Askorbin kislotasining faol komponentlari – 25 mg saxaroza (shakar) – 2,064 g glyukoza (dekstroza) – 0,830 g
Yordamchi moddalar: kartoshka kraxmal, limon kislotasi, magniy stearat, tabiiyga o‘xshash aromatizator (apelsin 585, 590; gilos 95, 061; nok 95, 573 (dyushes 511); limon 517; yalpiz 614; qora smorodina 522, 554. Oziq-ovqat bo‘yoqchisi (annato E 160 b), karmin (E 120); kurkumin (E 100)). 

 Vitamin C gipovitaminozini oldini olish va davolash. Bolalarda faol o‘sish davrida, homiladorlikda, emizishda, yuqori jismoniy va aqliy yuklamalarda, charchoqda, stress holatlarida, uzoq va og‘ir kasalliklardan so‘ng sog‘ayish davrida organizmning vitamin C ga bo‘lgan ehtiyoji oshganda. 

 Askorbin kislotasi og‘iz orqali, ovqatdan keyin qabul qilinadi.
Profilaktik maqsadda buyuriladi
Kattalarga – kuniga 50-100 mg; bolalarga 25 mg/sut. Homiladorlik va laktatsiya davrida 10-15 kun davomida kuniga 300 mg, so‘ngra kuniga 100 mg.
Davolash maqsadida buyuriladi
Kattalarga – 50-100 mg 3-5 marta kuniga; bolalarga 50-100 mg 2-3 marta kuniga. Davolash davomiyligi kasallikning xususiyati va kechishiga bog‘liq va shifokor tomonidan tavsiya etiladi. 

 Preparat tarkibiy qismlariga allergik reaksiyalar, me'da-ichak shilliq qavatining tirnash xususiyati (ko'ngil aynishi, qusish, diareya, me'da spazmlari), yuqori dozalarda qo'llanganda – giperoaksalaturiya va kalsiy oksalatidan siydik toshlarining hosil bo'lishi; oshqozon osti bezining insulyar apparati funksiyasining susayishi (giperglikemiya, glyukozuriya). Laborator ko'rsatkichlar: trombotsitoz, gipertrombinemiya, eritropeniya, neyrofilli leyotsitoz, gipokalemiya. 

 Askorbin kislotasi qonda benzilpenitsillin va tetratsiklinlar konsentratsiyasini oshiradi; 1 g/sut dozasida etinilestradiolning biologik mavjudligini oshiradi. Temir preparatlari ichakda so‘rilishini yaxshilaydi (uch valentli temirni ikki valentli temirga aylantiradi); deferoksamin bilan bir vaqtda qo‘llanganda temir chiqarilishini oshirishi mumkin. Atsetilsalitsil kislotasi (ASK), og'iz orqali kontratseptivlar, yangi sharbatlar va ishqoriy ichimliklar so‘rilish va o‘zlashtirilishini kamaytiradi. ASK bilan bir vaqtda qo‘llanganda askorbin kislotasining siydik bilan chiqarilishi oshadi va ASK chiqarilishi kamayadi. ASK askorbin kislotasining so‘rilishini taxminan 30% ga kamaytiradi. Salitsilatlar va qisqa ta'sirli sulfanilamidlar bilan davolashda kristalluriya rivojlanish xavfini oshiradi, buyraklar orqali kislotalarning chiqarilishini sekinlashtiradi, ishqoriy reaksiya (shu jumladan, alkaloidlar)ga ega preparatlarning chiqarilishini oshiradi, og'iz orqali kontratseptivlarning qondagi konsentratsiyasini kamaytiradi. Etanolning umumiy klirensini oshiradi, u esa o‘z navbatida organizmdagi askorbin kislotasi konsentratsiyasini kamaytiradi. Xinolon qatori preparatlari (ftorxinolonlar va boshqalar), kalsiy xlorid, salitsilatlar, glyukokortikosteroidlar uzoq muddat qo‘llanganda askorbin kislotasi zaxiralarini kamaytiradi. Bir vaqtda qo‘llanganda izoprenalin xronotrop ta’sirini kamaytiradi. Uzoq muddat yoki yuqori dozalarda qo‘llanganda disulfiram-etanol o‘zaro ta’sirini buzishi mumkin. Yuqori dozalarda meksiletinning buyrak orqali chiqarilishini oshiradi. Barbituratlar va primidon askorbin kislotasining siydik bilan chiqarilishini oshiradi. Fenotiazin hosilalari bo‘lgan antipsixotik vositalarning terapevtik ta’sirini, amfetamin va trisiklik antidepressantlarning kanal reabsorbtsiyasini kamaytiradi.
 

 Katta dozalarda (1 g dan ortiq) uzoq muddat qo‘llanganda simptomlar – bosh og‘rig‘i, markaziy asab tizimining qo‘zg‘aluvchanligi oshishi, uyqusizlik, ko‘ngil aynishi, qusish, giperasid gastrit, me’da-ichak yo‘llari shilliq qavatining yaralanishi, qorin qaynashi, diareya, siyishning qiyinlashuvi, siydikning qizil rangga bo‘yalishi, gemoliz (glyukoza-6-fosfatdegidrogenaza yetishmovchiligi bo‘lgan bemorlarda), oshqozon osti bezining insulyar apparati funksiyasining susayishi (giperglikemiya, glyukozuriya), giperoaksaluriya, nefrolitiaz (kalsiy oksalatdan), buyraklarning glomerulyar apparati shikastlanishi, o‘rtacha pollakiuriya (kuniga 600 mg dan ortiq dozalarda qabul qilinganda).
Kapillyarlarning o‘tkazuvchanligi pasayishi (to‘qimalar trofikasi yomonlashishi mumkin, arterial bosim oshishi, giperkogulyatsiya, mikroangiopatiyalar rivojlanishi).