Benzilpenitsillinga va penitsillinlar hamda tsefalosporinlar guruhiga mansub boshqa preparatlarga yuqori sezuvchanlik. Endolyumbal yuborish epilepsiya bilan kasallangan bemorlarga kontraindikasiyalangan.

Individual. V/m, v/v, p/k, endolyumbal yo'l bilan yuboriladi. V/m va v/v yuborishda kattalar uchun sutkalik doza 250 000 dan 60 mln. ED gacha o'zgaradi. 1 yoshgacha bo'lgan bolalar uchun sutkalik doza 50 000-100 000 ED/kg, 1 yoshdan katta bolalar uchun - 50 000 ED/kg; zarurat tug‘ilganda sutkalik doza 200 000-300 000 ED/kg gacha oshirilishi mumkin, hayotiy ko‘rsatmalar bo‘yicha - 500 000 ED/kg gacha. Yuborish soni 4-6 marta/sutka. Endolyumbal yo'l bilan kasallik va og‘irlik darajasiga qarab kattalarga - 5000-10 000 ED, bolalarga - 2000-5000 ED yuboriladi. Preparat steril in'ektsiya uchun suvda yoki 0,9% natriy xlorid eritmasida 1 ming ED/ml hisobida eritiladi. In'ektsiyadan oldin (ichki bosh bosimi darajasiga qarab) 5-10 ml SMJ olinadi va eritmaga teng miqdorda antibiotik eritmasiga qo‘shiladi. P/k benzilpenitsillin infiltratlarni atrofini ukol qilish uchun qo‘llaniladi (100 000-200 000 ED 1 ml 0,25%-0,5% novokain eritmasida). Benzilpenitsillin kaliy tuzi faqat v/m va p/k yo'l bilan, benzilpenitsillin natriy tuzi bilan bir xil dozada qo‘llaniladi. Benzilpenitsillin novokain tuzi faqat v/m yo'l bilan qo‘llaniladi. Kattalar uchun o‘rtacha terapevtik doza: bir martalik - 300 000 ED, sutkalik - 600 000 ED. 1 yoshgacha bo‘lgan bolalar uchun - 50 000-100 000 ED/kg/sut, 1 yoshdan katta bolalar uchun - 50 000 ED/kg/sut. Yuborish soni 3-4 marta/sutka. Benzilpenitsillin bilan davolash davomiyligi kasallik shakli va og‘irligiga qarab 7-10 kundan 2 oy va undan ko‘proq bo‘lishi mumkin.

Ovqat hazm qilish tizimi tomonidan: diareya, ko'ngil aynishi, qusish. Ximioterapevtik ta'sir bilan bog'liq effektlar: qin kandidiozi, og'iz bo'shlig'i kandidiozi. Markaziy asab tizimi tomonidan: benzilpenitsillin yuqori dozalarda, ayniqsa endolyumbal yuborilganda, neyrotoksik reaksiyalar rivojlanishi mumkin: ko'ngil aynishi, qusish, reflektor qo'zg'aluvchanlikning oshishi, meningizm simptomlari, tutqanoq, koma. Allergik reaksiyalar: tana haroratining oshishi, toshma (krapivnitsa), teri toshmasi, shilliq qavatlarda toshma, bo'g'imlarda og'riq, eozinofiliya, angionevrotik shish. O'lim bilan yakunlangan anafilaktik shok holatlari tasvirlangan.

Biosintetik penitsillinlar guruhiga mansub antibiotik. Mikroorganizmlarning hujayra devori sintezini ingibitsiyalash hisobiga bakteritsid ta'sir ko'rsatadi. Quyidagi gram-musbat bakteriyalarga nisbatan faol: Staphylococcus spp., Streptococcus spp. (shu jumladan Streptococcus pneumoniae), Corynebacterium diphtheriae, Bacillus anthracis; gram-manfiy bakteriyalar: Neisseria gonorrhoeae, Neisseria meningitidis; anaerob sporali tayoqchalar; shuningdek Actinomyces spp., Spirochaetaceae. Benzilpenitsillinga Staphylococcus spp. ning penitsillinaza ishlab chiqaruvchi shtammlari chidamli. Kislotali muhitda parchalanadi. Benzilpenitsillinning novokainli tuzi kaliy va natriy tuzlariga nisbatan uzoqroq ta'sir davomiyligi bilan xarakterlanadi.