Tabletkalar - 1 tab.: Faol moddalari: paratsetamol - 250,00 mg; xlorfenamin maleat - 3,00 mg; askorbin kislotasi - 50,00 mg; Yordamchi moddalari: natriy gidrokarbonat, limon kislotasi, sorbitol, povidon, natriy saxarinat, natriy karbonat, makrogol, kremniy dioksid, mevali aromatizator (aromatik mevali qo‘shimcha «Qizil mevalar»). 10 ta tabletkadan plastik penalda; 1, 2, 4 yoki 6 ta tabletkadan Al/Al stripda. 1, 3, 5, 6, 10, 15, 20 ta stripdan karton qutida foydalanish bo‘yicha yo‘riqnoma bilan birga. 1 ta penal karton qutida ichki bo‘linma bilan va foydalanish bo‘yicha yo‘riqnoma bilan birga.

Infeksion-yallig‘lanish kasalliklari (ORVI, gripp), yuqori harorat, sovqotish, bosh og‘rig‘i, bo‘g‘im va mushaklardagi og‘riqlar, burun bitishi, tomoq va burun bo‘shlig‘idagi og‘riqlar bilan kechuvchi.

Og‘iz orqali. 3 dan 5 yoshgacha bo‘lgan bolalarga 1/2 tabletka kuniga 2 marta; 5 dan 10 yoshgacha bo‘lgan bolalarga 1 tabletka kuniga 2 marta; 10 dan 15 yoshgacha bo‘lgan bolalarga 1 tabletka kuniga 2-3 marta. Tabletkani to‘liq 1 stakan (200 ml) iliq suvda (50-60 °S) eritib, hosil bo‘lgan eritmani darhol ichish kerak. Preparatni ovqatlar orasida qabul qilish ma’qul. Preparatni qabul qilishlar orasidagi interval kamida 4 soat bo‘lishi kerak. Jigar yoki buyrak faoliyati buzilgan bemorlarda preparatni qabul qilishlar orasidagi interval kamida 8 soat bo‘lishi kerak. Shifokor bilan maslahatlashmasdan qabul qilish davomiyligi og‘riq qoldiruvchi sifatida 5 kundan, isitmani tushiruvchi sifatida 3 kundan oshmasligi kerak.

Preparat tavsiya etilgan dozalarda yaxshi ko‘tariladi. Nerv tizimi tomonidan: ayrim hollarda - bosh og‘rig‘i, charchoq hissi. Ovqat hazm qilish tizimi tomonidan: ayrim hollarda - ko‘ngil aynishi, epigastral sohada og‘riq. Endokrin tizimi tomonidan: ayrim hollarda - gipoglikemiya (hatto koma rivojlanishigacha). Qon yaratilish tizimi tomonidan: ayrim hollarda - anemiya, gemolitik anemiya (ayniqsa glyukoza-6-fosfatdegidrogenaza yetishmovchiligi bo‘lgan bemorlarda); juda kam hollarda - trombotsitopeniya. Allergik reaksiyalar: ayrim hollarda - teri toshmasi, qichishish, eshakemi, Kvinke shishi. Boshqa: gipervitaminoz, almashinuv buzilishi, issiqlik hissi, og‘iz qurishi, akkomodatsiya parezi, siydik tutilishi, uyquchanlik. Barcha nojo‘ya ta’sirlar haqida bemor shifokorga xabar berishi kerak.

Kombinatsiyalangan preparat. Paratsetamol analgetik va isitmani tushiruvchi ta'sirga ega; bosh og'rig'i va boshqa turdagi og'riqlarni bartaraf etadi, yuqori haroratni pasaytiradi. Askorbin kislotasi (vitamin S) oksidlanish-qaytarilish jarayonlarini, uglevod almashinuvini tartibga solishda ishtirok etadi, organizmning qarshiligini oshiradi. Xlorfenamin - N1-gistamin retseptorlari blokatori, allergiyaga qarshi ta'sirga ega, burun orqali nafas olishni yengillashtiradi, burun bitishi, aksirish, ko'z yoshlanishi, qichishish va ko'zning qizarishini kamaytiradi.