2% li suvli eritma ko‘z kon’yunktiva xaltasini yuvish uchun kon’yunktivitlarda buyuriladi. 3% li eritma nam ekzema, dermatitlarda kompress uchun ishlatiladi. 0,5%, 1%, 2%, 3% li spirtli eritmalar o‘tkir va surunkali otitda quloq tomchisi sifatida, shuningdek, piodermiya, ekzema, toshma bo‘lgan teri sohalarini davolash uchun ishlatiladi. 10% li glitserindagi eritma kolpitlarda zararlangan teri sohalarini surtish uchun qo‘llaniladi. O‘rta quloq operatsiyasidan so‘ng ba’zan bor kislotasi kukunini insulyatsiya qilishadi. Pedikulyozni davolash uchun 5% li bor kislotasi mazi qo‘llaniladi.

Buyrak faoliyati buzilgan bemorlarga, emizikli onalarga sut bezlarini davolash uchun, 1 yoshgacha bo‘lgan bolalarga (shu jumladan yangi tug‘ilganlarga), homilador ayollarga va preparatga individual yuqori sezuvchanligi bo‘lgan shaxslarga qo‘llash mumkin emas. Maz shaklidagi preparatni soch bilan qoplangan teri sohalariga terining o‘tkir yallig‘lanish kasalliklarida surtish mumkin emas. Ko‘zga tushishidan saqlanish kerak, bor kislotasi preparatlarini keng maydonli teri sohalariga surtish mumkin emas.

Antiseptik vosita sifatida (spirtli eritmalar 0,5%, 1%, 2%, 3%) quloq tomchisi sifatida 3-5 tomchidan kuniga 2-3 marta qo‘llaniladi. Antipedikulyoz vosita sifatida 5% li bor kislotasi mazi ishlatiladi. Maz bit bosgan bosh terisiga 10-15-25 daqiqa davomida surtiladi. 20-30 daqiqadan so‘ng iliq oqayotgan suv va sovun bilan yuvib tashlanadi.

Bor kislotasidan foydalanilganda, ayniqsa dozani oshirib yuborilganda va uzoq muddat qo‘llanganda hamda buyrak faoliyati buzilganda o‘tkir va surunkali toksik reaksiyalar: ko‘ngil aynishi, qusish, diareya, teri toshmasi, epiteliyning deskvamatsiyasi, bosh og‘rig‘i, ongning chalkashishi, tutqanoq, oliguriya va kam hollarda – shok holati yuzaga kelishi mumkin.

Bor kislotasi antiseptik faollikka ega. Mahalliy qo‘llanganda (maz shaklida) antipedikulyoz ta’sir ko‘rsatadi.