1 ml preparat tarkibida faol modda moksifloksatsin (moksifloksatsin gidroxlorid shaklida) 5,0 mg, yordamchi moddalar natriy xlorid, bor kislotasi, xlorid kislotasi va/yoki natriy gidroksid, tozalangan suv mavjud. Faol modda Moxifloxacin

Sistemali xinolon qatori preparatlarini qo‘llagan bemorlarda og‘ir gipersezuvchanlik reaksiyalari (anafilaksiya) kuzatilgan, ba’zan birinchi doza qabul qilingandan so‘ng darhol. Bivoksga allergik reaksiya paydo bo‘lsa, preparatni qo‘llashni to‘xtatish kerak. Antibiotikning uzoq muddat qo‘llanilishi sezgir bo‘lmagan mikroorganizmlar, shu jumladan zamburug‘larning ortiqcha o‘sishiga olib kelishi mumkin. Superinfeksiya yuzaga kelganda preparatni bekor qilish va adekvat terapiya tayinlash zarur. Flakon va uning tarkibini ifloslanishidan saqlash uchun tomizgich uchini hech qanday sirtga tekkizmaslik kerak. Pediatriyada qo‘llanilishi Moksifloksatsin ko‘z tomchilarini 1 yoshgacha bo‘lgan bolalarda samaradorligi va xavfsizligi bo‘yicha ma’lumotlar mavjud emas. Avtotransport boshqarish va mexanizmlarni boshqarish qobiliyatiga ta’siri Preparatni qo‘llaganidan so‘ng vaqtincha ko‘rish ravshanligi yo‘qolgan bemorlar yuqori e’tibor va psixomotor reaksiyalar tezligini talab qiluvchi potentsial xavfli faoliyat turlaridan saqlanishlari kerak. Preparatni bolalar ololmaydigan joyda saqlash va yaroqlilik muddati tugaganidan so‘ng ishlatmaslik kerak. Homiladorlik va laktatsiya davrida Bivoks preparatini faqat onaga kutilayotgan foyda homila yoki bolaga bo‘lgan potentsial xavfdan ustun bo‘lsa qo‘llash mumkin.

 

Moksifloksasin - IV avlod ftorxinolon antibakterial preparati, bakteritsid ta’sirga ega. Keng doiradagi gram-musbat va gram-manfiy mikroorganizmlar, anaeroblar, kislota-barqaror va atipik bakteriyalarga nisbatan faollik ko‘rsatadi.

Ta’sir mexanizmi topoizomeraza II (DNK-giraza) va topoizomeraza IV ni inhibitsiyalash bilan bog‘liq. DNK-giraza - bakteriyalarning DNK replikatsiyasi, transkripsiyasi va reparatsiyasida ishtirok etuvchi ferment.

Topoizomeraza IV - bakterial hujayra bo‘linishi vaqtida xromosomal DNK ni ajratishda ishtirok etuvchi ferment. 

 

Kon'yunktival bo'shliqning kichik sig'imi tufayli, dori vositalarini instillyatsiya shaklida qo'llashda mahalliy dozani oshirib yuborish ehtimoli deyarli yo'q. Preparat tarkibidagi moksifloksatsinning umumiy miqdori flakon tarkibini tasodifan yutib yuborilganda gipersensitivlik rivojlanishi uchun yetarli emas.

Preparatning ko'p miqdori ko'zga tushib qolsa, ko'zni iliq suv bilan yuvish tavsiya etiladi.