100 ml sirop tarkibida: faol modda: ambroksol gidroxlorid 0,30 g; yordamchi moddalari: suyuq sorbitol 70 % 60,00 g, propilenglikol 5,00 g, malinali aromatizator 0,10 g, saxarin 0,01 g, tozalangan suv 49,44 g.

Balg‘am hosil bo‘lishi va ajralishi buzilishi bilan kechadigan o‘tkir va surunkali nafas yo‘llari kasalliklari.

- ambroksolga yoki yordamchi moddalardan biriga yuqori sezuvchanlik; - homiladorlik (I trimestr); - saxaraza/izomaltaza yetishmovchiligi, fruktozani o'zlashtira olmaslik, glyukoza-galaktoza malabsorbsiya. Ehtiyotkorlik bilan: bronxlarning motor funksiyasi buzilishi va balg'am ko'payishi (harakatsiz kiprikchali sindromda), me'da va 12 barmoqli ichak yarasi zo'raygan davrda, homiladorlik (II-III trimestr), laktatsiya davri. Buyrak funksiyasi buzilgan yoki og'ir jigar kasalliklari bo'lgan bemorlar Ambrobene ni alohida ehtiyotkorlik bilan, qabul qilishlar orasida uzoqroq tanaffus bilan yoki preparatni kamroq dozada qabul qilishlari kerak.

Sirop ovqatdan keyin, birga berilgan o‘lchov stakanchik yordamida qabul qilinadi. 2 yoshgacha bo‘lgan bolalarga ½ o‘lchov stakanchik (2,5 ml sirop) kuniga 2 marta (kuniga 15 mg ambroksol) qabul qilish kerak. 2 yoshdan 6 yoshgacha bo‘lgan bolalarga ½ o‘lchov stakanchik (2,5 ml sirop) kuniga 3 marta (kuniga 22,5 mg ambroksol) qabul qilish kerak. 6 yoshdan 12 yoshgacha bo‘lgan bolalarga 1 o‘lchov stakanchik (5 ml sirop) kuniga 2-3 marta (kuniga 30 - 45 mg ambroksol) qabul qilish kerak. Kattalar va 12 yoshdan katta bolalarga davolashning dastlabki 2-3 kunida 2 o‘lchov stakanchik (10 ml sirop) kuniga 3 marta (kuniga 90 mg ambroksol) qabul qilish kerak. Davolash samarasiz bo‘lsa, kattalar dozasini 4 o‘lchov stakanchik (20 ml sirop) kuniga 2 marta (kuniga 120 mg ambroksol) gacha oshirishi mumkin. Keyingi kunlarda 2 o‘lchov stakanchik (10 ml sirop) kuniga 2 marta (kuniga 60 mg ambroksol) qabul qilish kerak. Davolash davomiyligi kasallik kechishiga qarab individual tanlanadi. Ambrobene ni shifokor ko‘rsatmasisiz 4-5 kundan ortiq qabul qilish tavsiya etilmaydi. Preparatning mukolitik effekti ko‘p miqdorda suyuqlik qabul qilinganda namoyon bo‘ladi. Shuning uchun davolash davomida ko‘p suyuqlik ichish tavsiya etiladi.

Umumiy buzilishlar: Kamdan-kam hollarda (≥ 0,1 % dan < 1 % gacha): allergik reaksiyalar (kurapka, teri toshmasi, yuzning angionevrotik shishi, nafas qisishi, qichishish), isitma, holsizlik, bosh og‘rig‘i. Juda kam hollarda (< 0,01 %): anafilaktik reaksiyalar, shu jumladan anafilaktik shok. Ovqat hazm qilish tizimi tomonidan: Kamdan-kam hollarda (≥ 0,1 % dan < 1 % gacha): ko‘ngil aynishi, qorin og‘rig‘i, qusish, diareya, qabziyat. Boshqalar: Kamdan-kam hollarda (≥ 0,1 % dan < 1 % gacha): og‘iz va nafas yo‘llari shilliq qavatining qurishi, ekzantemalar, rinoreya, dizuriya.

