Herpes simplex virusi I va II tiplari bilan chaqirilgan teri va shilliq qavatlar infeksiyalarini, birlamchi va ikkilamchi, shu jumladan genital gerpesni davolash. •Herpes simplex virusi I va II tiplari bilan chaqirilgan qaytalanuvchi infeksiyalarning zo‘rayishini oldini olish, normal immun holatga ega bemorlarda. •Immunitet yetishmovchiligi bo‘lgan bemorlarda Herpes simplex virusi I va II tiplari bilan chaqirilgan birlamchi va qaytalanuvchi infeksiyalarning oldini olish. •Immunitet yetishmovchiligi og‘ir bo‘lgan bemorlarda kompleks terapiya tarkibida: OIV-infeksiyada (OITS bosqichi, erta klinik belgilari va to‘liq klinik manzarasi) va suyak iligi transplantatsiyasidan so‘ng. •Varicella zoster virusi (suvchechak, shuningdek, toshmali temiratki - Herpes zoster) bilan chaqirilgan birlamchi va qaytalanuvchi infeksiyalarni davolash.

— atsiklovir va preparatning boshqa komponentlariga yuqori sezuvchanlik; Preparat homiladorlikda, laktatsiya davrida, degidratatsiya, buyrak yetishmovchiligida ehtiyotkorlik bilan buyurilishi kerak. Preparat homiladorlik va laktatsiya (emizish) davrida ehtiyotkorlik bilan buyurilishi kerak. Homiladorlik davrida preparatni qo'llash xavfsizligini baholash uchun yetarli va nazorat qilinadigan klinik tadqiqotlar o'tkazilmagan. Qo'llash faqat onaga kutilayotgan foyda homilaga bo'lgan potentsial xavfdan ustun bo'lgan hollarda ko'rsatiladi. Davolash davrida emizishni to'xtatish masalasini hal qilish zarur.

Ovqat hazm qilish tizimi tomonidan: tez-tez - ko'ngil aynishi, qusish, diareya; juda kam - gepatit, sariqlik, ayrim hollarda - qorin sohasida og'riq. Qon hosil bo'lish tizimi tomonidan: kamdan-kam - jigar fermentlari faolligining o'tkinchi va ahamiyatsiz oshishi, siydikda mochevina va kreatinin miqdorining biroz oshishi, gipierbilirubinemiya; juda kam - leyopeniya, eritropeniya, anemiya, trombotsitopeniya. Markaziy asab tizimi tomonidan: tez-tez - bosh og'rig'i, bosh aylanishi; juda kam - qo'zg'aluvchanlik, ongning chalkashishi, tremor, ataksiya, dizartriya, gallyutsinatsiyalar, psixotik simptomlar, tutqanoq, uyquchanlik, ensefalopatiya, koma. Odatda bu nojo'ya ta'sirlar buyrak yetishmovchiligi bo'lgan yoki boshqa qo'zg'atuvchi omillar mavjud bo'lgan bemorlarda kuzatilgan va asosan qaytuvchan bo'lgan. Nafas olish tizimi tomonidan: kamdan-kam - nafas qisishi. Allergik reaksiyalar: anafilaktik reaksiyalar, teri toshmasi, qichishish, eshakemi, Layell sindromi, Stivens-Djonson sindromi. Teri va teri osti yog' qavati tomonidan: tez-tez - qichishish, eshakemi, toshma, shu jumladan sensibilizatsiya, kamdan-kam - alopesiya, sochlarning tez va diffuz to'kilishi (bunday alopesiya turi turli kasalliklarda va ko'plab dori vositalari bilan davolashda kuzatiladi, uning asiklovir qabul qilinishi bilan bog'liqligi aniqlanmagan); juda kam - Layell sindromi, Stivens-Djonson sindromi. Boshqalar: tez-tez - charchoq, isitma; kamdan-kam - periferik shishlar, ko'rishning buzilishi, limfadenopatiya, miyalgiya, holsizlik.

