har bir tabletkada: faol modda: atsiklovir - 200 mg yoki 400 mg; yordamchi moddalari: mikrokristallik sellyuloza, povidon K-30, natriy kraxmal glikolyati, makkajo‘xori kraxmali, magniy stearati. 10 tadan tabletkadan PVX dan tayyorlangan konturli yacheykali o‘ramda. Konturli o‘ramlar qo‘llanma bilan birga karton qutiga joylanadi.

- Terini va shilliq qavatlarning Herpes simplex 1 yoki 2 turi bilan chaqirilgan infeksiyalarni davolashda kattalar va 2 yoshdan katta bolalarga – kuniga 5 marta 200 mg dan 5 kun davomida, kunduz kuni 4 soatlik va tunda 8 soatlik interval bilan (zarur bo‘lsa, davolash kursi uzaytirilishi mumkin). - Herpes simplex 1 yoki 2 turi bilan chaqirilgan infeksiyalarning qaytalanishini oldini olish va kasallik qaytalanganda – har 6 soatda 200 mg dan kuniga 4 marta. Profilaktik davolash davomiyligi xavf davri davomiyligiga bog‘liq. - Varicella zoster bilan chaqirilgan infeksiyalarni davolashda kattalarga kuniga 5 marta 800 mg dan, kunduz kuni har 4 soatda va tunda 8 soatlik interval bilan buyuriladi. Davolash davomiyligi – 7 kun. Immuniteti yetarli bemorlarda suvchechakni davolash toshma paydo bo‘lganidan 24 soat ichida boshlanishi kerak. - Immuniteti susaygan (masalan, suyak iligi transplantatsiyasidan keyin) yoki ichakdan so‘rilish buzilgan bemorlarda asiklovirni tomir ichiga yuborish afzal. Bolalar. - Immuniteti susaygan bolalarda gerpetik infeksiyani davolash va gerpesning oldini olishda ikki yoshdan katta bolalarga kattalar uchun tavsiya etilgan dozalardan foydalanish kerak. Ikki yoshgacha bo‘lgan bolalarga kattalar dozasining yarmi buyuriladi. - Suvchechakni davolash: 6 yosh va undan katta bolalar: asiklovir 800 mg dan kuniga 4 marta, 2-5 yosh – 400 mg dan kuniga 4 marta, 2 yoshgacha – 200 mg dan kuniga 4 marta. Davolash 5 kun davom ettiriladi. Doza aniqroq bo‘lishi mumkin – tana vazniga 20 mg/kg (lekin 800 mg dan ko‘p emas) asiklovir kuniga 4 marta. - Immuniteti yetarli bolalarda toshmali gerpesni davolash natijalari haqida ma’lumot yo‘q. Qariyalar. Qariyalarda buyrak funksiyasi buzilishi ehtimoli hisobga olinishi kerak, shuning uchun doza mos ravishda tuzatilishi lozim. Yuqori peroral dozalarda asiklovir qabul qilayotgan qariyalarda yetarli gidratatsiya saqlanishi kerak. Buyrak yetishmovchiligida dozalash. - Oddiy gerpes infeksiyasini davolashda buyrak funksiyasi og‘ir buzilgan (kreatinin klirensi 10 ml/min dan kam) bemorlarda doza tuzatish tavsiya etiladi: asiklovir 200 mg dan kuniga 2 marta, taxminan 12 soatlik interval bilan. - Toshmali gerpesni davolashda og‘ir buyrak yetishmovchiligida (kreatinin klirensi 10 ml/min dan kam) bemorlarga asiklovir 800 mg dan kuniga 2 marta, taxminan 12 soatlik interval bilan, o‘rtacha buyrak yetishmovchiligida (kreatinin klirensi 10-25 ml/min) esa asiklovir 800 mg dan kuniga 3 marta, taxminan 8 soatlik interval bilan buyuriladi. Organ ko‘chirib o‘tkazishda profilaktik davolash 6 hafta davomida olib boriladi.

Qon tizimi tomonidan: juda kam hollarda – anemiya, leyopeniya, trombotsitopeniya. Immun tizimi tomonidan: kam hollarda – anafilaksiya, toshma (krapivnitsa), Kvinke shishi. Markaziy asab tizimi tomonidan: tez-tez – bosh og‘rig‘i, bosh aylanishi; juda kam hollarda – qo‘zg‘alish, ongning chalkashligi, tremor, ataksiya, dizartiya, gallyutsinatsiyalar, psixotik simptomlar, tutqanoq, uyquchanlik, ensefalopatiya, koma. Nafas olish organlari tomonidan: kam hollarda – nafas qisishi. Ovqat hazm qilish trakti va gepatobiliar yo‘llar tomonidan: tez-tez – ko‘ngil aynishi, qusish, diareya, qorin og‘rig‘i; kam hollarda – bilirubin va jigar fermentlari darajasining qaytariluvchi oshishi; juda kam hollarda – gepatit, sariqlik. Terining va uning qo‘shimchalari tomonidan: tez-tez – qichishish, toshma (shu jumladan fotosensibilizatsiya). Buyrak va siydik chiqarish yo‘llari tomonidan: juda kam hollarda – o‘tkir buyrak yetishmovchiligi, buyrak kolikasi, kristalluriya. Boshqalar: charchoqlik, isitma.