1 paketda: Faol moddalari: paratsetamol - 325 mg, feniramin maleat - 20 mg, fenilefrin gidroxlorid - 10 mg, askorbin kislotasi - 50 mg. Yordamchi moddalari: povidon - 25 mg, mannitol - 2 g, kalsiy fosfat - 30 mg, saxaroza - 11,29 g, limon kislotasi - 1 g, natriy sitrat digidrat - 100 mg, aspartam - 10 mg, "Apelsin" aromatizatori (Apelsin ta'mi uchun), "Malina" aromatizatori (Malina ta'mi uchun), "Limon" aromatizatori (Limon ta'mi uchun) - 140 mg.

Nojo'ya ta'sirlar Jahon sog'liqni saqlash tashkiloti (JSST) tasnifiga muvofiq ularning uchrash tezligi quyidagi darajalarga ko'ra keltirilgan: juda tez-tez (≥1/10), tez-tez (≥1/100 dan <1/10 gacha), kamdan-kam (≥1/1000 dan <1/100 gacha), kam (≥1/10000 dan <1/1000 gacha), juda kam (<1/10000), tez-tezligi noma'lum – mavjud ma'lumotlarga ko'ra uchrash tezligini aniqlash imkoni bo'lmadi. Qon va limfa tizimi tomonidan buzilishlar. Juda kam: trombotsitopeniya, agranulositoz, leyopeniya, pansitopeniya. Immun tizimi tomonidan buzilishlar. Kam: gipersensitivlik reaksiyalari (terida toshma, nafas qisilishi, anafilaktik shok), angionevrotik shish. Tez-tezligi noma'lum: anafilaktik reaksiya, Stivens-Djonson sindromi, toksik epidermal nekroliz. Psixika tomonidan buzilishlar. Kam: qo'zg'aluvchanlikning oshishi, uyqu buzilishi. Nerv tizimi tomonidan buzilishlar. Tez-tez: uyquchanlik. Kam: bosh aylanishi, bosh og'rig'i. Ko'rish organi tomonidan buzilishlar. Kam: midriaz, akkomodatsiya parezi, ko'z ichki bosimining oshishi. Yurak tomonidan buzilishlar. Kam: taxikardiya, yurak urishini sezish. Tomirlar tomonidan buzilishlar: Kam: arterial bosimning oshishi. Ovqat hazm qilish tizimi tomonidan buzilishlar: Tez-tez: ko'ngil aynishi, qusish. Kam: og'iz qurishi, qabziyat, qorin og'rig'i, diareya. Jigar va o't yo'llari tomonidan buzilishlar: Kam: "jigar" fermentlari faolligining oshishi. Teri va teri osti to'qimalari tomonidan buzilishlar: Kam: terida toshma, teri qichishishi, eritema, toshma (krapivnitsa). Buyrak va siydik chiqarish yo'llari tomonidan buzilishlar: Kam: siyishning qiyinlashuvi. Umumiy buzilishlar va yuborish joyidagi buzilishlar: Kam: holsizlik. Agar ko'rsatilgan nojo'ya ta'sirlardan birortasi kuchaysa yoki Sizda yo'riqnomada ko'rsatilmagan boshqa nojo'ya ta'sirlar paydo bo'lsa, bu haqda shifokorga xabar bering.

