E 120), povidon (E 1201), ponso 4R (E 124), natriy benzoat (E 211), indigokarmin (E 132)) yoki 40 mg uchun: Opalyuks to‘q sariq AS-23060 (saxaroza, tozalangan suv, titan dioksid (E 171), sariq zakat FCF (E 110), talk, temir oksid sariq (E 172), povidon (E 1201), natriy benzoat (E 211), indigokarmin (E 132)).
-
Qo'llanilishi
Yuqumli-yallig‘lanish kasalliklari, jumladan o‘tkir va surunkali bronxit, grippda yuqori nafas yo‘llarining turli etiologiyali quruq yo‘talini simptomatik davolash.
-
Qo'llash mumkin bo'lmagan holatlar
Dorining faol yoki yordamchi moddalardan biror biriga yuqori sezuvchanlik; arterial gipotenziya; o‘tkir miokard infarkti. Bronxolitin® Tab homilador va emizikli ayollarga foyda/risk nisbatini baholagan holda ehtiyotkorlik bilan qo‘llanilishi lozim.
-
Qo'llash usuli
Bronxolitin® Tab og'iz orqali qabul qilinadi, preparatni ovqatdan keyin qabul qilish tavsiya etiladi.
Kattalar.
Kattalar uchun bir martalik doza 40 mg ni tashkil etadi, kuniga 2-3 marta qabul qilinadi. Og'irroq holatlarda bir martalik doza 80 mg gacha oshirilishi mumkin. Maksimal sutkalik doza 200 mg dan oshmasligi kerak.
4 yoshdan boshlab bolalar.
4 yoshdan boshlab bolalar uchun bir martalik doza 10 mg ni tashkil etadi, kuniga 2-3 marta qabul qilinadi.
Maksimal sutkalik doza 40 mg dan oshmasligi kerak.
Jigar va buyrak funksiyasi buzilgan bemorlar.
Buyrak va jigar kasalliklari bo'lgan bemorlar uchun preparat dozasini kamaytirish yoki qabul qilishlar orasidagi intervalni oshirish zarur.
Bronxolitin® Tab bilan davolash davomiyligi 5 kundan oshmasligi kerak.
Dori vositasini uzoqroq muddat davomida va yuqoriroq dozalarda qo'llash faqat shifokor ko'rsatmasi va doimiy nazorati ostida mumkin.
Bolalar.
Dori vositasini 4 yoshgacha bo'lgan bolalarni davolash uchun qo'llash mumkin emas.
-
Nojo´ya ta´sirlar
Preparat yaxshi o‘zlashtirilishi bilan xarakterlanadi. Kamdan-kam hollarda, 80 mg dan yuqori bo‘lgan yuqori bir martalik doza qo‘llanganda, bosh aylanishi, bosh og‘rig‘i, uyquchanlik, holsizlik va tez charchash, ko‘ngil aynishi va qusish, arterial bosimning pasayishi yuzaga kelishi mumkin. Allergik reaksiyalar, shu jumladan qichishish, terida toshmalar paydo bo‘lishi mumkin.
Agar har qanday nojo‘ya ta’sirlar jiddiy bo‘lsa, preparatni qabul qilishni to‘xtatish va bu haqda shifokorga xabar berish zarur.
Agar ushbu yo‘riqnomada ko‘rsatilmagan nojo‘ya ta’sirlar yuzaga kelsa, bu haqda darhol shifokorga xabar berish zarur.
-
Farmakologik xususiyatlari
Bronxolitin® Tab – markaziy ta’sirga ega yo‘talga qarshi dori vositasi. Tarkibida Glaucium flavum (sariq mak) o‘simligidan olingan glaucin alkaloidi mavjud bo‘lib, u yo‘tal markazini susaytiradi. Kodeindan farqli o‘laroq, glaucin nafas olish markaziga ta’sir qilmaydi va dori qaramligini keltirib chiqarmaydi. U ichak motorikasiga ta’sir qilmaydi, kuchsiz spazmolitik faollikka ega, simpatolitik ta’sir ko‘rsatadi va arterial bosimni pasaytirishi mumkin. Yallig‘lanishga qarshi ta’sirga ega.
