har 10 ml suspenziyada quyidagilar mavjud:

Faol modda: albendazol – 400,0 mg

Yordamchi modda: glitserin, ksantan saqichi, polisorbat 80, metilparaben, sorbitol, banan aromatizatori, simetikon, in'ektsiya uchun suv – 10 ml gacha.

Nematodozlar:

askaridoz, qo‘zg‘atuvchisi – dumaloq gelmint Ascaris lumbricoidesl;

trixotsefalez (vlasoglav), qo‘zg‘atuvchisi – dumaloq gelmint Trichocephalus trichiurus;

enterobioz (ostritsa), qo‘zg‘atuvchisi – dumaloq gelmint Enterobius vermicularis;

ankilostomidozlar (krivogolovka), qo‘zg‘atuvchilari

Ancylostoma duodenale va Necator americanus;

trixinellez, qo‘zg‘atuvchisi – Trichinella spiralis;

toksokaroz, qo‘zg‘atuvchisi – Toxocara canis;

lyamblioz, qo‘zg‘atuvchisi – Giardia intestinalis;

strogiloidoz (ichak ugritsasi), qo‘zg‘atuvchisi – dumaloq gelmint Strongiloides stercoralis, shuningdek, aralash invaziyalar.

To‘qima tsestodozlari:

Neurotsistitserkoz, qo‘zg‘atuvchisi – Cysticercus cellulosus (cho‘chqa tasmasimon chuvalchangining lichinka bosqichi);

gidatidozli exinokokkoz jigar, o‘pka, qorin pardasi, qo‘zg‘atuvchisi Echinococcus granulosus (it tasmasimon chuvalchangining lichinka bosqichi);

alveolyar exinokokkozni jarrohlik davolashda yordamchi vosita sifatida, qo‘zg‘atuvchisi – Echinococcus multilocularis.

- albendazolga, preparatning boshqa komponentlariga va benzimidazolning boshqa hosilalariga yuqori sezuvchanlik;

- fruktozani o‘zlashtira olmaslik;

- ko‘z to‘r pardasi patologiyasi;

- 1 yoshgacha bo‘lgan bolalar yoshi;

- homiladorlik va emizish davri

Extiyotkorlik bilan:

Albendazol jigar funksiyasi buzilganida (davolashdan oldin va davolash davomida jigar funksiyasini muntazam nazorat qilish zarur), suyak ko‘migi gemopoezi susayganda, jigar sirrozida extiyotkorlik bilan qo‘llaniladi.

Og'iz orqali, ovqat paytida yoki ovqatdan keyin qabul qilinadi. Maxsus tayyorgarlik va dieta talab qilinmaydi. Preparat kattalar va 1 yoshdan boshlab bolalar uchun mo'ljallangan. Preparat dozasini individual tarzda, invaziya turi va bemorning tana vazniga qarab belgilashadi. Agar bolaning tana vazni 10 kg dan kam bo'lsa, dozani 400 mg dan 200 mg gacha kamaytirish zarurati tug'ilishi mumkin. Biroq, umuman olganda, bolalarda dozani kamaytirish uchun asos yo'q. Maksimal sutkalik doza - 800 mg. Bolalarda imkon qadar albendazolning yuqori dozalari uzoq muddat davomida qo'llanilishidan saqlanish kerak. Nematodozlarda (shu jumladan askaridoz, trixocefalez, nekatoroz) Kattalar va tana vazni 60 kg va undan ortiq bo'lgan bolalarda dumaloq chuvalchanglar invaziyasini davolash uchun standart doza - 400 mg (10 ml suspenziya) kuniga bir marta; tana vazni 60 kg dan kam bo'lgan kattalar va bolalar uchun - 15 mg/kg tana vazniga bir marta; 1 yoshdan 2 yoshgacha bo'lgan bolalar uchun 200 mg (5 ml suspenziya) doza qo'llaniladi. Enterobiozda kattalar va 2 yoshdan katta bolalar 400 mg (10 ml suspenziya) bir marta qabul qiladilar; 1 yoshdan 2 yoshgacha bo'lgan bolalar uchun 200 mg (5 ml suspenziya) bir marta qo'llaniladi. Zarurat tug'ilganda 14 kundan so'ng davolash kursi xuddi shu dozada va xuddi shu tartibda takrorlanadi. Strongiloidoz, ankilostomidozda kattalar va 2 yoshdan katta bolalar 400 mg (10 ml suspenziya) bir marta 3 kun davomida qabul qiladilar. 1 yoshdan 2 yoshgacha bo'lgan bolalar uchun doza 200 mg (5 ml suspenziya). Bir haftadan so'ng xuddi shu dozada davolash siklini takrorlash tavsiya etiladi. Trixinellezda preparat 400 mg (10 ml suspenziya) kuniga 2 marta 10-14 kun davomida qabul qilinadi. Og'ir invaziya va organ zararlanishlarida (miokardit, pnevmonit, meningoentsefalit) glukokortikosteroid va simptomatik vositalar ham qo'llaniladi. Toksokarozda kattalar va 14 yoshdan katta bolalar, tana vazni 60 kg va undan ortiq: 400 mg (10 ml suspenziya) kuniga 2 marta 10 kun davomida; tana vazni 60 kg dan kam bo'lgan kattalar 200 mg (5 ml suspenziya) kuniga 2 marta 10 kun davomida; 2-14 yoshli bolalar: 10 mg/kg kuniga 2 marta 10 kun davomida. Davolash kurslarini 2 hafta/oy interval bilan takrorlash talab qilinadi. Davolash jarayonida periferik qon (har 5-7 kunda bir marta) va aminotransferazalar nazorati zarur. Lyambliozda: 400 mg kuniga 1 marta 3 kun davomida. Tana vazni 10 kg dan kam bo'lgan bolalarga 200 mg kuniga 1 marta 5 kun davomida. Aralash invaziyalarda preparat 400 mg kuniga 2 marta, 3 kun davomida qabul qilinadi. Zarurat tug'ilganda davolash kursini 1 oydan so'ng takrorlash mumkin. Neyrotsistitserkoz va gidatidozli exinokokkozda tana vazni 60 kg va undan ortiq bo'lgan bemorlarga 400 mg (10 ml suspenziya) kuniga 2 marta, tana vazni 60 kg dan kam bo'lganlarga - kuniga 15 mg/kg tana vazniga 2 marta; maksimal sutkalik doza 800 mg. Neyrotsistitserkozda davolash kursi 28-30 kun (preparat qabul qilishdan 2 kun oldin va birinchi hafta davomida glukokortikosteroid preparatlar qabul qilinadi), exinokokkozda - 28 kunlik 3 sikl, sikllar orasida 14 kunlik tanaffus. Preparatni qo'llashdan oldin klinik qon tahlili va biokimyoviy qon tekshiruvi zarur. Davolash laborator ko'rsatkichlar normal bo'lsa o'tkaziladi. Davolash jarayonida har 5-7 kunda qon va aminotransferazalar tekshiriladi. Leykotsitlar 3.0x10^9 dan past bo'lsa va aminotransferazalar faolligi 2 baravar oshsa, davolash ko'rsatkichlar normallashguncha to'xtatiladi. Preparat bilan terapiyani laborator ko'rsatkichlar davolash boshlanishidan oldingi darajaga qaytgandan so'ng davom ettirish mumkin, shunga qaramay, terapiya davomida laborator tekshiruvlar muntazam o'tkazilishi kerak. Davolash davomida va toksik ko'rinishlarda gepatoprotektorlar tayinlash samarasiz, preparatni bekor qilish zarur. Alveolyar exinokokkozni davolashda Vermuf qo'shimcha vosita hisoblanadi. Preparatning doza va qo'llash tartibi gidatidozli exinokokkozdagidek. Davolash davomiyligi va kursi bemorning holati va preparatga toqat qilishiga qarab belgilanadi.

