Quruq, yorug‘likdan himoyalangan joyda, +5 °C dan +25 °C gacha bo‘lgan haroratda saqlansin. Bolalar ololmaydigan joyda saqlansin. 

 Kalsiy asosiy mikroelement bo‘lib, suyaklarning mustahkamligini ta’minlaydi, uning 99% suyak to‘qimalarida va 1% yumshoq to‘qimalarda mavjud. Kalsiy hujayra va to‘qima suyuqliklarining doimiy tarkibiy qismi bo‘lib, ular organizm hujayralarining o‘sishi va faoliyati jarayonlarida, shuningdek, ichak tomonidan oziq moddalar so‘rilishida ishtirok etadi. Kalsiy organizmning himoya kuchlarini mustahkamlaydi va uni agressiv omillar va infeksiyalarga nisbatan bardoshliligini oshiradi, hujayralarning gipersezgirligini kamaytiradi va allergiyani bartaraf etadi, Krebs sikli va ATF sintezini faollashtiradi, hujayra membranalari va tomir devorlarining o‘tkazuvchanligini normallashtiradi, og‘ir metall ionlarini chiqarishga yordam beradi. Kalsiy homilaning normal jismoniy rivojlanishi uchun zarur bo‘lgan eng muhim minerallardan biri hisoblanadi, chunki u suyaklar, tishlar, asab tizimi, mushaklar va teri, ichki organlar, soch va tirnoqlarning shakllanishida, shuningdek, asosiy biokimyoviy reaksiyalarni amalga oshiruvchi fermentlarning asosiy kofaktori sifatida ishtirok etadi. Kalsiy quyidagi jarayonlarda muhim rol o‘ynaydi: mushaklarning reaksiyasi, qonni ivishi, asab impulslarini o‘tkazish, yurak mushaklarining ritmi va qisqarishi, bolalarda suyaklarning shakllanishi va osteoporoz (suyak tuzilmasining bo‘shashishi) profilaktikasida. Kalsiyning dastlabki zaxirasi inson tomonidan tug‘ilishidan oldin onadan olinadi. Tug‘ilgandan so‘ng organizm kalsiyni tashqaridan oladi. Sabzavotlar, mevalar, ko‘katlar, sut va boshqalar – bu mahsulotlarning barchasi organizmga kalsiy olib kiradi. Biroq, shuni tushunish muhimki, ovqat bilan organizmga tushadigan kalsiy 20% dan ortiq o‘zlashtirilmaydi. Shuningdek, organizmdagi kalsiy miqdorini kamaytirishga yordam beruvchi omillar ham mavjud. Bular chekish, alkogol, shakarli mahsulotlar va ichimliklarni iste’mol qilish, bir qator gormonal dori vositalarini qo‘llashdir. Kundalik ovqatlanishda yetarli miqdorda kalsiy olmaydigan odamlar uni qo‘shimcha ravishda qabul qilishga muhtoj.
“Aktiv kalsiy A.A.G.”ning o‘ziga xos xususiyati shundaki, har bir kalsiy ioni ilgari analogi bo‘lmagan yuqori texnologiyalar yordamida solvat qobig‘ida bo‘ladi va kalsiy konsentratsiyasi hujayralararo suyuqlik va plazmada me’yordan past bo‘lmaguncha jarayonlarda ishtirok etmaydi. Massalar ta’siri qonuniga muvofiq, solvat (suvli) qobiq aynan organizmga kalsiy kerak bo‘lgan vaqtda kalsiy ionini ajratib chiqaradi. Shu tariqa, “Aktiv kalsiy A.A.G.” qonda kalsiy konsentratsiyasining ortiqcha bo‘lishi va shu bilan bog‘liq nojo‘ya ta’sirlarni istisno qiladi.