Paratsetamol Paratsetamol MAO ingibitorlari, sedativ dori vositalari, etanolning effektlarini kuchaytiradi. Paratsetamolning gepatotoksik ta’siri xavfi barbituratlar (fenobarbital), fenitoin, karbamazepin, rifampitsin, izoniazid, zidovudin va boshqa jigar mikrosomal fermentlari induktorlarini bir vaqtda qo‘llashda oshadi. Paratsetamolni uzoq muddat muntazam qo‘llash varfarin va boshqa kumarin hosilalarining antikoagulyant ta’sirini kuchaytirishi va qon ketish rivojlanish xavfini oshirishi mumkin. Paratsetamolni bir martalik qabul qilish bunday ta’sir ko‘rsatmaydi. Paratsetamolni metoklopramid bilan birga qo‘llashda paratsetamolning so‘rilish tezligi oshadi va natijada uning plazmadagi maksimal konsentratsiyasiga tezroq erishiladi. Xuddi shuningdek, domperidon ham paratsetamolning so‘rilish tezligini oshirishi mumkin. Xloramfenikolni paratsetamol bilan birga qo‘llashda xloramfenikolning yarim chiqarilish davri oshishi mumkin. Paratsetamol lamotridjinning biokirishuvchanligini kamaytirishi (uning jigar metabolizmini induktsiyalash yo‘li bilan) va lamotridjinning ta’sirini kamaytirishi mumkin. Paratsetamolni kolestiramin bilan birga qo‘llashda uning so‘rilishi kamayishi mumkin. Shu sababli, Zvezdochka Flyu preparatini kolestiramin qabul qilishdan 1 soat oldin qabul qilish tavsiya etiladi. Paratsetamolni zidovudin bilan muntazam birga qo‘llash neyropeniya va jigar shikastlanishi xavfini oshirishi mumkin. Probenetsid paratsetamol metabolizmiga ta’sir qiladi, shuning uchun probenetsid qabul qilayotgan bemorlarda paratsetamol dozasini kamaytirish kerak. Paratsetamolning gepatotoksikligi surunkali yoki haddan tashqari spirtli ichimlik iste’mol qilishda kuchayishi mumkin. Paratsetamol siydik kislotasini laborator aniqlash natijalariga (pretsipitatsiyalovchi agent yordamida) ta’sir qilishi mumkin. Feniramin Feniramin boshqa dori vositalarining (masalan, MAO ingibitorlari, tritsiklik antidepressantlar, spirtli ichimliklar, parkinsonizmga qarshi preparatlar, barbituratlar, trankvilizatorlar, narkotik vositalar) markaziy asab tizimiga ta’sirini kuchaytirishi mumkin. Etanol feniraminning sedativ ta’sirini kuchaytiradi. Feniramin antikoagulyantlarning ta’sirini ingibitsiyalashi mumkin. Fenilefrin Zvezdochka Flyu preparati bir vaqtda monoaminooksidaza (MAO) ingibitorlarini qabul qilayotgan yoki ularni so‘nggi ikki hafta davomida qabul qilgan bemorlarga kontrendikatsiya qilingan, chunki fenilefrin MAO ingibitorlarining ta’sirini kuchaytirishi va gipertonik kriz chaqirishi mumkin. Fenilefrinni boshqa simpatomimetik preparatlar yoki tritsiklik antidepressantlar (masalan, amitriptilin) bilan birga qo‘llash yurak-qon tomir tizimi tomonidan nojo‘ya hodisalar rivojlanish xavfini oshirishi mumkin. Fenilefrin beta-adrenoblokatorlar va boshqa antigipertenziv preparatlarning (masalan, guanetidin, rezerpin, metildopa) gipotenziyal ta’sirini kamaytirishi mumkin. Arterial bosim oshishi va yurak-qon tomir tizimi tomonidan boshqa nojo‘ya hodisalar rivojlanish xavfi oshishi mumkin. Fenilefrinni digoksin va boshqa yurak glikozidlari bilan birga qo‘llash aritmiya yoki miokard infarkti rivojlanish xavfini oshirishi mumkin Fenilefrinni ergot alkaloidlari (ergotamin, metizergid) bilan birga qo‘llash ergotizm rivojlanish xavfini oshirishi mumkin.

