Bisakodil 5 mg № 30 - Toshkentda - OXYmedda foydalanish bo'yicha ko'rsatmalar, narx, sharhlar

Xususiyatlari
Qo'llash bo'yicha yo'riqnoma
Sharhlar
Analoglar va o'rnini bosuvchilar

Bisakodil 5 mg № 30

Ishlab chiqaruvchi: БОРИСОВСКИЙ ЗМП

Yaroqlilik muddati: 2 yil

Allergiyaga chalinganlar uchun

Extiyotkorlik bilan
Bolalar uchun

6 yoshdan
Homiladorlar uchun

Extiyotkorlik bilan
Emizikli onalar uchun

Extiyotkorlik bilan

Mavjud emas

Bu mahsulot vaqtincha mavjud emas, lekin hozirda buyurtma berish mumkin bo'lgan keng analoglar diapazoni bilan tanishishingizni taklif qilamiz.

Retseptsiz beriladi

2 sharhni

Toshkent bo'ylab yetkazib berish - Buyurtma to'langan paytdan boshlab 2 soat ichida.
* Mahsulotning tashqi ko'rinishi va yo'riqnomasi veb-saytda ko'rsatilganidan farq qilishi mumkin
** Narx veb-saytda berilgan buyurtmalar uchun amal qiladi

Preparatning xususiyatlari bisakodil 5 mg № 30

Faol moddalar

Bisacodyl
Ishlab chiqaruvchi mamlakat

Belarus
Ishlab chiqaruvchi

БОРИСОВСКИЙ ЗМП
Chiqarilish shakli

Tabletkalar
Dozalash

5 mg
Yaroqlilik muddati

2 yil
Qadoqdagi soni

30 dona
Retsept asosida beriladi

Retseptsiz beriladi

Qo'llash bo'yicha yo'riqnoma

Tavsif

Ichakda eriydigan, plyonka qobiq bilan qoplangan tabletkalar. Plyonka qobiq bilan qoplangan tabletkalar yumaloq, och jigarrang rangda, pushti tusli, ikki tomonlama qavariq yuzaga ega. Ko‘ndalang kesimda ikki qatlam ko‘rinadi.
Tarkibi

Faol modda: bisakodil. Bitta tabletka 5 mg bisakodilni o‘z ichiga oladi. Dori vositasi tarkibida hisobga olinishi kerak bo‘lgan yordamchi moddalari: laktaza monogidrat, saxaroza, natriy karbonat, natriy laurilsulfat (4.4-bo‘limga qarang). Yordamchi moddalarning to‘liq ro‘yxati 6.1-bo‘limda keltirilgan.
Qo'llanilishi

Tasodifiy qabziyatlarni qisqa muddatli simptomatik davolash.
Qo'llash mumkin bo'lmagan holatlar

- bisakodil yoki 6.1-bo‘limda sanab o‘tilgan har qanday yordamchi moddalarga yuqori sezuvchanlik; - elektrolit buzilishlari bilan kechuvchi og‘ir suvsizlanish; - yo‘g‘on ichakning yallig‘lanish kasalliklari, yarali kolit, Kron kasalligi; - o‘tkir qorin sindromi, ko‘ngil aynishi va qusish bilan kechuvchi kuchli qorin og‘rig‘i; - turli kelib chiqishli ichak tutilishi; - 6 yoshgacha bo‘lgan bolalar yoshi.
Qo'llash usuli

Og‘iz orqali. Tabletkalarni chaynamasdan yutish kerak. Ichakni bo‘shatuvchi ta’sirga ertalab erishish uchun dori vositasini kechasi yotishdan oldin qabul qilish tavsiya etiladi. Tabletkalar yetarli miqdorda suyuqlik bilan yutiladi. Dori vositasini yuqori ovqat hazm qilish yo‘llarida kislotalilikni kamaytiruvchi mahsulotlar, masalan, sut, antatsidlar yoki proton nasosi ingibitorlari bilan birga qabul qilish tavsiya etilmaydi, chunki bu ichakda eriydigan qobiqning muddatidan oldin erishiga olib kelishi mumkin.
Nojo´ya ta´sirlar

Nojo'ya reaksiyalar tavsifi.

Barcha dori vositalari kabi Bisakodil preparati ham nojo'ya reaksiyalarni keltirib chiqarishi mumkin, biroq ular hamma bemorlarda ham kuzatilmaydi.

