ta'sir qiluvchi modda: ambroksol gidroxlorid 5 ml siropda 15 mg ambroksol gidroxlorid (100% quruq modda hisobida) Yordamchi moddalari: natriy benzoat (E 211), propilenglikol, glitserin, natriy saxarin, sorbit (E 420), gidroksietilsellyuloza, limon kislotasi monogidrat, o'rik aromatizatori, apelsin aromatizatori, mentol, tozalangan suv.

Bronxial sekretsiya buzilishi va balg‘am ajralishi susayishi bilan bog‘liq o‘tkir va surunkali bronx-o‘pka kasalliklarida sekretolitik terapiya.

Ambroksolga yoki preparatning boshqa komponentlariga yuqori sezuvchanlik (allergiya) irsiy fruktoza intoleransi.

2 yoshgacha: 2,5 ml (1/2 o'lchov qoshiq) kuniga 2 marta, bu kuniga 15 mg ambroksolga teng; 2 yoshdan 6 yoshgacha: 2,5 ml (1/2 o'lchov qoshiq) kuniga 3 marta, bu kuniga 22,5 mg ambroksolga teng; 6 yoshdan 12 yoshgacha: 5 ml (1 o'lchov qoshiq) kuniga 2-3 marta, bu kuniga 30-45 mg ambroksolga teng. Preparatni ovqatdan qat'i nazar qabul qilish mumkin. Ovqat qabul qilish preparat samaradorligiga ta'sir qilmaydi. O'tkir kasalliklarda, agar simptomlar yo'qolmasa va/yoki preparat qabul qilinishiga qaramay kuchaysa, davolovchi shifokor bilan maslahatlashish kerak. 2 yoshgacha bo'lgan bolalarga shifokor ko'rsatmasi bo'yicha qo'llaniladi.

Preparat bemorlar tomonidan yaxshi ko‘tariladi. Ovqat hazm qilish trakti: dispepsiya, qorinda kuyish, ko‘ngil aynishi, qusish, qorinda og‘riq, diareya/qabziyat, gipersalivatsiya, og‘izda qurish, og‘iz va/yoki halqum shilliq qavatining gipesteziyasi. Nafas olish tizimi: rinoreya, yuqori nafas yo‘llari shilliq qavatining qurishi, nafas qisishi (gipersensitivlik reaksiyasi belgisi sifatida). Siydik ajratish tizimi: dizuriya. Nerv tizimi: disgevsiyа (ta'm sezgilarining buzilishi). Immun tizimi, teri va teri osti to‘qimalari: qichishish, to‘shma, urtikariya, anafilaktik reaksiyalar (angioretik shish, anafilaktik shokni o‘z ichiga oladi), tana haroratining ko‘tarilishi, sovuq urishi, boshqa allergik reaksiyalar. Juda kam hollarda quyidagilar yuzaga kelishi mumkin: teri og‘ir shikastlanishlari, masalan, ko‘p shaklli eritema, Stivens-Djonson sindromi va Layell sindromi, o‘tkir generalizatsiyalashgan ekzantematoz pustulez. Boshqa: shilliq qavatlar tomonidan reaksiyalar.

