1 kapsula tarkibida Faol modda Tsefixim trigidrat (tsefixim anhidridiga ekv.) – 400,0 mg. Yordamchi moddalari laktоза, kremniy dioksid koloid, tozalangan talk, kraxmal, jelatin.

Infeksion-yallig‘lanish kasalliklari, preparatga sezgir mikroorganizmlar tomonidan chaqirilgan • yuqori nafas yo‘llari infeksiyalari (faringit, tonzillit, sinusit, otit) • pastki nafas yo‘llari infeksiyalari (o‘tkir va surunkali bronxit, pnevmoniya) • siydik chiqarish yo‘llari infeksiyalari (tsistit, pielonefrit, simptomsiz bakteriuriya, murakkablanmagan gonoreya) • me’da-ichak trakti infeksiyalari (dizenteriya, salmonellyoz, shigellyoz) va o‘t yo‘llari infeksiyalari • teri va yumshoq to‘qimalar infeksiyalari.

Preparat tarkibiy qismlariga va beta-laktam antibiotiklar guruhiga kiruvchi boshqa dori vositalariga yuqori individual sezuvchanlik. Preparatni allergik diatez va pichan bezgagi tarixi bo‘lgan bemorlarga ehtiyotkorlik bilan buyurish kerak. Preparatni qusish bilan kechadigan kasalliklardan aziyat chekayotgan bemorlarga buyurish tavsiya etilmaydi, chunki bunday hollarda preparatning so‘rilishi buzilishi mumkin.

Dozalar individual tarzda, infeksiya og‘irligini hisobga olgan holda belgilanadi. Og‘iz orqali. Kattalar va 12 yoshdan katta, tana vazni 50 kg dan ortiq bo‘lgan bolalarga sutkalik doza 400 mg 1 marta sutkada. 12 yoshgacha bo‘lgan bolalarga 8 mg/kg/sutka yoki har 12 soatda 4 mg/kg dozada buyuriladi. Uniksim bilan davolash kursi 5-14 kun. Buyrak funksiyasi buzilganda doza QK (kreatinin klirensi) ko‘rsatkichiga qarab belgilanadi: QK 21–60 ml/min bo‘lsa yoki gemodializdagi bemorlarda sutkalik doza 25% ga kamaytiriladi; QK 20 ml/min va undan kam bo‘lsa yoki peritoneal dializdagi bemorlarda sutkalik doza 2 marta kamaytiriladi.

Me’da-ichak trakti tomonidan kamdan-kam hollarda – diareya, dispepsiya bo‘lishi mumkin; ayrim hollarda – soxta membranoz va gemorragik kolitlar. Siydik chiqarish tizimi tomonidan kamdan-kam hollarda – interstitsial nefrid rivojlanishi; Qon hosil qiluvchi organlar tomonidan kamdan-kam hollarda – agranulositoz, trombotsitopeniya. Allergik reaksiyalar teri reaksiyalari, asosan, maxsus makulopapulyoz toshma ko‘rinishida; kamdan-kam hollarda – ko‘p shaklli eritema, Stivens-Djonson sindromi; ayrim hollarda – anafilaktik shok, angionevrotik shish.

Tsefiksim-uchinchi avlod tsefalosporin antibiotigi parenteral qo‘llash uchun. Bakterisid ta'sir ko‘rsatadi (mikroorganizmlarning hujayra devori sintezini buzadi). Keng ta'sir doirasiga ega bo‘lib, turli aerobl va anaerobl gram-musbat va gram-manfiy mikroorganizmlarni, shu jumladan Pseudomonas aeruginosa ni o‘z ichiga oladi. Gram-musbat va gram-manfiy mikroorganizmlarning beta-laktamazalariga chidamli. Streptococcus pneumonia, Streptococcus pyogenes, Streptococcus agalactiae, Haemophilus influenzae, Haemophilus parainfluenzae, Moraxella catarrhalis (shu jumladan beta-laktamaza ishlab chiqaruvchi shtammlar), Escherichia coli, Proteus mirabilis, Proteus vulgaris, Neisseria gonorrhoeae, Klebsiella pneumoniae, Klebsiella oxytoca, Pasteurella multocida, Providencia spp., Salmonella spp., Shigella spp., Citrobacter spp. (shu jumladan Citrobacter diversus), Serratia marcescens ga nisbatan yuqori faollikka ega. Pseudomonas spp., Acinetobacter spp., Streptococcus, Enterococcus spp. (metitsillinbardosh shtammlar), Listeria monocytogenes, Bacteroides fragilis.

Preparatni allergik reaksiyalarga moyil bemorlarga buyurishda ehtiyotkorlikka rioya qilish kerak. Homiladorlik va emizish davrida qo‘llash. Preparat gematoplatsentar to‘siq orqali yaxshi o‘tadi va ko‘krak sutiga ajraladi. Tsefiksim teratogen, mutagen va embriotoksik ta'sirga ega emas, biroq uni homiladorlik va laktatsiya davrida faqat shifokor ko‘rsatmasi bo‘yicha qabul qilish kerak. Homiladorlik va laktatsiya davrida preparatni buyurish zarur bo‘lsa, uni minimal samarali dozalarda qabul qilish kerak. Avtotransport boshqarish va mexanizmlar bilan ishlash qobiliyatiga ta'siri. Preparat transport vositalarini boshqarish va mexanizmlar bilan ishlash qobiliyatiga ta'sir qilmaydi. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.

Preparatning yuqori dozalari qo‘llanganda bemorlarda ko‘ngil aynishi, qusish, ich ketishi va suv-tuz muvozanatining buzilishi rivojlanishi mumkin. Maxsus antidoti yo‘q. Dozani oshirib yuborishda me'dani yuvish, enterosorbentlar va tuzli ich ketkazuvchi vositalar qabul qilish ko‘rsatilgan. Bundan tashqari, suv-tuz muvozanatini saqlash bo‘yicha chora-tadbirlar o‘tkazish zarur. Zarurat tug‘ilganda gemodializ o‘tkaziladi.