Quyida uchrash tezligiga ko'ra mumkin bo'lgan nojo'ya reaksiyalar keltirilgan:

Tez-tez (10 bemordan 1 nafardan ko'p bo'lmagan hollarda paydo bo'lishi mumkin) - qorin og'rig'i va diareya;

Kamdan-kam (100 bemordan 1 nafardan ko'p bo'lmagan hollarda paydo bo'lishi mumkin) - to'g'ri ichakdan qon ketishi, anorektal noqulaylik, anorektal sohada kuydiruvchi va og'riq; - bosh aylanishi;

Juda kam (1 000 bemordan 1 nafardan ko'p bo'lmagan hollarda paydo bo'lishi mumkin) - umumiy qichishish; degidratatsiya; anafilaktik reaksiyalar, Kvinke shishi; hushdan ketish (Bisakodil preparatini qabul qilgandan so'ng paydo bo'ladigan bosh aylanishi va hushdan ketish parasimpatik tomir reaksiyasi (masalan, qorin spazmi, defekatsiya) bilan birga yuzaga keladi); kolit.

Tez-tezligi noma'lum (mavjud ma'lumotlar asosida tez-tezligini baholab bo'lmaydi): defekatsiya vaqtida bosh aylanishi va hushdan ketish; gipokaliemiya.
Farmakologik xususiyatlari

Bisakodil preparati faol modda bisakodilni o'z ichiga oladi, kontakt ta'sirli ich suruvchi vositalar guruhiga kiradi. Bisakodil yo'g'on ichakda suv va elektrolitlar sekretsiyasini oshiradi, uning peristaltikasini tezlashtiradi va kuchaytiradi, najasni yumshatadi va uning evakuatsiyasini osonlashtiradi. Bisakodil organizmda so'rilmaydi, ingichka ichakda hazm qilishga ta'sir ko'rsatmaydi.
Dorilarning o'zaro ta'siri

Siz qabul qilayotgan, yaqinda qabul qilgan yoki qabul qilishingiz mumkin bo‘lgan boshqa dori vositalari haqida davolovchi shifokoringizga yoki dorixona xodimiga xabar bering.

Bisakodilni yurak ritmi buzilishi (aritmiya) torsades de pointes turini rivojlanishiga olib kelishi mumkin bo‘lgan dori vositalari bilan bir vaqtda qo‘llash tavsiya etilmaydi: antiaritmik preparatlar (amiodaron, bretiliy, dizopiramid, xinin, sotalol); - boshqa dori vositalari, masalan: astemizol, bepridil, eritromitsin (vena ichiga yuborish uchun), galofantrin, pentamidin, sultoprid, terfenadin, vinkamin.

Torsades de pointes turidagi yurak ritmi buzilishi rivojlanishining xavf omillari gipokaliemiya, bradikardiya va QT intervalining uzayishi hisoblanadi.

Diqqat bilan qo‘llashni talab qiladigan dori kombinatsiyalari:

Yurak glikozidlari. Gipokaliemiya naparstyan dori vositalarining toksik ta’sirini oshiradi. Qon zardobida kaliy darajasini monitoring qilish va zarur bo‘lsa, EKG nazorati talab etiladi.

Kaliy chiqarilishini kuchaytiruvchi boshqa dori vositalari: kaliyuretik diuretiklar (alohida yoki kombinatsiyada), amfoteritsin V (vena ichiga yuborish uchun), kortikosteroidlar, tetrakozaktid. Qon zardobida kaliy darajasini nazorat qilish va zarurat tug‘ilganda tuzatish talab etiladi.

Bisakodilni yuqori ovqat hazm qilish yo‘llarida kislotalilikni pasaytiruvchi dori vositalari, masalan, antatsidlar (maaloks, fosfalyugel, almagel, gastal, renni, rutatsid va boshqalar) yoki proton nasosi ingibitorlari (omeprazol, ezomeprazol, pantoprazol, lansoprazol, rabeprazol, dekslansoprazol, tenatoprazol va boshqalar) bilan birga qabul qilish tavsiya etilmaydi, chunki bu ichakda eriydigan qobiqning erta erib ketishiga olib kelishi mumkin.

