Yod tanqisligi bo‘lgan hududlarda yashovchi aholida, birinchi navbatda bolalar, o‘smirlar, homilador va emizikli ayollarda zob va yod tanqisligi holatlarini oldini olish. · Yod tanqisligi bilan bog‘liq bo‘lgan dori-darmon yoki jarrohlik davolash kursi tugaganidan keyin zobning qaytalanishini oldini olish. · Tireotoksikozning og‘ir shakllarida operatsiyaga tayyorlash. · Yangi tug‘ilgan chaqaloqlar, bolalar va o‘smirlarda yod tanqisligi bilan bog‘liq zobni davolash. Diffuz notoksik (eutireoid) zobni davolash.

Yaqqol gipertireoz (qalqonsimon bez funksiyasining oshishi), yashirin gipertireoz (kuniga 150 mkg dan ortiq dozalarda qo‘llanganda), gerpetiform dermatit (Dyuring kasalligi), adenomatoz zob, avtonom adenom, yodga yuqori sezuvchanlik. Preparatni radioaktiv yod bilan davolashda, qalqonsimon bez saratoni mavjudligi yoki gumon qilinayotgan hollarda buyurishdan saqlanish kerak. Preparat tarkibida laktosa monogidrat mavjudligi sababli, uni galaktozani o‘zlashtira olmaslik, laktaza yetishmovchiligi yoki glyukoza-galaktoza malabsorbsiyasi bilan bog‘liq kam uchraydigan irsiy kasalliklarga ega bemorlarga buyurish tavsiya etilmaydi.

Preparat ichkariga qabul qilinadi, ovqatdan keyin, yetarli miqdorda suyuqlik bilan popiladi. Agar boshqacha buyurilmagan bo‘lsa, quyidagi dozalash ko‘rsatmalari amal qiladi. Endemik zob va yod tanqisligi kasalliklarini rivojlanishini oldini olish: Yangi tug‘ilganlar va bolalar: kuniga 50-100 mkg yod; O‘smirlar va kattalar: kuniga 100-200 mkg yod; Homiladorlik va laktatsiya davrida: kuniga 150-200 mkg yod. Yod tanqisligi sababli zobning dori va jarrohlik davolashidan so‘ng qaytalanishini oldini olish: kuniga 100-200 mkg yod. Zobni davolash: Yangi tug‘ilganlar, bolalar va o‘smirlar: kuniga 100-200 mkg yod. 45 yoshgacha bo‘lgan kattalar: kuniga 300-500 mkg yod.

Preparatni har qanday yoshda profilaktik qo‘llashda, shuningdek, yangi tug‘ilgan chaqaloqlar, bolalar va o‘smirlarda terapevtik qo‘llashda, odatda, nojo‘ya ta'sirlar rivojlanmaydi. Kamdan-kam hollarda, preparatni doimiy ravishda qabul qilish «yodizm» rivojlanishiga olib kelishi mumkin, bu esa og‘izda metall ta'mi, shilliq qavatlarning shishishi va yallig‘lanishi (burun oqishi, kon'yunktivit, bronxit) bilan namoyon bo‘lishi mumkin. Agar qalqonsimon bezda katta avtonom funktsional faol maydonlar mavjud bo‘lsa, 150 mkg dan ortiq yodning kunlik dozasini belgilashda qalqonsimon bezning gipofunksiyasi rivojlanish imkoniyati istisno qilinmaydi. Kamdan-kam hollarda (yodga idiosinkraziya bo‘lganda) quyidagi holatlar mumkin: teri toshmasi, qichishish, Kvinke shishi, eozinofiliya, juda kam hollarda - anafilaktik shok..