Paratsetamol Belgilari (asosan paratsetamol bilan bog‘liq, paratsetamolning 10-15 g dan ortiq qabul qilinishi natijasida namoyon bo‘ladi): og‘ir hollarda paratsetamol dozasi oshib ketganda gepatotoksik ta’sir ko‘rsatadi, shu jumladan jigar nekrozini chaqirishi mumkin. Shuningdek, dozani oshirib yuborish nefropatiya va jigarni qaytarilmas shikastlanishiga olib kelishi mumkin. Dozani oshirib yuborish darajasi dozaga bog‘liq, shuning uchun bemorlarga paratsetamol saqlovchi preparatlarni bir vaqtda qabul qilish taqiqlanganligi haqida ogohlantirish zarur. Zaharli ta’sir xavfi ayniqsa keksa bemorlarda, bolalarda, jigar kasalliklari bo‘lgan bemorlarda, surunkali alkogolizm holatlarida, ozib ketgan bemorlarda va jigar mikrosomal fermentlari induktorlarini qabul qilayotgan bemorlarda yuqori. Paratsetamol dozasi oshib ketishi jigar yetishmovchiligi, ensefalopatiya, koma va o‘limga olib kelishi mumkin. Paratsetamol bilan dozani oshirib yuborishning dastlabki 24 soatdagi belgilari: terining oqarishi, ko‘ngil aynishi, qusish, anoreksiya, tutqanoq. Qorin og‘rig‘i jigar shikastlanishining birinchi belgisi bo‘lishi mumkin va odatda 24-48 soat davomida namoyon bo‘lmaydi, ba’zan esa 4-6 kundan keyin paydo bo‘lishi mumkin. Jigar shikastlanishi preparat qabul qilingandan so‘ng o‘rtacha 72-96 soat o‘tib maksimal darajada namoyon bo‘ladi. Shuningdek, glyukoza almashinuvi buzilishi va metabolik atsidoz paydo bo‘lishi mumkin. Jigar shikastlanishi bo‘lmasa ham o‘tkir buyrak yetishmovchiligi va o‘tkir tubular nekroz rivojlanishi mumkin. Yurak aritmiyasi va pankreatit rivojlanishi holatlari haqida xabar berilgan. Davolash Asetilsisteinni vena ichiga yoki og‘iz orqali antidot sifatida yuborish, me’da yuvish, metioninni og‘iz orqali qabul qilish dozani oshirib yuborilgandan keyin kamida 48 soat davomida ijobiy ta’sir ko‘rsatishi mumkin. Faollashtirilgan ko‘mir qabul qilish, nafas olish va qon aylanishini monitoring qilish tavsiya etiladi. Tutqanoq rivojlangan taqdirda diazepam buyurilishi mumkin. Feniramin va Fenilefrin (feniramin va fenilefrin uchun dozani oshirib yuborish simptomlari birlashtirilgan, chunki preparat dozasi oshirib yuborilganda feniraminning parasimpatolitik ta’siri va fenilefrinning simpatomimetik ta’siri o‘zaro kuchayishi xavfi mavjud). Dozani oshirib yuborish simptomlariga quyidagilar kiradi: uyquchanlik, keyinchalik bezovtalik (ayniqsa bolalarda), ko‘rish buzilishi, teri toshmasi, ko‘ngil aynishi, qusish, bosh og‘rig‘i, qo‘zg‘aluvchanlikning oshishi, bosh aylanishi, uyqusizlik, qon aylanishi buzilishi, koma, tutqanoq, xulq-atvor o‘zgarishi, arterial bosimning oshishi yoki pasayishi va bradikardiya. Feniramin bilan dozani oshirib yuborishda atropinga o‘xshash psixoz holatlari haqida xabar berilgan. Maxsus antidot mavjud emas. Oddiy yordam choralarini ko‘rish zarur, jumladan faollashtirilgan ko‘mir, tuzli ichak yumshatuvchilar, yurak va nafas olish funksiyalarini qo‘llab-quvvatlash choralarini qo‘llash. Psixostimulyator vositalarni (metil fen va dat) buyurish mumkin emas, chunki tutqanoq rivojlanish xavfi mavjud. Arterial gipotenziya rivojlangan taqdirda vazopressor preparatlar qo‘llanilishi mumkin. Arterial bosim oshgan taqdirda alfa-adrenoblokatorlarni vena ichiga yuborish mumkin, chunki fenilefrin selektiv alfa1-adrenoretseptor agonisti hisoblanadi. Shuning uchun, fenilefrin bilan dozani oshirib yuborishda gipertenziya ta’sirini alfa1-adrenoretseptorlarni bloklash orqali bartaraf etish kerak. Tutqanoq rivojlangan taqdirda diazepam qo‘llash kerak.