Har bir tabletkada faol modda bromgeksin gidroxlorid – 8 mg; yordamchi moddalardan shakar, laktosa monogidrat, kartoshka kraxmali, stearin kislotasi, mikrokristallik sellyuloza mavjud.

Balg‘am hosil bo‘lishi va transporti buzilishi bilan kechuvchi o‘tkir va surunkali bronx-o‘pka kasalliklarida sekretolitik terapiya.

Bromgeksinga va/yoki preparatning har qanday yordamchi komponentiga, shu jumladan laktaza va saxaroza, oshqozon va 12 barmoqli ichakning yara kasalligi zo‘rayish bosqichida, homiladorlik (I trimestr), laktatsiya davri; bolalar yoshi (3 yoshgacha) yuqori sezuvchanlik. Ehtiyotkorlik bilan Bromgeksinni zaiflashgan bemorlarga, shuningdek, bronxlarning mexanik torayishi (bronx sekreti chiqishining qiyinlashuvi) yoki bronx kasalliklari, sekreti ortiqcha to‘planishi bilan kechadigan bemorlarga, shuningdek, buyrak va/yoki jigar yetishmovchiligi va oshqozon qon ketishi tarixi bo‘lgan hollarda ehtiyotkorlik bilan qo‘llash kerak.

Tabletkalarni og‘iz orqali, ovqatdan keyin, ko‘p miqdorda suyuqlik bilan qabul qilish kerak. Bromgeksin navbatdagi dozasini qabul qilish vaqti o‘tkazib yuborilgan taqdirda, uni iloji boricha tezroq, lekin navbatdagi qabul qilishdan kamida 2 soat oldin qabul qilish kerak. Shundan so‘ng Bromgeksinning navbatdagi dozasini odatdagi vaqtda va odatdagi dozada qabul qilish kerak. Kattalar va 14 yoshdan katta o‘smirlarga 1-2 tabletka (8-16 mg) dan kuniga 3 marta buyuriladi. 6 yoshdan 14 yoshgacha bo‘lgan bolalar va tana vazni 50 kg dan kam bo‘lgan shaxslarga 1 tabletka (8 mg) dan kuniga 3 marta. 6 yoshgacha bo‘lgan bolalarga pastroq dozalangan dori shakllarini qabul qilish tavsiya etiladi. Terapevtik ta’sir davolashning 4-6 kunida namoyon bo‘lishi mumkin. Davolash kursi – 4 kundan 28 kungacha (ko‘rsatmalar va kasalliklar kechishiga qarab individual belgilanadi). Dori vositasini shifokor tayinlovisiz 4-5 kundan ortiq qabul qilish mumkin emas. Agar bemorning holati Bromgeksin bilan davolashning 6 kuni davomida yaxshilanmasa, shifokorga murojaat qilish kerak. Buyrak yetishmovchiligi yoki jigar funksiyasi buzilgan bemorlarga kichikroq doza buyuriladi yoki qabul qilish oralig‘i oshiriladi.

Immun buzilishlari, teri va teri osti yog‘ qavati zararlanishlari tez-tez emas – gipersensitivlik reaksiyalari (to‘shma, Kvinke shishi, nafas qisishi, qichishish, eshakemi); kam hollarda – bronxospazm; juda kam hollarda – anafilaktik reaksiyalar, shu jumladan anafilaktik shok. Ovqat hazm qilish buzilishlari tez-tez emas, uzoq muddat qabul qilinganda ko‘ngil aynishi, qusish, dispepsiya, me’da va o‘n ikki barmoqli ichak yara kasalligining kuchayishi; diareya bo‘lishi mumkin. Umumiy buzilishlar tez-tez emas – isitma. Juda kam hollarda teri reaksiyalari, masalan, Stivens-Djonson sindromi va toksik epidermal nekroz paydo bo‘lishi mumkin. Stivens-Djonson sindromining dastlabki bosqichlarida grippga o‘xshash noxos simptomlar, masalan, isitma, tana og‘rig‘i, burun oqishi, yo‘tal va tomoq og‘rig‘i rivojlanishi mumkin. Shuning uchun, agar ushbu simptomatika mavjud bo‘lsa va bu asosiy kasallik kechishi bilan izohlanmasa, Bromgeksin dori vositasini qo‘llashni to‘xtatish kerak. Yuqorida sanab o‘tilgan nojo‘ya reaksiyalar, shuningdek, ushbu yo‘riqnomada ko‘rsatilmagan reaksiyalar paydo bo‘lsa, bemor shifokorga murojaat qilishi kerak.

