Odatda preparat yaxshi o‘zlashtiriladi. Uzoq muddatli qo‘llashda giperkalsemiya rivojlanishi mumkin.

Vitamin D3 kaltsiy va fosfor almashinuvini, suyak tuzilmasi shakllanishi jarayonini tartibga soladi; ichakda kaltsiy ionlarining so‘rilishini, ingichka ichak, jigar va suyaklarda oqsil sintezini oshiradi. Osteotsitlarda DNK sintezini rag‘batlantiradi, osteoklastlar funksiyasini tormozlaydi va suyak to‘qimalarining involyutsiya jarayonlarini sekinlashtiradi. Kaltsiy suyak to‘qimasining hosil bo‘lishi, tishlarning normal mineralizatsiyasi, qon ivish tizimi faoliyati, asab va mushak tolalarida impulslar o‘tkazilish jarayonlari, yurakning uzluksiz ishlashi uchun zarur. Magniy kaltsiy almashinuvini tartibga solishda, suyaklarning o‘sishi va mineralizatsiyasida ishtirok etadi; vitamin D bilan birga suyak gomestazini qo‘llab-quvvatlaydi. Sink inson organizmidagi 80 dan ortiq fermentlarning tarkibiy qismi bo‘lib, eritrotsitlar va boshqa shaklli qon elementlari hosil bo‘lishi uchun zarur. Fotokimyoviy reaksiyalarda, ichki sekretsiya bezlari faoliyatida ishtirok etadi.

Tiazid qatoridagi diuretiklar bilan bir vaqtda qo‘llanilganda giperkalsemiya rivojlanish xavfi oshadi, chunki ular buyrak naychalari orqali kalsiyning reabsorbtsiyasini oshiradi, shuning uchun qonda kalsiy darajasini monitoring qilish kerak. Aksincha, furosemid va boshqa ilgak diuretiklari buyraklar orqali kalsiyning chiqarilishini oshiradi. Sistemali glyukokortikosteroidlar kalsiyning so‘rilishini kamaytiradi, shuning uchun kortikosteroidlar bilan davolashda preparat dozasini oshirish talab qilinishi mumkin. Xolestiramin preparatlari yoki mineral yoki o‘simlik moyi asosidagi ich ketkazuvchi vositalar bilan bir vaqtda davolashda D vitamini so‘rilishi kamayishi mumkin. Kalsiy tetratsiklin qatoridagi preparatlarning so‘rilishiga ta’sir qilishi mumkin, shuning uchun preparatni yuqorida ko‘rsatilgan preparatlarni qabul qilishdan 2 soat oldin yoki 4-6 soat o‘tgach qabul qilish kerak. Yurak glikozidlari bilan bir vaqtda davolashda EKG va bemorning klinik holatini nazorat qilish zarur, chunki kalsiy preparatlari yurak glikozidlarining terapevtik va toksik ta’sirini kuchaytirishi mumkin. Bifosfonatlar yoki natriy ftoridining so‘rilishini kamayishini oldini olish uchun ushbu preparatlarni Brikeza qabul qilishdan kamida 3 soat oldin qabul qilish tavsiya etiladi. Barbituratlar (shu jumladan fenobarbital), fenitoin va primidon ta’sirida D vitaminiga ehtiyoj sezilarli darajada oshishi mumkin (chunki ushbu preparatlar metabolizm tezligini oshiradi). Alyuminiy va magniy saqlovchi antatsidlar bilan bir vaqtda uzoq muddatli davolash ularning qon zardobidagi konsentratsiyasini va intoksikatsiya xavfini oshiradi. Brikeza fosfor saqlovchi preparatlarning so‘rilishini va gipofosfatemiya rivojlanish xavfini oshiradi. Kalsiy va D vitamini saqlovchi boshqa polivitamin komplekslari bilan bir vaqtda qo‘llash tavsiya etilmaydi.