1 flakon tarkibida: L-karnitin - 100 mg. Koenzim Q10 - 3 mg. Omega-3 (DHA) - 100 mg.

Quyidagilarda tavsiya etilishi mumkin: muddatidan oldin tug‘ilgan va tug‘ruq jarohati yoki asfiksiya bilan tug‘ilgan chaqaloqlarni parvarish qilishda; emish refleksi sust va tana vazni kam qo‘shilayotgan, mushak tonusi pasaygan, harakat va psixik funksiyalari yetarli rivojlanmagan bolalarda, shuningdek, xavf guruhidagi bolalarda ushbu buzilishlarning oldini olish maqsadida; 16 yoshgacha bo‘lgan bolalar va o‘smirlarda o‘sishning orqada qolishi va tana vaznining yetishmasligida; 1 yoshdan boshlab bolalarda: dilatatsion kardiomiopatiya, aritmiyalar, surunkali gastro-duodenit, surunkali piyelonefrit, metabolik nefropatiya, migren, neyrotsirkulyator distoniya, irsiy neyrodegenerativ kasalliklar (mitoxondrial ensefalomiopatiya (MELAS sindromi), Leyg sindromi, tuberoz skleroz), tug‘ma miopatiyalar, mushak distrofiyalari; modda almashinuvi buzilishi bilan bog‘liq kasalliklarda (astenik sindrom, og‘ir kasalliklar va jarrohlik aralashuvlardan keyingi tiklanish davri); bolalarda yurakda operatsiyalarga tayyorgarlik davrida (tug‘ma va orttirilgan nuqsonlar); bolalarda jismoniy va aqliy yuklamalarga moslashishni yaxshilash uchun, imtihon topshirishda; koenzim Q10, levokarnitin va omega 3 yetishmovchiligini oldini olish va to‘ldirish uchun (shu jumladan bolalarda, homiladorlik va emizish davrida).

Preparat tarkibiy qismlariga yuqori sezuvchanlik.

Tomchilar ovqatdan keyin og‘iz orqali qabul qilinadi. 1 yoshgacha 10 tomchi kuniga 1-2 marta; 1-3 yoshda 15 tomchi kuniga 1-2 marta; 4-5 yoshda 15 tomchi kuniga 2-3 marta; 6-7 yoshda 20 tomchi kuniga 2-3 marta; 8-12 yoshda 30 tomchi kuniga 2-3 marta; 12 yoshdan katta bo‘lganlarda 30-40 tomchi kuniga 2-3 marta. Qabul qilish kursi 1-3 oy, kasallik og‘irligi va ta'siriga qarab. Flakonni ishlatishdan oldin chayqatish kerak.