1 tabletkada: faol modda: atsiklovir 200 mg; yordamchi modda: magniy stearat, talk, kartoshka kraxmal.

Herpes simplex 1 va 2 tiplari hamda Varicella zoster viruslari bilan chaqirilgan infeksiyalarni davolash va oldini olish: teri va shilliq qavatlarning oddiy gerpesi (birlamchi va qaytalanuvchi); genital gerpes (birlamchi va qaytalanuvchi); zona (opoyasyvayushchiy gerpes); suvchechak (xos toshma paydo bo'lganidan keyingi dastlabki 24 soat ichida); immuniteti ancha pasaygan bemorlarda (shu jumladan transplantatsiyadan so'ng, immunodepressiv dori vositalarini qabul qilganda, OIV bilan kasallangan bemorlarda, kimyoterapiya fonida).

atsiklovirga (jumladan, valatsiklovirga) yuqori sezuvchanlik; 3 yoshgacha bo‘lgan bolalar yoshi. Ehtiyotkorlik bilan: homiladorlik, laktatsiya davri, degidratatsiya va buyrak yetishmovchiligi.

Og'iz orqali, ovqat qabul qilishdan qat'i nazar, to'liq stakan suv bilan ichiladi. Kattalarga oddiy gerpes teri va shilliq qavatlarni davolash uchun - 200 mg dan kuniga 5 marta (har 4 soatda uyg'oq davrda, tungi uyqudan tashqari) 5 kun davomida, zarur bo'lsa, davolash muddati uzaytirilishi mumkin. Immunitet yetishmovchiligi bo'lgan bemorlarni davolashda preparatning bir martalik dozasini 400 mg gacha oshirish kerak, davolash kursi 10 kun va undan ko'p. Kattalarga genital gerpesni davolash uchun - 200 mg dan kuniga 5 marta (har 4 soatda uyg'oq davrda, tungi uyqudan tashqari) 10 kun davomida, zarur bo'lsa, davolash muddati uzaytirilishi mumkin. Immunitet yetishmovchiligi bo'lgan bemorlarni davolashda preparatning bir martalik dozasini 400 mg gacha oshirish kerak. Davolashni infeksiya paydo bo'lishi bilan imkon qadar erta boshlash kerak; qaytalanishlarda preparatni prodromal davrda yoki toshma birinchi elementlari paydo bo'lishi bilan buyurish tavsiya etiladi. Oddiy gerpes virusi keltirib chiqargan infeksiyalar (shu jumladan immunitet yetishmovchiligi bo'lgan bemorlarda) qaytalanishining oldini olish uchun preparat 200 mg dan kuniga 4 marta (har 6 soatda) buyuriladi. Immunitet holati normal bo'lgan bemorlarda teri va shilliq qavatlarning oddiy gerpesining oldini olish uchun 400 mg dan kuniga 2 marta (har 12 soatda) buyurish mumkin. Kuchli immunitet yetishmovchiligida (suyak iligi transplantatsiyasidan keyin yoki ichakdan so'rilish buzilganda) - 400 mg dan kuniga 5 marta. Qaytalanuvchi genital gerpes (yiliga 6 martadan kam epizod): uzluksiz terapiya - 200 mg dan kuniga 5 marta 5 kun davomida. Qaytalanuvchi genital gerpes (yiliga 6 martadan ko'p epizod): uzoq muddatli bostiruvchi terapiya - 400 mg dan kuniga 2 marta yoki 200 mg dan kuniga 3-5 marta (kurs muddati 12 oygacha). Profilaktik davolash kursining davomiyligi infeksiya xavfi mavjud bo'lgan davr davomiyligi bilan belgilanadi. Toshma temiratki (opoyasyvayushchiy gerpes) ni davolashda - 800 mg dan kuniga 5 marta (har 4 soatda uyg'oq davrda, tungi uyqudan tashqari) 7-10 kun davomida. Bir martalik maksimal doza - 800 mg. Og'iz orqali yuqori dozalarda qabul qilayotgan bemorlar yetarli miqdorda suyuqlik olishlari kerak. 3 yoshdan katta bolalarga preparat kattalarnikiga teng dozada buyuriladi. Suvchechakni davolash: kattalar va 6 yoshdan katta bolalar - 800 mg dan kuniga 4 marta; 3-6 yoshli bolalar - 400 mg dan kuniga 4 marta. Dozani aniqroq hisoblash uchun 20 mg/kg hisobidan, lekin 800 mg dan kuniga 4 martadan oshmasligi kerak. Davolash kursi - 5 kun. Buyrak funksiyasi buzilgan bemorlarda dozani va dozani qabul qilish tartibini kreatinin klirensi va infeksiya turiga qarab tuzatish zarur. Herpes simplex virusi keltirib chiqargan infeksiyani davolashda, kreatinin klirensi 10 ml/min dan kam bo'lsa, preparatning sutkalik dozasi 400 mg gacha kamaytiriladi, uni 2 qabulga bo'lib (ular orasidagi interval kamida 12 soat, ya'ni 200 mg dan kuniga 2 marta) qabul qilinadi. Varicella zoster virusi keltirib chiqargan infeksiyalarni davolashda va kuchli immunitet yetishmovchiligi bo'lgan bemorlarda qo'llab-quvvatlovchi terapiyada - kreatinin klirensi 10-25 ml/min bo'lgan bemorlarga preparat 2,4 g/sutka 3 qabulga 8 soatlik interval bilan (800 mg dan kuniga 3 marta) buyuriladi. KK 10 ml/min dan kam bo'lgan bemorlarda sutkalik doza 1,6 g gacha kamaytiriladi, qabul qilish tezligi kuniga 2 marta 12 soatlik interval bilan (800 mg dan kuniga 2 marta).

