• Ta'sir etuvchi modda: pipekuroniya bromid 4 mg;
• Yordamchi moddalari: mannitol; Erituvchi: Natriy xlorid, in'ektsiya uchun suv.

Endotraxeal intubatsiya va umumiy anesteziya vaqtida turli jarrohlik amaliyotlari davomida 20-30 daqiqadan ortiq miorelaksatsiyani talab qiladigan va sun'iy nafas olish sharoitida skelet mushaklarini bo'shashtirish.

Pipekuroniya bromidiga va/yoki bromga yuqori sezuvchanlik. 3 oygacha bo‘lgan bolalar yoshi. Og‘ir jigar yetishmovchiligi. Ehtiyotkorlik bilan: o‘t yo‘llarining obstruksiyasi, shish sindromi, aylanuvchi qon hajmining oshishi yoki degidratatsiya, diuretiklarni qabul qilish, kislota-ishqor muvozanatining buzilishi (atsidoz, giperkapniya) va suv-elektrolit muvozanatining buzilishi (gipokaliemiya, gipermagniemiya, gipokaltsemiya), gipotermiya, digitalizatsiya, gipoproteinemiya, kaxeksiya, miasteniya (shu jumladan miasteniya gravis, Iton-Lambert sindromi) bunday hollarda preparat ta’sirining kuchayishi yoki susayishi mumkinligi sababli. Og‘ir miasteniya yoki Iton-Lambert sindromida Arduan kichik dozalari juda kuchli ta’sir ko‘rsatishi mumkin. Bunday bemorlarga preparat juda past dozalarda, potentsial xavf ehtiyotkorlik bilan baholangandan so‘ng buyuriladi, nafas olishni susaytirish, buyrak yetishmovchiligi (preparat ta’sirini va postnarkoz depressiyasi vaqtini uzaytiradi), dekompensatsiyalangan surunkali yurak yetishmovchiligi, 14 yoshgacha bo‘lgan bolalar yoshi, malign gipertermiya, bemor anamnezida har qanday miorelaksant chaqirgan anafilaktik reaksiya (ehtimoliy o‘zaro allergiya tufayli).

Faqat vena ichiga qo‘llaniladi. To‘g‘ridan-to‘g‘ri yuborishdan oldin 4 mg quruq modda biriktirilgan erituvchi bilan suyultiriladi. Kattalar va 14 yoshdan katta bolalar uchun tavsiya etilgan dozalari: intubatsiya va keyingi jarrohlik aralashuvi uchun boshlang‘ich doza: 0,06-0,08 mg/kg tana vazniga, 150-180 soniya davomida yaxshi/a’lo intubatsiya sharoitlarini ta’minlaydi, shu bilan birga mushak relaksatsiyasi davomiyligi 60-90 daqiqa; intubatsiyada suksametoniya qo‘llanilganda miorelaksatsiya uchun boshlang‘ich doza: 0,05 mg/kg, 30-60 daqiqa davomida miorelaksatsiyani ta’minlaydi; qo‘llab-quvvatlovchi doza: 0,01-0,02 mg/kg, jarrohlik amaliyoti davomida 30-60 daqiqa davomida miorelaksatsiyani ta’minlaydi; surunkali buyrak yetishmovchiligida 0,04 mg/kg dan yuqori dozalardan foydalanish tavsiya etilmaydi (katta dozalarda miorelaksatsiya davomiyligi oshishi mumkin); ortiqcha vazn va semizlikda Arduan ta’sirining uzayishi mumkin, shuning uchun ideal vaznga hisoblangan dozani qo‘llash kerak. Bolalarda dozalari: 3 oydan 12 oygacha - 0,04 mg/kg (bu mushak relaksatsiyasini 10 dan 44 daqiqagacha ta’minlaydi). 1 yoshdan 14 yoshgacha - 0,05-0,06 mg/kg (mushak relaksatsiyasi - 18 dan 52 daqiqagacha). Ta’sirining to‘xtatilishi: periferik nerv tolalari stimulyatori yordamida o‘lchanadigan 80-85% blokada paytida yoki klinik belgilar bo‘yicha aniqlanadigan qisman blokada paytida atropin (0,5-1,25 mg) neostigmin metilsulfat (1-3 mg) yoki galantamin (10-30 mg) bilan birga qo‘llanilganda Arduanning miorelaksatsion ta’siri to‘xtatiladi.

Nerv tizimidan: kamdan-kam (1% dan kam): markaziy nerv tizimini (MNT) bostirish, uyquchanlik, gipesteziya, skelet mushaklarining falaji. Harakat apparati tomondan: kamdan-kam (1% dan kam): miorelaksatsiyadan keyin skelet mushaklarining zaifligi, mushak atrofiyasi. Nafas olish tizimidan: kamdan-kam (1% dan kam): apnoe, o'pka atelektazi, nafas olishni bostirish, allergik reaktsiya natijasida laringospazm, bronxospazm, yo'tal. Yurak-qon tomir tizimidan: kamdan-kam (1% dan kam): miokard ishemiyasi (miokard infarktigacha) va miyaning ishemiyasi, aritmiya, takikardiya, bradikardiya, arterial bosimning pasayishi yoki oshishi, atrial fibrilatsiya, ventrikulyar ekstrasistolya, ventrikulyar takikardiya. Qon hosil qilish organlari va gemostaz tizimidan: kamdan-kam (1% dan kam): tromboz, aktivlashtirilgan qisman tromboplastin va protrombin vaqtining pasayishi. Siydik chiqarish tizimidan: kamdan-kam (1% dan kam): anuriya. Allergik reaksiyalar: kamdan-kam (1% dan kam): teri toshmasi, allergik reaksiyalar, Kvinke shishi. Laboratoriya ko'rsatkichlari: kamdan-kam (1% dan kam): giperkreatinemiya, giperglikemiya, gipokalemiya, gipomagneziya, gipokaltsiyemiya. Boshqalar: blefarit, ptoz.