Bitta tabletkada quyidagi faol moddalari mavjud: 4 mg/5 mg tabletkada perindopril erbumin 4 mg, amlodipin besilat 6.935 mg (5 mg amlodipinga ekvivalent), 4 mg/10 mg tabletkada perindopril erbumin 4 mg, amlodipin besilat 13.870 mg (10 mg amlodipinga ekvivalent), 8 mg/5 mg tabletkada perindopril erbumin 8 mg, amlodipin besilat 6.935 mg (5 mg amlodipinga ekvivalent), 8 mg/10 mg tabletkada perindopril erbumin 8 mg, amlodipin besilat 13.870 mg (10 mg amlodipinga ekvivalent), yordamchi moddalari: mikrokristallik tsellyuloza, prejelatinizatsiyalangan kraxmal, natriy kraxmal glikolat, kalsiy xlorid, natriy gidrokarbonat, kolloid suvdan holi kremniy dioksidi, magniy stearat;

Amlyessa perindopril erbumin - AKF ingibitori va amlodipin - dihidropiridin guruhi kalsiy ionlari antagonistining kombinatsiyasidan iborat. AKF ni ingibitsiyalash plazmadagi angiotenzin II ni kamayishiga olib keladi, bu esa plazmadagi renin faolligining oshishiga va aldosteron ajralishining kamayishiga olib keladi. AKF ni ingibitsiyalash shuningdek, aylanuvchi va lokal kallikrein-kinin tizimi faolligining oshishiga (shuningdek, prostaglandin tizimi faollashuviga) olib keladi. Ehtimol, ushbu mexanizm AKF ingibitorlarining gipotenziya ta’sirining yuzaga kelishiga yordam beradi va qisman ba’zi nojo‘ya ta’sirlarni (masalan, yo‘tal) keltirib chiqaradi. Perindopril o‘zining faol metaboliti perindoprilat orqali ta’sir qiladi. Boshqa metabolitlar AKF ta’sirini ingibitsiyalash qobiliyatini ko‘rsatmagan. Gipertenziya Perindopril arterial gipertenziyaning har qanday darajasida - yengil, o‘rta va og‘ir - ta’sir ko‘rsatadi; sistolik va diastolik arterial bosimni ham yotgan, ham tik turgan holatda pasaytiradi. Perindopril periferik tomirlar qarshiligini kamaytiradi, bu esa arterial bosimning pasayishiga olib keladi. Natijada, periferik qon oqimi oshadi, yurak urish tezligiga ta’sir qilmaydi. Odatda, buyrak qon oqimi oshadi, glomerulyar filtrlash darajasi esa odatda o‘zgarmaydi. Maksimal gipotenziya faolligi bir martalik doza qabul qilingandan so‘ng 4-6 soatda erishiladi va kamida 24 soat davomida saqlanadi. Arterial bosim tezda pasayadi. Davolanishga sezgir bemorlarda arterial bosimning normallashuvi bir oy ichida yuz beradi va taxifilaksiya rivojlanmasdan saqlanadi. Davolashni to‘xtatish bekor qilish sindromi rivojlanishi bilan kechmaydi. Perindopril chap qorincha gipertrofiyasini kamaytiradi. Perindoprilning tomirlarni kengaytiruvchi ta’siri, yirik arteriyalarning elastikligini yaxshilashi va kichik arteriyalarning oqim/lumen nisbatini kamaytirishi tasdiqlangan. Barqaror koronar yurak kasalligi bo‘lgan bemorlar Perindopril erbumin 8 mg (bu 10 mg perindopril argininiga ekvivalent) kuniga bir marta qabul qilinganda asosiy yakuniy nuqtaning mutlaq ahamiyatli pasayishiga 1,9% (nisbiy xavfning 20% ga kamayishi) olib keladi. Miokard infarkti va/yoki revaskulyarizatsiya anamneziga ega bemorlarda asosiy yakuniy nuqtaning mutlaq pasayishi 2,2% ni tashkil etadi, bu esa platsebo bilan solishtirganda nisbiy xavfning (SOR) 22,4% ga kamayishiga mos keladi. Amlodipin – kalsiy ionlari antagonisti va sekin kanallar blokatori, miokard va tomirlarning silliq mushak hujayralariga kalsiy ionlarining membranalar orqali kirishini bloklaydi. Amlodipinning antigipertenziv ta’sir mexanizmi tomirlarning silliq mushaklariga to‘g‘ridan-to‘g‘ri bo‘shashtiruvchi ta’siri bilan bog‘liq. Amlodipinning stenokardiyada ta’sir mexanizmi to‘liq aniqlanmagan, biroq amlodipin ishemiyani ikki yo‘l bilan kamaytiradi: 1) periferik arteriolalarni kengaytiradi va shu tariqa umumiy periferik qarshilikni (postnagruzka) kamaytiradi, yurakning ishiga sarflanadigan kuch kamayadi; yurak urish tezligi barqaror bo‘lib qoladi, yurak yukining kamayishi miokard energiya sarfini va kislorodga bo‘lgan ehtiyojini kamaytiradi; 2) asosiy koronar arteriyalar va koronar arteriolalarni kengaytiradi, bu esa vazospastik stenokardiya (Prinzmetal stenokardiyasi yoki variant stenokardiya) bo‘lgan bemorlarda miokardga kislorod yetkazib berilishini oshiradi. Gipertenziyali bemorlarda amlodipinning bir martalik sutkalik dozasi arterial bosimni 24 soat davomida, yotgan va tik turgan holatda, klinik ahamiyatli darajada pasaytiradi. Stenokardiyali bemorlarda amlodipinning bir martalik sutkalik qabul qilinishi jismoniy yuklama vaqtini oshiradi, stenokardiya xurujining boshlanishini va ST segmenti depressiyasining (1 mm) rivojlanishini kechiktiradi, stenokardiya xurujlari chastotasini va nitroglitserin tabletkalarini iste’mol qilishni kamaytiradi. Amlodipin metabolizm va plazma lipidlariga hech qanday nojo‘ya ta’sir ko‘rsatmaydi va bronxial astma, qandli diabet va podagra bilan og‘rigan bemorlarni davolash uchun mos keladi.