Oziq-ovqat va ichimliklar bilan o‘zaro ta’siri

Dori vositasini yuqori ovqat hazm qilish yo‘llarida kislotalilikni pasaytiruvchi mahsulotlar, masalan, sut bilan birga qabul qilish tavsiya etilmaydi, chunki bu ichakda eriydigan qobiqning erta erib ketishiga olib kelishi mumkin.
Maxsus ko'rsatmalar

Bisakodil preparatini qabul qilishdan oldin davolovchi shifokor yoki dorixona xodimi bilan maslahatlashing. Ich qotishini dori bilan davolashdan oldin quyidagi choralar ko‘rilishi kerak: yetarli jismoniy faollik va ichimlik rejimi, yetarli miqdorda oziq tolalarini iste'mol qilish.

Ich suruvchi preparatlarni 10 kundan ortiq qo‘llash tavsiya etilmaydi. Agar sizga har kuni ich suruvchi kerak bo‘lsa, ich qotishingiz sababini aniqlash uchun shifokorga murojaat qilishingiz kerak. Ich suruvchilarni haddan tashqari ko‘p iste'mol qilish zararli bo‘lishi mumkin.

Bisakodilni qandli diabeti bo‘lgan bemorlarga ehtiyotkorlik bilan qo‘llash kerak.

Bubiriktirish funksiyasi buzilgan bemorlar va keksalar

Suyuqlik yetishmovchiligi (dehidratatsiya) xavfi yuqori bo‘lgan bemorlarda, uning belgilari diurezning kamayishi (oliguriya) va chanqoqlik bo‘lsa, ich suruvchi vositalarni buyurishdan oldin suv muvozanatini tiklash va yetarli miqdorda suyuqlik qabul qilishni ta'minlash zarur.

Agar to‘g‘ri ichakdan qon ketishi yoki ich suruvchi preparat qabul qilingandan so‘ng najas chiqarish bo‘lmasa, shifokorga murojaat qilish zarur.
Dozani oshirib yuborilishi

O‘tkir dozani oshirib yuborishda diareya, qorin sohasida spazmlar, suyuqlik, kaliy va boshqa elektrolitlar yo‘qotilishi rivojlanishi mumkin.

Xronik dozani oshirib yuborish diareya, qorin og‘rig‘i, gipokaliemiya, mushak zaifligiga olib kelishi mumkin.

Dozani oshirib yuborish belgilari paydo bo‘lsa, dori vositasini qabul qilishni to‘xtatish va shifokorga murojaat qilish zarur. Elektrolit buzilishlarini tuzatish va suyuqlik yo‘qotilishini to‘ldirish zarur. Ushbu choralar ayniqsa keksalar va bolalar uchun muhim. Shuningdek, simptomatik davolash o‘tkaziladi.

Preparatni qo‘llash bo‘yicha savollaringiz bo‘lsa, davolovchi shifokor yoki dorixona xodimiga murojaat qiling.

Hammasini ko'rsatish

Tavsif
Tarkibi
Qo'llanilishi
Qo'llash mumkin bo'lmagan holatlar
Qo'llash usuli
Nojo´ya ta´sirlar
Farmakologik xususiyatlari
Dorilarning o'zaro ta'siri
Maxsus ko'rsatmalar
Dozani oshirib yuborilishi

Diqqat qiling!

Ushbu sahifada joylashtirilgan ko'rsatmalar faqat ma'lumot olish va tushunchaga ega bo'lish uchun mo'ljallangan. Ushbu ko'rsatmalarni tibbiy maslahat sifatida ishlatmang.
Tashxis va davolash usulini tanlash faqat davolovchi shifokor tomonidan amalga oshiriladi!

Mijozlarning sharhlari

Hammasini ko'rsatish

Ali

Я доволен покупкой Бисакодила 5 мг в интернет-магазине Oxymed, всегда быстрая доставка и хорошее качество продукта.

05 August 2024

0

0
Lola

Отличный препарат, заказала в интернет-магазине Oxymed, эффективно помогает с запорами.

05 August 2024

0

0

Savollar qoldi mi? Biz yordam bera olishimizdan xursandmiz

Bizning mutaxassislarimiz sizni qiziqtirgan savollarga kunning istalgan vaqti onlayn javob berishga tayyormiz.

Mutaxassisga savol bering

Analoglar va o'rnini bosuvchilar