1 tabletkada: Faol modda: bromgeksin gidroxlorid - 8 mg Yordamchi modda: laktoza (sut shakari), kartoshka kraxmal, kalsiy stearat monogidrat (kalsiy stearat 1-suvli), povidon (polivinilpirrolidon).

Nafas yo'llari kasalliklari, quyuq balg'amning chiqishi qiyinlashgan holatlar: traxeobronxit, turli etiologiyadagi bronxitlar (shu jumladan bronxoektaz bilan asoratlangan), bronxial astma, o'pka sil kasalligi, pnevmoniya, mukovissidoz. Bronxial daraxtni operatsiyadan oldin va davolovchi hamda diagnostik intrabronxial manipulyatsiyalar o'tkazishda sanitatsiya qilish, operatsiyadan keyin bronxlarda quyuq balg'am to'planishini oldini olish.

Og'iz orqali, kattalar va 14 yoshdan katta bolalarga - 8-16 mg 3-4 marta sutkada. Zarurat tug'ilganda dozani kattalar uchun 16 mg 4 marta sutkada oshirish mumkin. 6-14 yoshdagi bolalarga - 8 mg 3 marta sutkada. Terapetik: ta'siri davolashning 4-6 kunida namoyon bo'lishi mumkin. Buyrak yetishmovchiligi bo'lgan bemorlarga kichikroq dozalarda yoki qabul qilishlar orasidagi intervalni oshirib buyuriladi.

Allergik reaksiyalar (terida toshma, rinit), dispepsiya, shu jumladan ko'ngil aynishi, qusish, me'da va 12 barmoqli ichak yarasi kuchayishi, bosh aylanishi, bosh og'rig'i, jigar transaminazalari faolligining oshishi. Agar ko'rsatilgan nojo'ya ta'sirlar kuchaysa yoki Sizda yo'riqnomada ko'rsatilmagan boshqa nojo'ya ta'sirlar paydo bo'lsa, bu haqda shifokorga xabar bering.

Siptomlar: dispeptik buzilishlar, shu jumladan ko'ngil aynishi, qusish, diareya. Davolash: sun'iy qusish chaqirish, oshqozonni yuvish (qabul qilingandan keyin dastlabki 1-2 soat ichida).

Mukolitik (sekretolitik) vosita, balg'am ko'chirish va yengil yo'talga qarshi ta'sir ko'rsatadi. Balg'amning quyuqligini kamaytiradi (mukoprotein va mukopolisaxarid tolalarni depolimerizatsiya qiladi, bronxial sekretning seroz komponentini oshiradi), siljiydigan epiteliyani faollashtiradi, balg'am hajmini oshiradi va uning chiqishini yaxshilaydi. Endogen surfaktant ishlab chiqarilishini rag'batlantiradi, bu alveolyar hujayralarning nafas olish jarayonida barqarorligini ta'minlaydi. Effekt davolash boshlanganidan 2-5 kun o'tgach namoyon bo'ladi.

Davolashda yetarli miqdorda suyuqlik qabul qilish zarur, bu bromgeksinning balg'am ko'chirish ta'sirini oshiradi. Bolalarda davolashni postural drenaj yoki ko'krak qafasiga vibratsion massaj bilan birga olib borish kerak, bu bronxlardan sekret chiqishini osonlashtiradi. Davolash davrida transport vositalarini boshqarishda va diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishda ehtiyotkorlikka rioya qilish zarur.