Ovqat hazm qilish tizimi tomonidan: ko'ngil aynishi, qusish, diareya, qorin og'rig'i; kamdan-kam hollarda - bilirubin darajasi va jigar fermentlari faolligining qaytar bo'lgan oshishi. Qon hosil qilish tizimi tomonidan: juda kam hollarda - anemiya, leyopeniya, trombotsitopeniya. Siydik ajratish tizimi tomonidan: kamdan-kam hollarda - qonda mochevina va kreatinin darajasining oshishi; juda kam hollarda - o'tkir buyrak yetishmovchiligi. Markaziy asab tizimi tomonidan: bosh og'rig'i; kamdan-kam hollarda - qaytar bo'lgan nevrologik buzilishlar, masalan, bosh aylanishi, ongning chalkashishi, gallyutsinatsiyalar, uyquchanlik, paresteziyalar, tutqanoq, koma. Odatda bu nojo'ya ta'sirlar buyrak yetishmovchiligi bo'lgan va preparatni tavsiya etilgan dozadan yuqori qabul qilgan bemorlarda kuzatilgan. Allergik reaksiyalar: toshma, fotosensibilizatsiya, eshakemi, qichishish; kamdan-kam hollarda - nafas qisilishi, angionevrotik shish, anafilaksiya. Isitma, limfadenopatiya, periferik shishlar, ko'rishning buzilishi, ajitatsiya, miyalgiya. Boshqalar: tez charchash; kamdan-kam hollarda - alopesiya. Antiretrovirus preparatlarni qabul qilgan bemorlarda, qo'shimcha ravishda atsiklovir qabul qilish toksik ta'sirlarning sezilarli kuchayishiga olib kelmagan.