Virusga qarshi preparat, atsiklik purin nukleozidining sintetik analogi bo'lib, gerpes viruslariga nisbatan yuqori selektiv ta'sirga ega. Virus bilan zararlangan hujayralarda virusli timidinkinaza ta'sirida atsiklovirning ketma-ket monofosfat, difosfat va trifosfat shakllariga aylanish reaksiyalari sodir bo'ladi. Atsiklovirtrifosfat virus DNK zanjiriga qo'shiladi va virus DNK-polimerazasini raqobatli inhibitsiyalash orqali uning sintezini bloklaydi. Invitro atsiklovir oddiy gerpes virusi - Herpessimplex I va II tiplari, Varicellazoster virusiga qarshi samarali; Epsteyn-Barr virusini inhibitsiyalash uchun esa yuqoriroq konsentratsiyalar talab qilinadi. Invivo atsiklovir, birinchi navbatda, Herpessimplex tomonidan chaqirilgan virusli infeksiyalarda terapevtik va profilaktik jihatdan samaralidir. Og'iz orqali qabul qilinganda biologik mavjudlik 15-30 % ni tashkil etadi. Atsiklovir organizmning barcha organ va to'qimalariga, shu jumladan bosh miya va teriga yaxshi kirib boradi. Plazma oqsillari bilan bog'lanishi 9-33 % ni tashkil etadi va uning plazmadagi konsentratsiyasiga bog'liq emas. Orqa miya suyuqligidagi konsentratsiyasi plazmadagi konsentratsiyasining taxminan 50 % ini tashkil etadi. Atsiklovir platsentar to'siqdan o'tadi va ona sutida to'planadi. Cmax og'iz orqali 200 mg 5 marta kuniga qabul qilinganda – 0,7 mkg/ml, Cmax ga erishish vaqti - 1,5-2 soat. Jigarda farmakologik jihatdan nofaol 9-karboksimetoksimetilguaninga metabolizatsiyalanadi. Buyrak funksiyasi normal bo'lgan kattalarda yarim chiqarilish davri 2-3 soatni tashkil etadi. Og'ir buyrak yetishmovchiligida yarim chiqarilish davri - 20 soat, gemodializda – 5,7 soat (bunda atsiklovirning plazmadagi konsentratsiyasi boshlang'ich qiymatining 60 % gacha kamayadi). Taxminan 84 % buyraklar orqali o'zgarmagan holda, 14 % metabolit shaklida chiqariladi. Atsiklovirning buyrak klirensi umumiy plazmatik klirensning 75-80 % ini tashkil etadi. Atsiklovirning 2 % dan kamrog'i organizmdan ichak orqali chiqariladi.

Atsiklovir faqat shifokor ko'rsatmasi bo'yicha, kattalar va 3 yoshdan katta bolalarda asoratlarning oldini olish uchun qo'llaniladi. Immuniteti pasaygan bemorlarda atsiklovir bilan uzoq muddatli yoki takroriy davolash, unga ta'sir qilmaydigan virus shtammlarining paydo bo'lishiga olib kelishi mumkin. Atsiklovirga ta'sir qilmaydigan virus shtammlarining aksariyatida virusli timidinkinaza nisbatan yetishmasligi aniqlangan; o'zgargan timidinkinaza yoki o'zgargan DNK-polimerazaga ega shtammlar ajratib olingan. In vitro sharoitida Herpes simplex virusining izolyatsiya qilingan shtammlariga atsiklovir ta'siri kamroq sezgir shtammlarning paydo bo'lishiga olib kelishi mumkin. Preparat buyrak faoliyati buzilgan, yoshi katta bemorlarga ehtiyotkorlik bilan buyuriladi, chunki atsiklovirning yarim chiqarilish davri oshadi. Preparatni qo'llashda yetarli miqdorda suyuqlik qabul qilinishini ta'minlash zarur. Preparatni qabul qilishda buyrak faoliyatini (qon siydik miqdori va plazma kreatinini) nazorat qilish kerak. Atsiklovir jinsiy yo'l bilan gerpes yuqishini oldini olmaydi, shuning uchun davolash davrida, klinik belgilari bo'lmasa ham, jinsiy aloqadan tiyilish zarur. Bemorlarni toshmalar paytida genital gerpes virusini yuqish ehtimoli, shuningdek, simptomsiz virus tashuvchilik holatlari haqida xabardor qilish kerak. Avtotransport boshqarish va mexanizmlarni boshqarish qobiliyatiga ta'siri Ma'lumotlar yo'q. Biroq, atsiklovir bilan davolash davrida bosh aylanishi rivojlanishi mumkinligini hisobga olish zarur, shuning uchun avtotransport boshqarishda va yuqori diqqat-e'tibor va tez psixomotor reaksiyalar talab qiladigan potensial xavfli faoliyat bilan shug'ullanishda ehtiyotkorlikka rioya qilish kerak.