1 tabletkada: faol modda: ambroksol gidroxlorid - 30 mg; yordamchi moddalari: sut shakari (laktoza), kartoshka kraxmal, kalsiy stearat, aerosil (kremniy dioksidi).

Nafas yo‘llarining quyuq balg‘am hosil bo‘lishi bilan kechadigan kasalliklari: o‘tkir va surunkali bronxit, pnevmoniya, XOBL, balg‘am ajralishi qiyin bo‘lgan bronxial astma, bronxoektatik kasallik. Prenatal o‘pka yetilishining stimulyatsiyasi, davolash va oldini olish (muddatidan oldin tug‘ruq xavfi bo‘lganda va 28 dan 34 haftagacha bo‘lgan homiladorlik davrida klinik manzara homiladorlik muddatini 3 kun uzaytirishni taxmin qilishga imkon bersa, sun’iy muddatidan oldin tug‘ruq ko‘rsatilgan hollarda) muddatidan oldin tug‘ilgan bolalar va yangi tug‘ilgan chaqaloqlarda respirator distress-sindromi.

— kam uchraydigan irsiy kasalliklar, masalan, galaktozani o‘zlashtira olmaslik, laktaza yetishmovchiligi yoki glyukoza-galaktoza malabsorbsiyasi (shippildoq tabletkalar uchun); — fenilketonuriya (shippildoq tabletkalar uchun); — homiladorlik (I trimestr); — 12 yoshgacha bo‘lgan bolalar (shippildoq tabletkalar); — preparatning barcha komponentlariga yuqori sezuvchanlik. Ehtiyotkorlik bilan: jigar yetishmovchiligi, buyrak yetishmovchiligi, me’da va o‘n ikki barmoqli ichak yara kasalligi, homiladorlik (II va III trimestr), laktatsiya davri, 1 yoshgacha bo‘lgan bolalar (sirop).

Og'iz orqali, ovqatdan keyin, ko'p miqdorda suyuqlik bilan ichiladi. Kattalar va 12 yoshdan katta bolalarga - kuniga 3 marta 1 tabletka (30 mg). Zarur bo'lsa, terapevtik ta'sirni kuchaytirish uchun kuniga 2 marta 2 tabletka (60 mg) buyurish mumkin. Kasallik og'ir kechgan hollarda butun davolash kursi davomida doza kamaytirilmaydi. 12 yoshgacha bo'lgan bolalarga sirop shaklida. Shifokor bilan maslahatlashmasdan preparatni 5 kundan ortiq qabul qilish tavsiya etilmaydi.

Allergik reaksiyalar: teri toshmasi, eshakemi, angionevrotik shish, ayrim hollarda - allergik kontakt dermatiti, anafilaktik shok. Kamdan-kam hollarda - umumiy holsizlik, bosh og‘rig‘i, diareya, dizuriya, ekzantemalar, rinit, qabziyat. Uzoq muddat yuqori dozalarda qo‘llanganda - gastralgiya, ko‘ngil aynishi, qusish.

Preparat balg'am ko'chiruvchi, mukolitik ta'sirga ega. Balg'amning quyuqligi mukopolisaxaridlarning depolimerizatsiyasi natijasida kamayadi, ular balg'amda mavjud. Mukopolisaxaridlarning depolimerizatsiyasi, avvalo, ularning molekulalaridagi disulfid bog'larning uzilishi bilan bog'liq. Ambroksol kiprikli epiteliy harakat faolligini oshiradi, mukosiliyar transportni kuchaytiradi, balg'amning seroz va shilliq komponentlari nisbatini normallashtiradi. Gidrolizlovchi fermentlarni faollashtirib va Klark hujayralaridan lizosomalarni ajralishini kuchaytirib, balg'amning quyuqligini kamaytiradi. Nafas yo'llaridan balg'amni chiqarishni osonlashtiradi. Ambroksol prenatal davrda o'pkani rivojlanishini stimulyatsiya qiladi, alveolalarda surfaktant sintezi va sekretsiyasini oshiradi. Surfactant sintezi nafas olish tizimining surunkali kasalliklari natijasida kamayadi, bundan tashqari, surfaktant xossalari yuzaki faol fosfolipidlar va yallig'lanish oqsillari o'rtasida bog'lar hosil bo'lishi sababli o'zgaradi.

Ambroksolni yo'tal refleksini susaytiruvchi antitusiv preparatlar bilan bir vaqtda qabul qilish tavsiya etilmaydi. Ambroksolni yo'tal refleksi zaiflashgan yoki mukosiliyar transport buzilgan bemorlarda balg'am to'planishi ehtimoli tufayli ehtiyotkorlik bilan qo'llash kerak. Ambroksol qabul qilayotgan bemorlarga nafas gimnastikasi tavsiya etilmaydi; kasallik og'ir kechayotgan bemorlarda suyultirilgan balg'amni aspiratsiya qilish kerak. Bronxial astma bilan kasallangan bemorlarda ambroksol yo'talni kuchaytirishi mumkin. Ambroksolni to'g'ridan-to'g'ri uxlashdan oldin qabul qilish tavsiya etilmaydi. Og'ir teri shikastlanishlari - Stivens-Djonson sindromi yoki Layell sindromi bo'lgan bemorlarda erta bosqichda harorat, tana og'rig'i, rinit, yo'tal va tomoq og'rig'i paydo bo'lishi mumkin. Simptomatik davolashda ambroksol gidroxlorid kabi mukolitik vositalarni noto'g'ri buyurish mumkin. Stivens-Djonson sindromi va Layell sindromi aniqlangan, preparatni qabul qilish bilan bir vaqtda yuzaga kelgan alohida holatlar haqida xabarlar mavjud; biroq, preparatni qabul qilish bilan sabab-oqibat bog'liqligi aniqlanmagan. Yuqorida ko'rsatilgan sindromlar rivojlanganida davolashni to'xtatish va darhol tibbiy yordamga murojaat qilish tavsiya etiladi. Buyrak funksiyasi buzilganida ambroksolni faqat shifokor tavsiyasiga ko'ra qo'llash kerak. Ambroksol eritmasini kromoglitseva kislotasi va ishqoriy eritmalar bilan aralashtirish tavsiya etilmaydi. Giponatriy dietasiga rioya qilayotgan bemorlar shuni inobatga olishlari kerakki, ambroksol eritmasining 1 ml da 10 mg natriy mavjud. Kattalar va 12 yoshdan katta bolalar uchun maksimal sutkalik dozada 120 mg natriy mavjud. Ambroksol eritmasi benzalkoniya xlorid (konservant) saqlaydi. Nafas yo'llari gipereaktivligi bo'lgan bemorlarda bu konservant inhalatsiya vaqtida bronxospazm chaqirishi mumkin. Avtotransport vositalarini boshqarish va mexanizmlar bilan ishlash qobiliyatiga ta'siri Hozirgi vaqtgacha transport boshqarish va mexanizmlarni boshqarish qobiliyatiga ta'siri noma'lum

Balg'am ajralishini qiyinlashtiruvchi yo'talga qarshi dori vositalari bilan birga qo'llash tavsiya etilmaydi.

Belgilari: ko'ngil aynishi, qusish, diareya, dispepsiya. Davolash: sun'iy qusish chaqirish, preparat qabul qilingandan keyin 1-2 soat ichida oshqozonni yuvish; yog'li mahsulotlarni qabul qilish.