Keng ta'sir doirasiga ega antibiotik turli infeksiyalardan xalos bo‘lishga yordam beradi, ular mos ravishda turli organ va tizimlarni zararlaydi. Odatda, shifokorlar ushbu preparatni streptokokklar rivojlanishi bilan bog‘liq infeksion kasalliklarni davolash uchun tavsiya etadilar. Bunday kelib chiqishga ega eng keng tarqalgan kasalliklar: yuqori nafas yo‘llari va LOR-organlar infeksiyalari (otit, gaymorit, angina, frontit); pastki nafas yo‘llarining bakterial kasalliklari (ambulator pnevmoniya, o‘tkir bronxit va surunkali bronxitning o‘tkir bosqichga o‘tishi); buyrak va siydik chiqarish yo‘llari kasalliklari (tsistit, pielonefrit); ichak infeksiyalari (enterit, kolit); teri va yumshoq to‘qimalarning infeksion zararlanishi (flegmona, abstsess, ro‘ja);

Amoksitsillinga, boshqa beta-laktam antibiotiklarga (boshqa penisillinlar, sefalosporinlar, monobaktamlar, karbapenemlar) yoki preparatning har qanday komponentiga yuqori sezuvchanlik; infeksion mononukleoz, limfoleykoz; 3 yoshgacha bo‘lgan bolalar (ushbu dori shakli uchun).

Amoksitsillin aminobenzil penitsillin bo‘lib, yarim sintetik, keng ta'sir doirasiga ega antibiotik hisoblanadi, bakterial hujayra devori sintezini ingibitsiyalash natijasida bakteritsid ta'sir ko‘rsatadi. Turli sezgir mikroorganizmlar uchun minimal ingibitsiyalovchi konsentratsiya (MIK) chegaraviy qiymatlari farq qiladi. Rezistent shtammlarning tarqalishi geografik va vaqt bo‘yicha o‘zgaradi, shuning uchun, ayniqsa og‘ir infeksiyalarni davolashda, mahalliy rezistentlik haqidagi ma'lumotlarga tayanish maqsadga muvofiqdir. Farmakokinetika Yutilish Yutilishi tez, yuqori (93 %), ovqat qabul qilish yutilishga ta'sir qilmaydi, me'da kislotali muhitida yemirilmaydi. Og‘iz orqali 250 mg va 500 mg dozada qabul qilinganda, qon plazmasida maksimal konsentratsiya mos ravishda 5 mkg/ml va 10 mkg/ml ni tashkil etadi. Og‘iz orqali qabul qilingandan so‘ng maksimal konsentratsiyaga erishish vaqti – 1-2 soat. Taqsimlanish Keng taqsimlanish hajmiga ega – yuqori konsentratsiyalar qon plazmasi, bronxial sekret (irinli bronxial sekretda taqsimlanish sust), jigar, limfa tugunlari, bachadon, tuxumdonlar, burun atrofidagi bo‘shliqlar, plevra va qorin bo‘shlig‘i suyuqligi, so‘lak va ko‘z yoshi suyuqligi, siydik, teri pufakchalari tarkibi, o‘pka to‘qimasi, ichak shilliq qavati, o‘rta quloq va burun atrofidagi bo‘shliqlar suyuqligi, suyaklar, yog‘ to‘qimasi, o‘t pufagi (o‘t suyuqligidagi konsentratsiya qon plazmasidagidan 10 baravar yuqori – o‘t yo‘llari o‘tkazuvchanligi normal bo‘lsa), homila to‘qimalarida aniqlanadi. Doza 2 baravar oshirilganda konsentratsiya ham 2 baravar oshadi. Amniotik suyuqlik va kindik tomirlarida amoksitsillin konsentratsiyasi homilador ayol qon plazmasidagi konsentratsiyaning taxminan 50 % ini tashkil etadi. Gematoensefalik to‘siqdan yomon o‘tadi, miya pardalari yallig‘langanda (meningit) orqa miya suyuqligidagi konsentratsiya qon plazmasidagining 20 % iga yetadi. Qon plazmasi oqsillari bilan bog‘lanishi – 15-25 %.

Allergik reaksiyalar (shu jumladan bronxial astma, pollinoz, atsetilsalitsil kislotasiga yuqori sezuvchanlik) anamnezda, me'da-ichak trakti kasalliklari anamnezda (ayniqsa antibiotiklar bilan bog‘liq kolit), buyrak yetishmovchiligi, homiladorlik va emizish davri.