Farmakokinetika
Og‘iz orqali qabul qilinganda preparat me’da-ichak yo‘llaridan tez so‘riladi. Qon plazmasida maksimal darajaga erishish vaqti – qabul qilingandan taxminan 1,5 soat o‘tib. Jigarda metabolizatsiyalanadi va asosan siydik bilan chiqariladi.
-
Maxsus ko'rsatmalar
Bronxolitin® Tab ni balg‘am ajralishi bilan kechuvchi produktiv yo‘talda qo‘llash tavsiya etilmaydi, chunki bronxial sekretsiyaning ushlanishi natijasida bronxlar obstruksiyasi xavfi mavjud. Labil arterial bosimda shifokor maslahati zarur. Bronxolitin® Tab ni glaucinning simpatolitik ta’siri natijasida kollaps xavfi tufayli ehtiyotkorlik bilan qo‘llash lozim. Preparat yordamchi modda sifatida bug‘doy kraxmalini o‘z ichiga oladi, u oz miqdorda bo‘lsa-da, glyuten saqlashi mumkin, shuning uchun tseliakiyali bemorlar uchun xavfsiz hisoblanadi. Bug‘doyga allergiyasi bo‘lgan (tseliakiyadan farqli) bemorlarga ushbu dori vositasini qo‘llash tavsiya etilmaydi. Preparat qobig‘ining tarkibida yordamchi modda sifatida saxaroza mavjud. Fruktozani irsiy o‘zlashtira olmaslik, glyukoza-galaktoza malabsorbsiyasi yoki saxaraza-izomaltaza yetishmovchiligi bo‘lgan bemorlarga Bronxolitin® Tab ni qo‘llash mumkin emas. E 110 yoki E 124 bo‘yoqchisi allergik reaksiyalar chaqirishi mumkin. Agar davolanish vaqtida bosh aylanishi, bosh og‘rig‘i, uyquchanlik, holsizlik va tez charchash kuzatilsa, transport vositalarini boshqarish va mexanizmlar bilan ishlashdan saqlanish lozim.
-
Dorilarning o'zaro ta'siri
Bronxolitin Tabl bilan ma'lum nojo'ya dori-darmon o'zaro ta'siri haqida ma'lumotlar yo'q. Uni antibiotiklar, kimyoterapevtik vositalar va boshqa dori vositalari bilan birga qo'llash mumkin.
Bronxolitin Tabl ni yo'talni bostiruvchi dori vositalari bilan bir vaqtda qo'llash tavsiya etilmaydi, markaziy (kodein, kodterpin) va periferik ta'sir mexanizmi (eksangit, libeksin) ga ega bo'lganlar bilan. Bronxial sekretsiyani kamaytiradigan preparatlar (masalan, atropin hosilalari) bilan kombinatsiyasi asoslanmagan.
Bronxolitin Tabl ni bronxodilatatorlar, yurak-qon tomir preparatlari bilan bir vaqtda qo'llash mumkin.
Faol modda efedrin, limon kislotasi, rayhon yog'i bilan birga yo'talni yengillashtirish uchun sirop shaklidagi kombinatsiyalangan preparatlarda samarali kombinatsiyalanadi.
-
Dozani oshirib yuborilishi
Simpomlari: bosh aylanishi, bosh og'rig'i, uyquchanlik, holsizlik va tez charchash, ko'ngil aynishi, qusish, arterial bosimning pasayishi.
Davolash: preparatni organizmdan tez chiqarib yuborish uchun umumiy qabul qilingan choralarni ko'rish (oshqozonni yuvish, faollashtirilgan ko'mir qabul qilish, suv-tuz eritmalarini infuziya qilish), shuningdek, simptomatik davolash o'tkazish.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
