Tashqi qo‘llash uchun gel 100 g trokserutin 2 g dekspantenol 5 g geparin natriy 0,25 g (30000 ED) yordamchi moddalar: feniletil spirti, propilenglikol, karbomer 940 yoki 980, trometamol, tozalangan suv alyuminiy tubada 30 yoki 40 g, karton qutida 1 tuba

Shish va og‘riq sindromi hamda mikrotsirkulyator-trofik buzilishlar, pastki oyoq-qo‘llarning venoz yetishmovchiligi bilan bog‘liq (varikoz kengaygan venalar, o‘tkir va surunkali tromboflebit, posttromboflebitik sindrom, surunkali limfostaz) - yumshoq to‘qimalar shikastlanishi (gematomalar, chiqishlar, cho‘zilishlar) - regeneratsiya bosqichida (aniq eksudatsiya bo‘lmaganda) trofik yaralarning granulyatsiyasi va epitelizatsiyasini tezlashtirish uchun.

• 1 yoshgacha bo'lgan bolalar yoshi.

Mahalliy. Zararlangan joyga va uning atrofidagi teriga yupqa qatlamda surtib, 2–3 marta kuniga, teri yuzasiga bir tekisda engil ishqalash harakatlari bilan to‘liq singib ketguncha qo‘llaniladi. Davolash kursi 2–3 hafta davom etadi. Keyingi davolash zarurati davolovchi shifokor tomonidan patologik jarayon og‘irligi va klinik tahlillar natijalariga qarab belgilanadi. Kasallik qaytalanganda davolash kursini yiliga 2–3 marta o‘tkazish mumkin. Trofik yaralarda kuchsiz ekssudatsiya bo‘lsa, preparatni qo‘llashdan oldin yara yuzasi ekssudat va nekrotik to‘qimalardan tozalanadi, zarur bo‘lsa, 3% vodorod peroksid, 1:5000 furatsilin yoki 0,05% xlorgeksidin biglyukonat eritmasi bilan yuviladi va quritiladi. Gel bir tekisda yupqa qatlamda shunday surtib chiqiladi, butun zararlangan yuzani preparat qoplaydi va steril doka bog‘lam qo‘yiladi. Bog‘lam kuniga 1 marta almashtiriladi. Ochiq usulda davolashda preparat 1–2 marta kuniga qo‘llaniladi. Davolash davomiyligi epitelizatsiya dinamikasiga qarab belgilanadi.

Venolayf gel — tashqi qo‘llash uchun mo‘ljallangan kombinatsiyalangan preparat bo‘lib, uning farmakologik xususiyatlari tarkibiga kiruvchi moddalarning ta’siri bilan belgilanadi. Geparin — to‘g‘ridan-to‘g‘ri ta’sir qiluvchi antikoagulyant, organizmning tabiiy antikoagulyant omili — yallig‘lanishga qarshi ta’sir ko‘rsatadi, biriktiruvchi to‘qima regeneratsiyasiga yordam beradi, gialuronidaza faolligini bostirish hisobiga tromb hosil bo‘lishiga to‘sqinlik qiladi, qonni fibrinolitik xususiyatlarini faollashtiradi, mahalliy qon aylanishini yaxshilaydi. Deksapantenol — provitamin V5 — terida pantoten kislotasiga aylanadi, u koferment A tarkibiga kiradi, bu esa atsetillanish va oksidlanish jarayonlarida muhim rol o‘ynaydi, almashinuv jarayonlarini yaxshilaydi, deksapantenol shikastlangan to‘qimalarning regeneratsiyasiga yordam beradi, geparinning so‘rilishini yaxshilaydi. Trokserutin — angioprotektor vosita, P-vitamin faolligiga ega, xususan, tomir-to‘qima o‘tkazuvchanligi va kapillyarlarning mo‘rtligini kamaytiradi, mikrotsirkulyatsiya va to‘qimalar trofikasini normallashtirishga yordam beradi, venalarda va paravenoz to‘qimalarda turg‘unlik hodisalarini kamaytiradi, shish va yallig‘lanishga qarshi ta’sir ko‘rsatadi. Bundan tashqari, konservant-antiseptik feniletil spirti mavjudligi tufayli preparat bakteritsid va fungitsid ta’sir ko‘rsatadi, yarali yuzaning infeksiyalanishini oldini olishga yordam beradi. Gel asosining tarkibi preparatga o‘rtacha giperosmolyar xususiyatlar beradi.