Davolash vaqtida bromgeksinning balg‘am ko‘chiruvchi ta’sirini kuchaytirish uchun yetarli miqdorda suyuqlik qabul qilish zarur. Bolalarda davolash postural drenaj yoki ko‘krak qafasining vibratsion massaji bilan birga olib borilishi kerak, bu bronxlardan sekretni chiqarishni osonlashtiradi. Oshqozon yarasi kasalligida, shuningdek, oshqozon qon ketishi tarixi bo‘lsa, bromgeksinni shifokor nazorati ostida qo‘llash kerak. Buyrak va jigar funksiyasi buzilganda Bromgeksinni ehtiyotkorlik bilan, qabul qilish dozasini kamaytirib yoki dozalar oralig‘ini oshirib qo‘llash kerak. Uzoq muddatli davolashda jigar funksiyasini nazorat qilish tavsiya etiladi. Bromgeksinni zaiflashgan bemorlarga, shuningdek, bronxlarning mexanik torayishi (bronx sekreti chiqishining qiyinlashuvi) bo‘lgan bemorlarga, shuningdek, bronx motorikasi buzilgan va ko‘p miqdorda balg‘am hosil bo‘ladigan shaxslarga, shilliq tiqin hosil bo‘lish xavfi yuqori bo‘lgani uchun ehtiyotkorlik bilan qo‘llash kerak. Har bir Bromgeksin tabletkasi laktaza va saxaroza saqlaydi. Tug‘ma galaktoza, fruktoza intoleransi, Lapp laktaza yetishmovchiligi yoki glyukoza-galaktoza malabsorbsiyasi, shuningdek, saxaraza-izomaltaza yetishmovchiligi bo‘lgan bemorlarga ushbu dori vositasini qabul qilish tavsiya etilmaydi. Homiladorlik va laktatsiya davrida qo‘llanishi. Bromgeksin platsentar to‘siqdan o‘tishi mumkin. Homilador ayollarda bromgeksin qo‘llash tajribasi cheklangan, dori vositasini homiladorlikning birinchi trimestrida qo‘llash tavsiya etilmaydi, ikkinchi-uchinchi trimestrda esa onaga foydasi va bolaga mumkin bo‘lgan xavfi sinchiklab baholangandan so‘ng qo‘llash mumkin. Bromgeksin ko‘krak suti bilan ajralib chiqishi sababli, laktatsiya davrida qo‘llash tavsiya etilmaydi. Transport vositalarini boshqarish va mexanizmlarni ishlatish qobiliyatiga ta’siri. Bromgeksinning transport vositalarini va boshqa mexanizmlarni boshqarish qobiliyatiga salbiy ta’siri haqida ma’lumot yo‘q. Preparatni yaroqlilik muddati tugagandan so‘ng qo‘llash mumkin emas va uni bolalar uchun yetib bo‘lmaydigan joyda saqlash kerak.

Dispeptik buzilishlar simptomlari, jumladan, ko‘ngil aynishi, qusish, diareya. 2 yoshdan boshlab bolalarda dozani oshirib yuborish 60-80 mg bromgeksin yoki 6 mg/kg (7-10 tabletkaga to‘g‘ri keladi) qabul qilinganda kuzatilgan, chaqaloqlarda esa 40 mg dan ortiq (5 tabletkaga to‘g‘ri keladi) yuborilganda kuzatilgan. Hushning buzilishi, ataksiya, diplopiya, metabolik atsidoz va taxipnoe rivojlanishi bilan zaharlanish holati tasvirlangan. Davolash: sun’iy qusdirish, me’da yuvish (qabul qilingandan keyin dastlabki 1-2 soat ichida), simptomatik terapiya.