1 ml eritmada quyidagilar mavjud:
Faol modda: 1 mg ksillometazolin gidroxlorid;
Yordamchi moddalari: benzalkoniya xlorid 50% eritma, natriy xlorid, dinatriy edetat, dinatriy gidrofosfat, natriy digidrofosfat, tozalangan suv.
Tavsifi: shaffof, rangsiz eritma.

Ksilometazolin alfa-adrenomimetik, noselektiv ta'sirga ega. Past konsentratsiyalarda α2-adrenoretseptorlarni stimulyatsiya qiladi, yuqori konsentratsiyalarda α1-adrenoretseptorlarga stimulyatsion ta'sir ko'rsatadi.

Dori vositasining ta'siri qo'llangandan so'ng bir necha daqiqa ichida boshlanadi va 10 soatgacha davom etadi. Hatto sezgir shilliq qavatga ega bo'lgan bemorlar tomonidan ham yaxshi o'zlashtiriladi va kiprikli epiteliy funksiyasini buzmaydi.

Vraggripp boshqa tomirlarni toraytiruvchi preparatlar kabi arterial gipertenziya, yurak-qon tomir kasalliklari, gipertireoz, qandli diabet yoki tomirlarni toraytiruvchi preparatlarga yuqori sezuvchanligi bo‘lgan bemorlarda, bu uyqusizlik, bosh aylanishi va hokazo ko‘rinishida namoyon bo‘lishi mumkin, ehtiyotkorlik bilan qo‘llanilishi kerak. Davolash davomiyligi 7 kundan oshmasligi kerak. Surunkali rinitda Vraggrippni qo‘llash faqat shifokor bilan maslahatlashgandan so‘ng, dori vositasiga bog‘liq rinit rivojlanish xavfini hisobga olgan holda mumkin.

Homiladorlik va laktatsiya

Ksilometazolinning tomirlarni toraytiruvchi xususiyatlari mavjudligini hisobga olib, ehtiyotkorlik nuqtai nazaridan Vraggripp dori vositasini homiladorlik va laktatsiya davrida qo‘llashdan saqlanish kerak. Biroq, agar onaga foydasi homila yoki bolaga potensial xavfdan ustun bo‘lsa, preparatni homiladorlik va laktatsiya (emizish) davrida tavsiya etilgan terapevtik dozalarni oshirmasdan qo‘llash mumkin.

Avtomobil yoki boshqa harakatlanuvchi mexanizmlarni boshqarish qobiliyatiga ta’siri

Vraggripp tavsiya etilgan dozalarni oshirmasdan qo‘llanganda, transport vositasi yoki uskunani boshqarish qobiliyatiga ta’sir qilmaydi.

Biroq, Vraggrippni uzoq muddat davomida tavsiya etilgan dozadan ortiq qo‘llanganda, yurak-qon tomir tizimi va markaziy asab tizimiga umumiy ta’sirini istisno qilib bo‘lmaydi. Bunday hollarda transport vositasi yoki mexanizmlarni boshqarish qobiliyati buzilishi mumkin.

Preparatni bolalar uchun yaroqsiz joyda saqlash va yaroqlilik muddati tugaganidan keyin qo‘llamaslik kerak.