Ovqat hazm qilish tizimi tomonidan: jigar funksiyasining buzilishi va jigar funksional testlarining o'zgarishi ("jigar" transaminazalarining faolligining kuchsiz yoki o'rtacha oshishi), gepatit, o'tkir jigar yetishmovchiligi, epigastriy sohasida og'riq, anoreksiya, qabziyat, diareya va og'iz qurishi, ko'ngil aynishi, qusish.

Qon hosil bo'lish tizimi tomonidan: suyak iligi qon hosil bo'lishining bostirilishi (leykopeniya, granulositopeniya, agranulositoz, trombotsitopeniya, pansitopeniya, aplastik anemiya, suyak iligi faoliyatining bostirilishi, neyropeniya).

Yurak-qon tomir tizimi tomonidan: arterial bosimning oshishi.

Markaziy asab tizimi tomonidan: bosh og'rig'i va bosh aylanishi, meningeal simptomlar, bosh ichki bosimining oshishi.

Siydik ajratish tizimi tomonidan: buyrak funksiyasi ko'rsatkichlarining o'zgarishi (o'tkir buyrak yetishmovchiligi).

Teri qoplamlari tomonidan: qichishish, teri toshmasi, multiform eritema, Stivens-Djonson sindromi.

Allergik reaksiyalar: angionevrotik shish, darhol rivojlanadigan gipersensitivlik reaksiyalari.

Boshqalar: gipertermiya, alopesiya.

Agar yo'riqnomada ko'rsatilgan har qanday nojo'ya ta'sirlar kuchaysa yoki yo'riqnomada ko'rsatilmagan boshqa nojo'ya ta'sirlar paydo bo'lsa, bu haqda shifokorga xabar berish lozim.

Vermuv antigelmint preparat bo‘lib, uning farmakologik xususiyatlari faol modda – albendazol ta’siri bilan belgilanadi. Albendazol karbamatbenzimidazol guruhiga kiradi. Albendazolning ta’sir mexanizmi – uning ichak kanali gelmintlari hujayralarining mikrotubulyar tizimi faoliyatini buzish qobiliyatidir, bu esa tubulin oqsilining shikastlanishiga olib keladi. Natijada hujayrada biokimyoviy buzilishlar yuzaga keladi – glyukoza va fumaratreduktaza transportining susayishi, bu esa hujayra bo‘linishining metafaza bosqichida bostirilishiga asos bo‘ladi va gelmintlar tuxum qo‘yishi va lichinkalarining rivojlanishi bostirilishi bilan bog‘liq.

Albendazol sekretor granulalar va boshqa organellalarning dumaloq chuvalchanglar mushak hujayralarida harakatlanishini bloklaydi, bu ularning o‘limiga olib keladi.

Albendazol ichak nematodlarining ko‘pchiligiga, shuningdek, tsestodlarning lichinka (larval) bosqichlariga, shuningdek, lyambliyaga nisbatan samaralidir. Albendazol antiparazitar preparat sifatida yetarlicha keng ta’sir doirasiga ega.