Perindopril bilan bog‘liq Perindoprilni o‘z ichiga olgan AKEF ingibitorlari bilan davolanayotgan bemorlarda yuz, qo‘l-oyoq, lablar, shilliq qavatlar, til, ovoz yorig‘i va/yoki hiqildoqning angionevrotik shishi haqida kamdan-kam hollarda xabarlar mavjud. Bunday hollarda Amlyessa® qabulini darhol to‘xtatish va simptomlar to‘liq yo‘qolguniga qadar zarur monitoring o‘tkazish lozim. Odatda, shish faqat yuz va lablarni qamrab olgan hollarda, u hech qanday davolashsiz o‘tib ketgan, antigistamin preparatlar simptomlarni yengillashtirishga yordam bergan. Hiqildoq shishi bilan kechuvchi angionevrotik shish o‘limga olib kelishi mumkin. Til, ovoz yorig‘i yoki hiqildoq shishi, nafas yo‘llarining obstruksiyasi ehtimoli bo‘lsa, darhol birinchi yordam ko‘rsatish lozim, bu adrenalin buyurishni va/yoki nafas yo‘llarining ochiqligini ta’minlashni o‘z ichiga olishi mumkin. Bemor doimiy tibbiy nazorat ostida bo‘lishi kerak. 

Homiladorlik yoki emizish davrida qo‘llash

Homiladorlik

AKEF ingibitorlari homiladorlik davrida qo‘llash uchun kontraindikatsiyalangan (qarang bo‘limlar «Kontraindikatsiyalar» va «Qo‘llash xususiyatlari»).

AKEF ingibitorlari bilan homiladorlikning I trimestrida ta’sir qilgandan keyin teratogenlik xavfi bo‘yicha epidemiologik xulosalar noaniq; biroq, xavfning biroz oshishi istisno qilinmaydi. Homiladorlikni rejalashtirayotgan bemorlarni homiladorlik davrida qo‘llash uchun tasdiqlangan xavfsizlik profiliga ega bo‘lgan alternativ antigipertenziv davolashga o‘tkazish lozim. Agar homiladorlik aniqlansa, AKEF ingibitorlari bilan davolashni darhol to‘xtatish va imkon bo‘lsa, alternativ terapiyani boshlash kerak.

Ma’lumki, AKEF ingibitorlarini homiladorlikning II va III trimestrida qo‘llash fetotoksiklik rivojlanishiga (buyrak funksiyasining pasayishi, oligogidramnion, bosh suyakning ossifikatsiyasi kechikishi) va neonatoksiklikka (buyrak yetishmovchiligi, arterial gipotenziya, giperqaliemiya) olib kelishi mumkin.

