Faol modda: albendazol (200 mg, 400 mg). Verjen tabletkalar shaklida chiqariladi.

Verjen quyidagi gelmint invaziyalarini davolash uchun ko'rsatilgan: - to'qima tsestodozlari (gidatidozli exinokokkoz qorin bo'shlig'i, o'pka, jigar, tsistitserkoz); - nematodozlar (trixotsefalez, enterobioz, askaridoz, ankilostomidoz, strongiloidoz, toksokaroz), shuningdek, aralash invaziyalar; - alveolyar exinokokkozning jarrohlik davolashida (yordamchi vosita sifatida).

Verjen preparati quyidagi holatlarda qo'llash mumkin emas: - albendazol, benzimidazol hosilalari, yordamchi komponentlarga yuqori sezuvchanlikda; - ko'z to'r pardasi patologiyasida; - uch yoshgacha. Ehtiyotkorlik bilan qo'llaniladi: - jigar disfunktsiyasida (davolashdan oldin va davolash davomida jigar funksiyasini nazorat qilish talab etiladi); - jigar sirrozida; - suyak iligi gemopoezining susayishida.

Verjen og'iz orqali (ovqat paytida yoki ovqatdan keyin) qo'llaniladi. Trixotsefalez, askaridozda dozasi tana vazni 60 kg dan yuqori bo'lsa — kuniga 400 mg; tana vazni 60 kg dan kam bo'lsa — kuniga 15 mg/kg ikki marta qabul qilinadi. Enterobiozda dozasi — 5 mg/kg bir marta. 14 kundan so'ng davolash shu dozada takrorlanadi. Ankilostomidoz, strongiloidozda dozasi — kuniga 10 mg/kg bir marta uch kun davomida. Bir haftadan so'ng shunga o'xshash dozada davolash siklini takrorlash tavsiya etiladi. Trixinellezda dozasi — 10 mg/kg ikki marta, kurs — 7—10 kun. Og'ir invaziyada, ichki organlar zararlanishida (pnevmonit, meningoentsefalit, miokardit) shuningdek glyukokortikosteroidlar, simptomatik vositalar ko'rsatilgan. Toksokarozda dozasi — 10 mg/kg ikki marta, kurs — 10 kun. Davolashni 2—4 haftalik interval bilan takrorlash talab qilinadi. Gidatidozli exinokokkozda dozasi — 10 mg/kg 2—3 marta. 28 kunlik 3 sikl (14 kunlik tanaffuslar bilan) tavsiya etiladi. Tsistitserkozda dozasi — 15 mg/kg uch marta, kurs — 28—30 kun. Maksimal doza — 800 mg/kun. Terapiyani boshlashdan oldin jigar va buyrak funktsiyasi, periferik qon ko'rsatkichlari nazorati zarur.

Ovqat hazm qilish buzilishlari: jigar disfunktsiyasi, ko'ngil aynishi, qorin sohasida og'riq. Gematologik buzilishlar: suyak ko'migi gemopoezining bostirilishi belgilar (pansitopeniya, leykopeiya, trombotsitopeniya, granulositopeniya, agranulositoz). Kardiovaskulyar buzilishlar: arterial gipertenziya. Nevrologik buzilishlar: meningeal simptomlar, bosh og'rig'i, bosh aylanishi. Dermatologik reaksiyalar: terida toshma, qichishish. Siydik ajratish tizimi buzilishlari: buyrak yetishmovchiligi. Allergik namoyonlar: angionevrotik shish, anafilaksiya. Boshqa: gipertermiya, alopesiya.