Ambroksol benzilamin hisoblanadi – bromgexinning metaboliti. Bromgexindan metil guruhi yo‘qligi va siklogeksil halqasining para-trans holatida gidroksil guruhi mavjudligi bilan farq qiladi. Sekretomotor, sekretolitik va balg‘am ko‘chiruvchi ta’sirga ega. Og‘iz orqali qabul qilingandan so‘ng ta’siri 30 daqiqadan keyin boshlanadi va 6-12 soat davom etadi (qabul qilingan doza miqdoriga bog‘liq). Doklinik tadqiqotlar ambroksol bronxlar shilliq qavati bezlarining seroz hujayralarini stimulyatsiya qilishini ko‘rsatdi. Kiprikli epiteliy hujayralarini faollashtirib va balg‘amning quyuqligini kamaytirib, mukotsiliyar transportni yaxshilaydi. Ambroksol surfaktant hosil bo‘lishini faollashtiradi, alveolyar pnevmotsitlarning 2-turi va kichik nafas yo‘llarining Klara hujayralariga bevosita ta’sir ko‘rsatadi. Hujayra madaniyatlarida va hayvonlarda in vivo o‘tkazilgan tadqiqotlar ambroksol surfaktant moddasining hosil bo‘lishi va sekretsiyasini stimulyatsiya qilishini, bu modda esa embrion va kattalarda alveola va bronxlar yuzasida faol ekanligini ko‘rsatdi. Shuningdek, doklinik tadqiqotlarda ambroksolning antioksidant ta’siri isbotlangan. Ambroksol antibiotiklar (amoksitsillin, tsefuroksim, eritromitsin, doksitsiklin) bilan birga qo‘llanganda ularning balg‘am va bronx sekretsiyasidagi konsentratsiyasini oshiradi. Farmakokinetika Og‘iz orqali qabul qilinganda ambroksol deyarli to‘liq oshqozon-ichak traktidan so‘riladi. Maksimal konsentratsiyaga og‘iz orqali qabul qilingandan 1-3 soat o‘tib erishiladi. Presistem metabolizm tufayli ambroksolning mutlaq biologik o‘zlashtirilishi og‘iz orqali qabul qilingandan so‘ng taxminan ⅓ ga kamayadi. Shu bilan bog‘liq ravishda hosil bo‘ladigan metabolitlar (masalan, dibromoantranil kislotasi, glyukuronidlar) buyraklar orqali chiqariladi. Plazma oqsillari bilan bog‘lanishi taxminan 85 % (80-90 %) ni tashkil etadi. Plazmadan yarim chiqarilish davri 7 dan 12 soatgacha. Ambroksol va uning metabolitlarining umumiy yarim chiqarilish davri taxminan 22 soatni tashkil etadi. Asosan buyraklar orqali metabolitlar ko‘rinishida chiqariladi – 90 %, 10 % dan kamrog‘i o‘zgarmagan holda chiqariladi. Plazma oqsillari bilan yuqori bog‘lanish, taqsimlanish hajmining katta bo‘lishi va to‘qimalardan qonga sekin qayta taqsimlanishi hisobga olinsa, ambroksolni dializ yoki majburiy diurezda sezilarli chiqarilishi sodir bo‘lmaydi. Og‘ir jigar kasalliklari bo‘lgan bemorlarda ambroksol klirensi 20-40 % ga kamayadi. Og‘ir buyrak yetishmovchiligi bo‘lgan bemorlarda ambroksol metabolitlarining yarim chiqarilish davri uzayadi. Ambroksol orqa miya suyuqligiga va platsentar to‘siq orqali o‘tadi, shuningdek, ko‘krak sutiga ajraladi.

Balg‘amni chiqarishni qiyinlashtiradigan yo‘talga qarshi dori vositalari bilan birga qo‘llash tavsiya etilmaydi. 2 yoshgacha bo‘lgan bolalarda preparatni faqat shifokor ko‘rsatmasi bo‘yicha qo‘llash mumkin. Juda kam hollarda ambroksol qo‘llanganda og‘ir shakldagi teri reaksiyalari, masalan, Stivens-Djonson sindromi va Layell sindromi kuzatilgan. Teri yoki shilliq qavatlarida o‘zgarishlar paydo bo‘lsa, darhol shifokorga murojaat qilish va preparatni qabul qilishni to‘xtatish zarur. Transport vositalarini boshqarish va mashina hamda mexanizmlarni boshqarish qobiliyatiga ta’siri hozirgacha noma’lum. Kaloriyalilik 2,6 kkal/g sorbitolni tashkil etadi. Sorbitol engil ich ketish ta’sirini ko‘rsatishi mumkin. 1 o‘lchov stakan (5 ml sirop) 2,1 g sorbitolni o‘z ichiga oladi, bu 0,18 XE ga mos keladi.

Belgilar: Ambroksolning dozasi oshirilganda intoksikatsiya belgilari aniqlanmagan. Asabiy qo‘zg‘alish va diareya haqida ma’lumotlar mavjud. Ambroksol og‘iz orqali qabul qilinganda kuniga 25 mg/kg dozada yaxshi o‘zlashtiriladi. Og‘ir dozani oshirib yuborishda so‘lak ajralishining kuchayishi, ko‘ngil aynishi, qusish, arterial bosimning pasayishi mumkin. Davolash: Intensiv terapiya usullari, masalan, qusishni chaqirish, oshqozonni yuvish, faqat og‘ir dozani oshirib yuborish holatlarida, preparat qabul qilinganidan keyin dastlabki 1-2 soat ichida qo‘llanilishi kerak. Simptomatik davolash ko‘rsatilgan.