Mukolitik vositalar, masalan, ambroksol gidroxlorid qo‘llanilganda, Stivens-Djonson sindromi, Layell sindromi (toksik epidermal nekroliz) kabi terining og‘ir shikastlanishlari bo‘yicha alohida holatlar haqida xabar berilgan. Asosan, ularni asosiy kasallikning og‘irligi va / yoki hamroh terapiya bilan izohlash mumkin edi. Bundan tashqari, Stivens-Djonson sindromi yoki Layell sindromining dastlabki bosqichida bemorlarda grippga o‘xshash noaniq prodromal simptomlar, masalan, isitma, tana og‘rig‘i (suzib yuruvchi og‘riq), rinit, yo‘tal, tomoq og‘rig‘i kuzatilishi mumkin. Ularni noto‘g‘ri baholash natijasida bemorlar yo‘tal va shamollash simptomatik davolash uchun preparatlar qabul qilgan bo‘lishi mumkin. Shu sababli, Ambroksol 15 qo‘llanilganda teri va / yoki shilliq qavatlar shikastlanishi paydo bo‘lsa, preparatni darhol to‘xtatish va tibbiy yordamga murojaat qilish kerak. Preparatni me’da va / yoki o‘n ikki barmoqli ichak yarasi bo‘lgan bemorlarga ehtiyotkorlik bilan qo‘llash kerak. Buyrak funksiyasi buzilganda yoki jigar kasalliklari og‘ir bo‘lsa, Ambroksol 15 faqat shifokor bilan maslahatlashgandan so‘ng qo‘llanilishi kerak, ehtimol preparatni qabul qilish oralig‘ini uzaytirish yoki dozasini kamaytirish talab qilinadi. Ambroksol gidroxlorid jigarda metabolizatsiyalanadi va buyraklar orqali organizmdan chiqariladi, shuning uchun og‘ir buyrak yetishmovchiligida ambroksol va / yoki uning metabolitlari jigarda to‘planishi mumkin. Davolash davomida preparatning mukolitik ta’sirini kuchaytirish uchun yetarli miqdorda suyuqlik (sharbatlar, choy, suv) ichish zarur. Preparat sorbit saqlaydi. Fruktozani o‘zlashtira olmaslikning kam uchraydigan irsiy muammolari bo‘lgan bemorlar ushbu preparatni qabul qilmasliklari kerak. Sorbit, shuningdek, yengil ich ketishiga olib kelishi mumkin. Ambroksol 15 tarkibida shakar yo‘q, shuning uchun uni qandli diabet bilan kasallangan bemorlarga qo‘llash mumkin. Alkogol saqlamaydi. Ambroksol 15 boshqa yo‘talga qarshi preparatlar bilan birga qo‘llanilganda, yo‘tal kamayganda balg‘am ajralishi buziladi. Shilliq sekretsiyasi kuchayganida, bronxomotor funksiyalar buzilganda (masalan, bunday kam uchraydigan genetik jihatdan aniqlanadigan kasallikda, birlamchi siliyar diskinziya kabi) mukolitik vositalarni (shu jumladan ambroksolni) ehtiyotkorlik bilan qo‘llash kerak, chunki ko‘p miqdorda shilliq to‘planishi xavfi mavjud. 2 yoshgacha bo‘lgan bolalarga preparatni qo‘llashdan oldin shifokor bilan maslahatlashish kerak. Homiladorlik yoki emizish davrida qo‘llash Preparatni homiladorlikning I trimestrida qo‘llash tavsiya etilmaydi, II va III trimestrlarida preparatni onaga foyda va homilaga mumkin bo‘lgan xavf nisbati sinchiklab baholangandan so‘ng qo‘llash mumkin. Ambroksol ko‘krak suti tarkibiga o‘tadi, shuning uchun preparatni emizish davrida qo‘llash tavsiya etilmaydi. Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati Preparat bolalarda qo‘llash uchun mo‘ljallangan.

Farmakodinamiya. Ambroksol nafas yo'llari bezlarining sekretsiyasini oshiradi, nafas yo'llari tukchalari faolligini stimulyatsiya qiladi, o'pkada surfaktant hosil bo'lishini kuchaytiradi. Ushbu ta'sirlar shilliqning ajralishini va uning chiqarilishini (mukotsiliyar klirens) yaxshilaydi. Suyuqlik sekretsiyasining faollashuvi va mukotsiliyar klirensning oshishi shilliqni chiqarishni osonlashtiradi va yo'talni kamaytiradi. Farmakokinetika. Ta'siri preparat qabul qilingandan 30 daqiqa o'tgach boshlanadi va taxminan 10 soat davom etadi. Preparatning so'rilishi tez va yetarlicha to'liq. Qon plazmasida maksimal darajaga 0,5-3 soatda erishiladi. Ambroksolning qon plazmasi oqsillari bilan bog'lanish darajasi 80-90% ni tashkil etadi. Ambroksolning qondan to'qimalarga taqsimlanishi tez, faol moddaning yuqori konsentratsiyasi o'pkada aniqlanadi. Preparat gematoensefalik va platsentar to'siqlardan o'tadi, ko'krak suti tarkibiga o'tadi. Ambroksol jigarda kon'yugatsiya yo'li bilan metabolizmga uchraydi. Qon plazmasidan yarim chiqarilish davri 10 soatni tashkil etadi; kumulyatsiya aniqlanmagan. Suvda eriydigan metabolitlar ko'rinishida taxminan 90% buyraklar orqali, o'zgarmagan holda – 5% chiqariladi. Og'ir surunkali buyrak yetishmovchiligida yarim chiqarilish davri uzayadi.

Ambroksolni antibiotiklar (amoksitsillin, tsefuroksim, eritromitsin, doksitsiklin) bilan birga qo'llash antibiotiklarning o'pka to'qimalaridagi konsentratsiyasini oshiradi. Ambroksol 15 ni yo'talga qarshi preparatlar bilan birga qo'llash yo'tal kamayganda balg'am ajralishini qiyinlashtiradi. Shuning uchun bunday birikma faqat shifokor tomonidan kutilayotgan foyda va mumkin bo'lgan xavf nisbati ehtiyotkorlik bilan baholangandan so'ng qo'llanilishi mumkin.

Hozirgi vaqtda ambroksolning dozani oshirib yuborilishiga xos alomatlar noma'lum. Tasodifiy dozani oshirib yuborish va/yoki noto'g'ri qo'llashda ambroksol gidroxloridining nojo'ya ta'sirlariga mos keluvchi simptomlar kuzatilishi mumkin. Davolash simptomatik.