Agar AKEF ingibitorlari homiladorlikning II trimestrida qo‘llangan bo‘lsa, embrion buyrak funksiyasi va bosh suyakni ultratovush tekshiruvi o‘tkazish tavsiya etiladi.

AKEF ingibitorlarini qabul qilgan onalarning chaqaloqlarini arterial gipotenziya, oliguriya va giperqaliemiya borasida diqqat bilan tekshirish lozim (qarang bo‘limlar «Kontraindikatsiyalar» va «Qo‘llash xususiyatlari»).

Agar davolash vaqtida homiladorlik tasdiqlansa, uni darhol to‘xtatish va homiladorlarga ruxsat etilgan boshqa dori vositasi bilan almashtirish zarur.

Emizish davri

Amlodipin ko‘krak sutiga o‘tadi. Ona tomonidan qabul qilingan dozaning bir qismi chaqaloqqa o‘tishi interkvartil oraliqda 3-7%, maksimal 15% deb baholangan. Amlyessa preparatini emizish davrida qo‘llash bo‘yicha ma’lumotlar yo‘qligi sababli, preparatni bu davrda qo‘llash tavsiya etilmaydi. Ayniqsa, yangi tug‘ilgan yoki muddatidan oldin tug‘ilgan bolalarda emizish davrida xavfsizlik profili yaxshiroq bo‘lgan dori vositalariga ustunlik berish lozim.

Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati

Avtomobil boshqarish yoki turli mexanizmlar bilan ishlashda preparatning bosh aylanishi yoki holsizlik kabi nojo‘ya reaksiyalari rivojlanishi mumkinligini hisobga olish lozim. 

 

Odamlarda Amlessa bilan dozani oshirib yuborish haqida ma'lumot yo'q.

Dozani oshirib yuborish (amlodipinni katta dozalarda qabul qilish) haddan tashqari periferik vazodilatatsiyaga va natijada sezilarli va, ehtimol, uzoq davom etuvchi tizimli arterial gipotenziyaga, shu jumladan shok rivojlanishi va o'limgacha olib kelishi mumkin. Amlodipin gemodializda chiqarilmaydi.

Davolash

Amlodipin bilan dozani oshirib yuborish natijasida yuzaga kelgan klinik ahamiyatli arterial gipotenziya yurak-qon tomir tizimi funksiyalarini qo‘llab-quvvatlashga qaratilgan faol choralarni, shu jumladan yurak va o‘pka faoliyati ko‘rsatkichlarini monitoring qilish, bemorni yotqizib, pastki oyoqlarini ko‘tarilgan holda joylashtirish, aylanib yuruvchi qon hajmini, diurezni nazorat qilishni talab qiladi.

Tomirlar tonusini va normal arterial bosim darajasini tiklash uchun tomirlarni toraytiruvchi vositalarni buyurish ko‘rsatilgan. Kalsiy kanallarining blokadasi oqibatlarini bartaraf etish uchun vena ichiga kalsiy glyukonat yuborish kerak.

Ba'zi hollarda me'dani yuvish foydali bo'lishi mumkin.

Amlodipin katta darajada qon oqsillari bilan bog'lanadi, shuning uchun dializ samaradorligi ehtimoldan yiroq.

Odamlarda perindopril bilan dozani oshirib yuborish bo‘yicha ma’lumotlar cheklangan. AKE ingibitorlari bilan dozani oshirib yuborish simptomlari arterial gipotenziya, shok, elektrolit muvozanatining buzilishi, buyrak yetishmovchiligi, giperventilyatsiya, taxikardiya, yurak urishining tezlashishi, bradikardiya, bosh aylanishi, bezovtalik, yo‘tal hisoblanadi. Davolash fiziologik eritmani vena ichiga yuborish orqali amalga oshiriladi. Arterial gipotenziya paydo bo‘lsa, bemorga past boshli gorizontal holat berish kerak. Angiotenzin II va/yoki katexolaminlarni ham yuborish mumkin. Perindoprilni tizimli qon aylanishidan gemodializ yordamida chiqarish mumkin (qarang «Qo‘llash xususiyatlari» bo‘limi). Davolashga bo‘ysunmaydigan bradikardiyani bartaraf etish uchun yurak ritmini boshqaruvchi qurilmani implantatsiya qilish masalasi ko‘rib chiqiladi. Hayotiy muhim ko‘rsatkichlar, elektrolitlar va qon zardobidagi kreatinin darajasini doimiy nazorat qilish zarur.