Virusga qarshi (antigerpetik) vosita – purin nukleozidining sintetik analogi bo‘lib, in vitro va in vivo sharoitida Herpes simplex 1 va 2 turi viruslari, Varicella zoster virusi, Epshteyn-Barr virusi va tsitomegalovirus replikatsiyasini ingibitsiyalash xususiyatiga ega. Herpes simplex 1 va 2 turi viruslariga nisbatan yuqori faollikka ega; suvchechak va toshmali temiratkini (Varicella zoster) chaqiruvchi virusga; Epshteyn-Barr virusiga (viruslar turlari atsiklovirning minimal ingibitsiyalovchi konsentratsiyasi ortib borish tartibida ko‘rsatilgan). Tsitomegalovirusga nisbatan o‘rtacha faollikka ega. Virusli timidinkinaza saqlovchi infeksiyalangan hujayralarda atsiklovir fosforillanadi va atsiklovir monofosfatga aylanadi. Guanilattsiklaza ta’sirida atsiklovir monofosfat difosfatga, bir nechta hujayra fermentlari ta’sirida esa trifosfatga aylanadi. Aynan viruslarga yuqori selektivlik va odam uchun past toksiklik shundan iboratki, atsiklovir infeksiyalanmagan hujayralarning timidinkinazasi uchun substrat emas, shuning uchun u sutemizuvchilar hujayralari uchun kam toksik hisoblanadi. Atsiklovir trifosfat virus DNK sintezi (replikatsiyasi)ni uch mexanizm orqali ingibitsiyalaydi: DNK sintezida dezoksiguanozin trifosfatni raqobatbardosh tarzda siqib chiqaradi; sintez qilinayotgan DNK zanjiriga "qo‘shiladi" va uning uzayishini to‘xtatadi; virus DNK-polimeraza fermentini bostiradi. Natijada, odam organizmida virus ko‘payishi to‘xtatiladi. Atsiklovirning o‘ziga xosligi va juda yuqori selektivligi, shuningdek, aynan viruslar zararlangan hujayralarda to‘planishi bilan bog‘liq. Gerpetik infeksiyada yangi toshma elementlari paydo bo‘lishining oldini oladi, teri dissiminasiyasi va visseral asoratlar ehtimolini kamaytiradi, qobiq hosil bo‘lishini tezlashtiradi, toshmali temiratkanning o‘tkir bosqichida og‘riqni kamaytiradi. Immunostimulyatsion ta’sir ko‘rsatadi.

Immuniteti pasaygan bemorlarda atsiklovir bilan uzoq muddatli yoki takroriy davolash virusning unga ta'sir qilmaydigan shtammlarining paydo bo'lishiga olib kelishi mumkin. Atsiklovirga ta'sir qilmaydigan virus shtammlarining aksariyatida virusli timidinkinaza nisbatan yetishmasligi aniqlangan; o'zgargan timidinkinaza yoki o'zgargan DNK-polimerazaga ega shtammlar ajratib olingan. In vitro sharoitida Herpes simplex virusining ajratilgan shtammlariga atsiklovir ta'siri kamroq sezgir shtammlarning paydo bo'lishiga olib kelishi mumkin. Homiladorlik davrida preparatni qo'llash xavfsizligi bo'yicha yetarli va qat'iy nazorat qilinadigan klinik tadqiqotlar o'tkazilmagan. Qo'llash faqat onaga kutilayotgan foyda homilaga bo'lgan potentsial xavfdan ustun bo'lgan hollarda ko'rsatiladi. Preparatning yuqori peroral dozalari bilan davolash davomida bemorning organizmiga yetarli miqdorda suyuqlik tushishini ta'minlash kerak. Bolalarda qo'llanilishi 3 yoshgacha bo'lgan bolalarga qo'llash mumkin emas. 3 yoshdan katta bolalarga preparat kattalarga belgilangan doza bilan buyuriladi. Homiladorlik va emizish davrida qo'llanilishi Preparatni homiladorlik davrida qo'llash onaga kutilayotgan foyda homilaga bo'lgan potentsial xavfdan ustun bo'lgan hollarda mumkin. Ehtiyotkorlik bilan: laktatsiya davri. Laktatsiya davrida preparat faqat zaruriyat tug'ilganda va qisqa kursda buyuriladi, atsiklovir ona sutiga oz miqdorda o'tishi sababli emizishni to'xtatish shart emas, biroq juda ehtiyotkorlik bilan va shifokor nazorati ostida davom ettiriladi. Atsiklovir jinsiy yo'l bilan gerpes yuqishini oldini olmaydi, shuning uchun davolash davrida, klinik belgilari bo'lmasa ham, jinsiy aloqadan tiyilish zarur.