Bitta tabletkada 0,25 mg yoki 1 mg alprazolam mavjud. Yordamchi moddalari 0,25 mg tabletkalar: natriy dokuzat; natriy benzoat; prejelatinizatsiyalangan kraxmal; mikrokristallik sellyuloza; laktosa, monogidrat; magniy stearat; kremniy dioksid kolloid. 1 mg tabletkalar: natriy dokuzat; natriy benzoat; prejelatinizatsiyalangan kraxmal; mikrokristallik sellyuloza; laktosa, monogidrat; magniy stearat; kremniy dioksid kolloid; indigo karmin (E132).

Bir vaqtda psixotrop, qarshi-tutqanoq vositalar va etanol bilan qo‘llanganda alprazolamning markaziy asab tizimiga tormozlovchi ta’siri kuchayadi. Bir vaqtda qo‘llanganda gistamin H2-retseptorlari blokatorlari alprazolam klirensini kamaytiradi va alprazolamning markaziy asab tizimiga tormozlovchi ta’sirini kuchaytiradi; makrolidlar guruhi antibiotiklari - alprazolam klirensini kamaytiradi. Bir vaqtda qo‘llanganda og‘iz orqali qabul qilinadigan gormonal kontratseptivlar alprazolamning T1/2 ni oshiradi. Alprazolamni dekstropropoksifen bilan birga qo‘llanganda markaziy asab tizimiga yanada kuchliroq tormozlovchi ta’sir kuzatiladi, boshqa benzodiazepinlar bilan kombinatsiyaga nisbatan, chunki alprazolamning qon plazmasidagi konsentratsiyasi oshishi mumkin. Digoksin bilan birga qabul qilinsa yurak glikozidlari bilan intoksikatsiya rivojlanish xavfi oshadi. Alprazolam imipraminning qon plazmasidagi konsentratsiyasini oshiradi. Bir vaqtda qo‘llanganda itrakonazol, ketokonazol alprazolamning ta’sirini kuchaytiradi. Bir vaqtda qo‘llanganda paroksetin alprazolamning metabolizmini tormozlash hisobiga uning ta’sirini kuchaytirishi mumkin. Fluvoksamin alprazolamning qon plazmasidagi konsentratsiyasini va uning nojo‘ya ta’sirlari rivojlanish xavfini oshiradi. Bir vaqtda qo‘llanganda fluoksetin ta’sirida alprazolamning metabolizmi va klirensi kamayishi natijasida uning qon plazmasidagi konsentratsiyasi oshishi mumkin, bu psixomotor buzilishlar bilan kechadi. Alprazolamni eritromitsin bilan birga qo‘llanganda uning ta’siri kuchayishi ehtimoli istisno qilinmaydi.

Benzodiazepin hosilalarining dozani oshirib yuborilishi bilan davolanayotgan bemorlarni davolashda, dozani oshirib yuborish bir vaqtning o‘zida bir necha dori vositalari yoki alkogol bilan birga qabul qilinishi bilan bog‘liq bo‘lishi mumkinligini hisobga olish kerak. Belgilar: benzodiazepinlarning dozani oshirib yuborilishi odatda markaziy asab tizimining turli darajadagi tormozlanishi bilan namoyon bo‘ladi: uyquchanlikdan komagacha. Yengil hollarda uyquchanlik, ongning chalkashishi va letargiya kuzatiladi. Og‘ir hollarda ataksiya, gipotoniy, gipotenziya, nafas olishning tormozlanishi, kam hollarda – koma. Juda kam hollarda o‘lim mumkin. Davolash: darhol qusishni chaqirish kerak, bemor hushsiz bo‘lsa, me’da yuvish amalga oshiriladi. Me’da yuvish samarasiz bo‘lsa, so‘rilishni kamaytirish uchun faollashtirilgan ko‘mir beriladi. Davolash simptomatik, nafas olish, yurak va qon tomir tizimi funksiyalarini qo‘llab-quvvatlashdan iborat. Markaziy asab tizimining tormozlanishini kamaytirish uchun benzodiazepin retseptorlari uchun maxsus antagonist – flumazenil qo‘llanilishi mumkin. Alprazolamni dializ yordamida chiqarish samaradorligi aniqlanmagan. Dozani oshirib yuborishda darhol shifokorga murojaat qiling!